Faxr

Yangi davrda insonga gʻurur, faxr va iftixor tuygʻularini his qilishlarini taʼminlash yoʻli bu hamma uchun qatʼiy boʻlgin qoidani buzish.

Ushbu faxrli ish qancha koʻp insonlar koʻz oʻngida sodir boʻlsa, shuncha qadrlilik darajasi ortadi. Aks):

® Ramziddin Abdikhalil

™️ https://t.me/Taskinnn

#Drabl
#Halovat

🕌 Gʻulom jumʼa namozini oʻqish uchun masjidga qadam qoʻydiyu, bir oz hijolat bilan ust boshiga qaradi, ichkarida oʻtirgan insonlarning ust boshlari anchayin raso, har qaysilarining yonlarida qimmatbaho ulovlarining kaliti-yu soʻnggi rusumli smartfon, liboslariga gard yuqmagan, havas qilasan kishi. Gʻulomda esa oʻsha eski yamoq kiyimlar, 4G nimaligini bilmagan telefon, hayolini zikrdan chalgʻitgan tirikchilik vajida gangib, mingʻirlagancha yurib borardi, nima uchundir koʻngliga urilgan birinchi fikr ichkariroqqa, imomga yaqinroqqa joylashish boʻldi.

📿 Hushuga yetolmadi, hayol hamon tirikchilik, yashash uchun kurash vaji bilan band edi. Qaytib chiqa turib oʻsha havas qilgan insonlaridan birining koʻzida yosh bilan qilayotgan iltijosi qulogʻiga qaqshab eshitildi, "Ey Allohim, birgina ilinjim, halovat bergin....."

❕ Masjid eshigiga yetganida ortiga oʻgirilgan Gʻulom, havas qilgan insonlarining birortasida bosh kiyim yoʻqligi koʻrdi, hayol oʻz joyida...

® Ramziddin Abdikhalil
📚 "Taskin uchun yashalgan yillar"

🗓 07.05.2022

™ @Taskinnn

Xotira

Qani edi umri yakunida insonni qancha vaqti online boʻlgani, kimga like bosgani, qancha komment yozgani, druzyalari soni bilan eslashganida edi, qadr aks, balki yetar.

Bu yillar gʻanimat, kunlar gʻanimat, soniya gʻanimat. 20 yoshgacha katta boʻlasan (+), soʻng esa aksi (-):

® Ramziddin Abdikhalil

™️ https://t.me/Taskinnn

Fikr

Faqat oyoq ostini oʻylaydigan va kaltabin kimsagina suv oʻrnini choy yoki qahva bosadi deyishi mumkin.

Suv, avvalo isteʼmol ehtiyoji, soʻng poklanish, ozodalik, tabiat, jamiki jonzodlar va borliq uchun hayot manbayi.

Suv, isrof va uvol navbatida doimo birinchi, ariqlarda oqqan ham, chiqindi tashlangan ham, qadriga yetilmagan ham.

Hayotingiz suv kabi boʻlsin, hech kim bilmasa ham hammaga foydangiz tegsin, hayrli boʻladi!

® Ramziddin Abdikhalil

™️ https://t.me/Taskinnn

Mehnat

Minglab insonlar va yoki bir avlodning mashaqqatli mehnati va umri evaziga bunyod etilgan qadriyat bir ahmoq kimsaning badnafsligi va badfelligi natijasida qulashi mumkin.

Nafsingizni ehtiyot qiling, imkon boʻlsa ishlamagani maʼqul):

® Ramziddin Abdikhalil

™️ https://t.me/Taskinnn

Sinov

Halol yurib, samimiyat va poklik, mehnat va mashaqqat bilan harakat qilsang-u kimningdir kasriga balogardon qolib, aziyat cheksang bu sinov, albatta ajri bo'ladi. Agarki harom va tuban yo'lda yurib boshing devorga tegsa, bu ko'ngilga tugib yurgan niyatlarning mukofoti.

® Ramziddin Abdikhalil

™️ https://t.me/Taskinnn

Eʼtibor

Har birimiz boshimiz osmonga qadar borib yetsa hamki eʼtiborga muhtojmiz, eʼtiborning qulmiz.

Tasavvur qiling, hech kim boʻlmasa sizning kuchingiz, husningiz, hayringiz va qadringiz qanchalik muhim):

® Ramziddin Abdikhalil

™️ https://t.me/Taskinnn

Xabarchi

Xabarchilardan ehtiyot bo'lgan ma'qul. Kimningdir haqida sizga pinhona xabar keltirgan inson albatta siz haqingizdagi xabarni ham kim(lar)gadur yetkazmasligi dargumon.

P/S: Halol va to'g'ri insonga har ikki vaziyatning ahamiyati yo'q):

® Ramziddin Abdikhalil

™️ https://t.me/Taskinnn

Xat tashuvchi

Xat tashuvchi qishloqda barchaga hush kayfiyat ulashuvchi, samimiy va quvnoq inson. U xabar olib kelganda insonlar ikki martta hursand bo'lishadi: biri xat tashuvchini ko'rganligi, ikkinchisi yaxshi xabar olib kelganligidan. Uzoq yillar insonlarga quvonch ulashgan yaxshilik elchisi hech bir dardsiz, erta tongda vafot etdi.

Yaqinlari yo'qligi sabab qo'shnilari va taniganlar uni ohirgi manzilga kuzatishdi, uyidan esa mazmuni fisq-u fasod va g'urbatga to'la tahlam tahlam xatlar, bir dunyo yozilmagan oq qog'oz va siyohga botgan qalam topildi.

