Kuy

Ijodkor tomonidan o'z maromiga yetkazib ijro etilayotgan nayning go'zal va betakror tovushi dardli inson qulogʻiga qargʻaning qagʻillashi kabi eshitiladi, och odamga esa eshitilmaydi):

® Ramziddin Abdikhalil

™️ https://t.me/Taskinnn

Haqiqat

To'ylarimiz haqiqatni so'zlaydi, biz gapirmaymiz, o'zi aytadi. Qishloq toʻylari, erta tongda dasturxonchi ko'chalar bo'ylab hayqiradi, "nahorgi oshga", "falonchinikiga"...

Kun yakunlandi, to'yxonada faqat, faqat ota kun bo'yi bir xil kiyimda yurdi, eski do'ppi, ohori to'kilgan kastyum va dag'al oyoq kiyim, avvalgi to'yda ham shuni kiygandi. (avvalgi to'yga 6 yil bo'ldi):

Otalarimiz doimo shunday bo'lishgan, uning yelkasida mas'uliyat bor, unda ro'zg'or tashvishi, unda ulg'aygan farzandining jahlini ko'tarish uchun matonat bor hali):

® Ramziddin Abdikhalil

™️ https://t.me/Taskinnn

Hissiyot

Inson qalbidagi eng katta ogʻriq bu begʻubor va hayotga quvonch koʻzi bilan qarovchi farzandining hohlagan narsasini olish uchun qora mehnatdan yuziga ajin tushgan otaning qurbi yetmasligi, boʻsh hamyondan qayta qayta pul ahtarish, hech narsa yoʻqligini oʻzi biladi, lekin ters ayta olmaydi, ogʻir.

® Ramziddin Abdikhalil

™️ https://t.me/Taskinnn

Qadriyat

Bugungi kunga qadar necha yil umr kechirib, qanchadan qancha bahor-u kuzlarni boshingizdan oʻtkazgan, hayotingizdagi har bir insonning oʻziga xos tarixi, yaxshi va yomon kunlari, sabrli davrlari va uni eslatuvchi xotiralar, qayta takrorlanmasligi uchun saboq boʻlgan voqealar bor. Shu umr davomida hayotingizdan mustahkam oʻrin egallagan odatlar bor, unga doim hurmatdasiz, qadrlaysiz - u qadriyat, sizning qadriyatingiz.

Millatning ham qadriyati bor, bir avlod emas balki yuzlab avlodlarning dardi va sabogʻini birlashtirgan.

Siz uchun bugun mazasiz boʻlgan taom bir vaqtlar miskinning yashashi uchun ilinj boʻlgan, moda emas deb kiyishga or qilgan kiyimingiz kim uchundir orzu boʻlgan, faqat janozada kiyilayotgan doʻppi millat gʻururi boʻlgan oʻz davrida.

® Ramziddin Abdikhalil

™️ https://t.me/Taskinnn

Ehtiyoj

Hayot faoliyati va insonlar bilan munosabatlarda ba'zan xato qilamiz, kimnidir hafa qilishimiz va yoki o'zimiz kimdandir ranjib qolishimiz mumkin.

O'ylab qarasangiz, ba'zi jarayonlarda qaror qabul qilish uchun ilm, tafakkur va mulohaza, ba'zi o'rinlarda esa tajriba va kimningdir maslahati kerak. Yana shunday o'rinlar borki, unga shunchaki farosat kerak):

® Ramziddin Abdikhalil

™️ https://t.me/Taskinnn

Jamiyat

Koʻngillar kabi nozik boʻlgan bu jamiyat na mukofotni va na jazoni koʻtara oladi. Biri kibr, ikkinchisi jabr.

® Ramziddin Abdikhalil

™️ https://t.me/Taskinnn

Baxt

Hayot tashvishlari bilan shoshilib, vaqtingiz vaqtingizga yetmay, yoʻlda turtilib va quvonib yurish, shunday yashash ham bir baxt.

Har tongni huddi birinchi bor ishga kirgan kunimiz, talabalik baxtiga muyassar boʻlgan lahzalarimiz kabi hayajon bilan kutib olish barchamizga nasib qilsin.

Albatta duogoʻylarimizni Alloh panohida asrasin, ularsiz baxtimiz toʻkis emas!

® Ramziddin Abdikhalil

™️ https://t.me/Taskinnn

Qurol

Insoniyat ibtidoiy davrdan to bugungi kunga qadar doimo kurash va raqobat bilan ulg'ayib borgan. Har bir davrda urushlar va unga mos qurbonlar, turli tuman jang qurollar va hiylalar paydo bo'lib borgan.

Bugungi kunga kelib qurollar ko'p, lekin eng chirkin inson ham raqibiga qarata uning oriyati va g'ururi bor, unga qarshi eng yaxshi qurol shu deya olmaydi, afsus bu qurol bilan jang qilmoq uchun raqib yo'q): aks

® Ramziddin Abdikhalil

™️ https://t.me/Taskinnn

Bosh

Kunlardan bir kun qaysidir karomati uchun eng yaxshi chumoli fillar karvoniga yoʻlboshlovchi boʻldi va fillar oʻz manzili uchun yer ostida harakatlana boshladi.

Bosh qayerga yursa, tana ham shu tomonga qarab harakat qiladi, hech qachon sizni oyogʻingiz yoʻldan urmaydi.

Qoʻli egri emas, fikri buzuq

® Ramziddin Abdikhalil

™️ https://t.me/Taskinnn

Bajarilmagan va'da

Baʼzan insonlarni bajarilmagan vadalar bogʻlab turadi, diydor va hotirjamlik uchun sabab, doimiy soʻzlashishga mavzu va tabassumlar sababchisi. Balki shu vaʼda bajarilsa ikki tomonda ham jurʼat topilmas.