P/S: Qo'lingdan kelganicha hayr qil, qo'lingdan keladi.

® Ramziddin Abdikhalil

™️ https://t.me/Taskinnn

Kuy

Ijodkor tomonidan o'z maromiga yetkazib ijro etilayotgan nayning go'zal va betakror tovushi dardli inson qulogʻiga qargʻaning qagʻillashi kabi eshitiladi, och odamga esa eshitilmaydi):

® Ramziddin Abdikhalil

™️ https://t.me/Taskinnn

Haqiqat

To'ylarimiz haqiqatni so'zlaydi, biz gapirmaymiz, o'zi aytadi. Qishloq toʻylari, erta tongda dasturxonchi ko'chalar bo'ylab hayqiradi, "nahorgi oshga", "falonchinikiga"...

Kun yakunlandi, to'yxonada faqat, faqat ota kun bo'yi bir xil kiyimda yurdi, eski do'ppi, ohori to'kilgan kastyum va dag'al oyoq kiyim, avvalgi to'yda ham shuni kiygandi. (avvalgi to'yga 6 yil bo'ldi):

Otalarimiz doimo shunday bo'lishgan, uning yelkasida mas'uliyat bor, unda ro'zg'or tashvishi, unda ulg'aygan farzandining jahlini ko'tarish uchun matonat bor hali):

® Ramziddin Abdikhalil

™️ https://t.me/Taskinnn

Hissiyot

Inson qalbidagi eng katta ogʻriq bu begʻubor va hayotga quvonch koʻzi bilan qarovchi farzandining hohlagan narsasini olish uchun qora mehnatdan yuziga ajin tushgan otaning qurbi yetmasligi, boʻsh hamyondan qayta qayta pul ahtarish, hech narsa yoʻqligini oʻzi biladi, lekin ters ayta olmaydi, ogʻir.

® Ramziddin Abdikhalil

™️ https://t.me/Taskinnn

Qadriyat

Bugungi kunga qadar necha yil umr kechirib, qanchadan qancha bahor-u kuzlarni boshingizdan oʻtkazgan, hayotingizdagi har bir insonning oʻziga xos tarixi, yaxshi va yomon kunlari, sabrli davrlari va uni eslatuvchi xotiralar, qayta takrorlanmasligi uchun saboq boʻlgan voqealar bor. Shu umr davomida hayotingizdan mustahkam oʻrin egallagan odatlar bor, unga doim hurmatdasiz, qadrlaysiz - u qadriyat, sizning qadriyatingiz.

Millatning ham qadriyati bor, bir avlod emas balki yuzlab avlodlarning dardi va sabogʻini birlashtirgan.

Siz uchun bugun mazasiz boʻlgan taom bir vaqtlar miskinning yashashi uchun ilinj boʻlgan, moda emas deb kiyishga or qilgan kiyimingiz kim uchundir orzu boʻlgan, faqat janozada kiyilayotgan doʻppi millat gʻururi boʻlgan oʻz davrida.

® Ramziddin Abdikhalil

™️ https://t.me/Taskinnn

Ehtiyoj

Hayot faoliyati va insonlar bilan munosabatlarda ba'zan xato qilamiz, kimnidir hafa qilishimiz va yoki o'zimiz kimdandir ranjib qolishimiz mumkin.

O'ylab qarasangiz, ba'zi jarayonlarda qaror qabul qilish uchun ilm, tafakkur va mulohaza, ba'zi o'rinlarda esa tajriba va kimningdir maslahati kerak. Yana shunday o'rinlar borki, unga shunchaki farosat kerak):

® Ramziddin Abdikhalil

™️ https://t.me/Taskinnn

Jamiyat

Koʻngillar kabi nozik boʻlgan bu jamiyat na mukofotni va na jazoni koʻtara oladi. Biri kibr, ikkinchisi jabr.

® Ramziddin Abdikhalil

™️ https://t.me/Taskinnn

Baxt

Hayot tashvishlari bilan shoshilib, vaqtingiz vaqtingizga yetmay, yoʻlda turtilib va quvonib yurish, shunday yashash ham bir baxt.

Har tongni huddi birinchi bor ishga kirgan kunimiz, talabalik baxtiga muyassar boʻlgan lahzalarimiz kabi hayajon bilan kutib olish barchamizga nasib qilsin.

Albatta duogoʻylarimizni Alloh panohida asrasin, ularsiz baxtimiz toʻkis emas!

® Ramziddin Abdikhalil

™️ https://t.me/Taskinnn

Qurol

Insoniyat ibtidoiy davrdan to bugungi kunga qadar doimo kurash va raqobat bilan ulg'ayib borgan. Har bir davrda urushlar va unga mos qurbonlar, turli tuman jang qurollar va hiylalar paydo bo'lib borgan.

Bugungi kunga kelib qurollar ko'p, lekin eng chirkin inson ham raqibiga qarata uning oriyati va g'ururi bor, unga qarshi eng yaxshi qurol shu deya olmaydi, afsus bu qurol bilan jang qilmoq uchun raqib yo'q): aks

® Ramziddin Abdikhalil

™️ https://t.me/Taskinnn

Bosh

Kunlardan bir kun qaysidir karomati uchun eng yaxshi chumoli fillar karvoniga yoʻlboshlovchi boʻldi va fillar oʻz manzili uchun yer ostida harakatlana boshladi.

Bosh qayerga yursa, tana ham shu tomonga qarab harakat qiladi, hech qachon sizni oyogʻingiz yoʻldan urmaydi.

Qoʻli egri emas, fikri buzuq

® Ramziddin Abdikhalil

™️ https://t.me/Taskinnn