Uhlatib ketish emas lekin bu

® Ramziddin Abdikhalil

™️ https://t.me/Taskinnn

Muvozanat

Chiroylilarni (hoh husni, hoh hulqi) sevishni istar ekansiz avvalo chiroyli sevishni, iltifot kutar ekansiz avvalo kamtar boʻlishni, yaxshilik kutar ekansiz avvalo hayr qilishni, halolini kutar ekansiz avvalo sabrli boʻlishni oʻrganing!

Aksini kutsangiz aksiga yetasiz):

® Ramziddin Abdikhalil

™️ https://t.me/Taskinnn

Keyingi bekat

Umr aftobus emaski doimo keyingi bekat keladigan. Shamol bargini to'kgan mag'rur daraxt ham bir ibrat. Ildizi esa qumursqalarning oshiq o'yini.

Keyingi bekat yo'q, qayta imkon ham, cheksiz yo'lda har bir lahza faqat bir bor beriladi. Daraxt qulaydi, nihol jonsiz, umid yo'q.

® Ramziddin Abdikhalil

™️ https://t.me/Taskinnn

IBRAT

Ko'chada mast holda yotgan inson qanchalik aqilli va dono bo'lmasin uning so'zlari tugul, o'zini ko'rishga ham jirkanasiz.

Balki bir kun avval uning qadri osmon bo'lgandur. Qadrning umri mavhum, hulqingiz bilan birga ulg'ayadi, birga o'ladi.

® Ramziddin Abdikhalil

™️ https://t.me/Taskinnn

Oʻsish

Oʻz oldingizga qaysidir maʼnoda oʻsishni, hozirgi holatga nisbatan oʻzgarishni niyat qilar ekansiz maqsadni hayrli qiling.

Har holda yuqoriga ham, pastga ham oʻsish mumkin.

® Ramziddin Abdikhalil

™️ https://t.me/Taskinnn

Buyuklik

Buyuk inson bo'lish bu - mashaqqatli mehnat va tinimsiz harakat, matonat, aql-zakovat va sabr-bardosh bilan birga rizq va davr(jamiyat)ning shunga vaziyatni yetiltirishidir!

Jamiyat hohlamasa, unda ehtiyoj va bunda rizq bo'lmasa ming daho bo'lsa ham "tog'larni orasidan nomi chiqmay" o'tib ketaveradi.

Aql-zakovat va sabr-bardosh ham rizq):

® Ramziddin Abdikhalil

™️ https://t.me/Taskinnn

Orzu

Badavlat tanishingni hashamatli uyi va zamonaviy mashinasi, qimmatbaho soati va kiyimlari sen uchun havas, harakat qilsang, rizq boʻlsa ortigʻiga ham yetasan, imkon bor.

Sening sogʻlom tana aʼzolaring, qoʻling va oyoqlaring, koʻrib turgan koʻzing va eshitayotgan quloqlaring, har xil soʻzlarni soʻzlayotgan zaboning ham kim uchundir orzu. Qani imkon ?

Salomatliging uchun duo qilib turgan ota-onangni borligi ham kim uchundir orzu, qani imkon boʻlsa edi.

Maqsadni katta qoʻying, ammo borini ham qadrlang):

® Ramziddin Abdikhalil

™️ https://t.me/Taskinnn

#taskin
#yomğir

🌧Hammaning tabiati har xil, masalan menga yomgʻir yoqadi. Ayniqsa maydalab yogʻsa va davomli boʻlsa. Yomgʻir ostida yursang.....

👟Tinimsiz yogʻayotgan yomgʻirlar oyoq kiyimidan suv oʻtadigan talabaga ham yoqarmikan;

💦 uyining bir chetidan chakka oʻtadigan kamsuqum qora ishchigachi;

🍂 gullagan daraxtlarini bitta qolmay nobud qilayotgan bogʻbongachi;

🥺 shu kunlarda sovuqligi uchun mardikor bozorida ish topolmaganlarning oilasigachi........

☔️ Ular uchun yomgʻirda yurish ahamiyatsiz menimcha(!

® Ramziddin Abdikhalil

@Taskinnn

Doʻst

Gʻulom haftaning yetti kunidan faqat bir kuni may ichmas edi, sababini soʻrashganida - oʻsha kunda bir doʻsti xabar olgani kelishi, mast holatda koʻrsa qattiq ranjishi va nasihat qilib, shu kuni ichganiga pushaymon qilishini aytdi. 

Yillar oʻtdi, haftada bir keladigan doʻst ham bu yorugʻ olamni tark etdi, rizq. Endi esa Gʻulom har haftaning bir kunida qoʻshni qishloqqa oʻtib turadigan boʻldi. Aks):

® Ramziddin Abdikhalil

™️ https://t.me/Taskinnn

Haqiqiy do‘stlar yilda bir marta ko‘rishishadi va ularning birga tushgan suratlari bo‘lmaydi.

Vaziyat

Vaziyat tug'ilishi bilan agar muvaffaqiyatga erishsangiz sizning o'zingiz bilmagan g'ayratingiz, ilmingiz, halolligingiz va shijoatingiz haqidagi iliq fikrlarni eshitasiz va yoki yiqilgan vaqtingizda uzoq vaqtlar mobaynida yashirib yurgan qilmish va xatolaringiz, bilgan va bilmagan ayblaringiz yuzaga chiqadi.

Vaziyatdan hushyor bo'lish, u ikkiyuzlamachiroq):

® Ramziddin Abdikhalil

™️ https://t.me/Taskinnn |
®️https://t.me/Ramziddin_Abdikhalil