Dunyoning g‘alati yo‘rig‘iga boq,
Kimga aysh tashnayu kimga dor mushtoq.
Lekin hammasidan ma’no bittadir:
Qurbon oldin ketar, jallod keyinroq.

© Abdulla Oripov

™️ @Taskinnn

Biz shundaymiz

Qarash shunday:

- Qaysidir oʻlkalardagi och insonlarga ich ichimizdan achinamiz, lekin och oʻtirgan qoʻshnimiiz holidan xabar olmaymiz;

- qaysidir mashhur insonning ustidan nojoʻya gap-soʻzlar tarqaliganidan gʻazablanamiz, fikr bildiramiz, biroq yaqinimizdagi minglab insonlarning begunoh badnom boʻlishini jim kuzatamiz;

- biz shunday insonlarmiz, ehson uchun ming soʻmni qizgʻonib, ziyofat va aysh uchun millionlarni ham ayamaymiz;

- koʻcha koʻyda minglab insonlarning yomon ekanligidan hasrat qilamiz, lekin aqalli bittasini yaxshi tomonga oʻtkazishga harakat qilmaymiz, chunki ular yomon;

- biz uchun skut saqlagan inson aybdor, ozovi boricha baqirganlar esa jabrdiyda.

Biz shundaymiz, balki xatodir, uzr!

® Ramziddin Abdikhalil

™️ @Taskinnn

#Davr

Davrning dardi bilan 30 yoshli, yetuk, oliy maʼlumotli insondan umrning yakuni haqidagi savolga skut bilan toʻgʻri javob olishdi.

Huddi shu savol 6 yoshli bolaga berildi, u javob berdi "bilmayman". U toʻgʻri javob berdi, lekin inobatga olinmadi.

Baʼzi insonlarning skunati haqiqat, baʼzi insonlarning toʻgʻri javobi aks. Bilmaganimiz uchundir.

® Ramziddin Abdikhalil

™️ @Taskinnn

RAMAZONNI ESLAB

Gʻulom, kunni yarmini uyqu bilan oʻtkazdi, qaydam, uyqu ham kelavermaydi, koʻchaga chiqdi, sayr qildi, ikkita chiroyli, lekin ochiq kiyingan qizlarga koʻzi tushdi, koʻzini uza olmadi, uzishgada qodir emasdi, yoʻlda davom etar ekan bir yaqin doʻsti bilan koʻrishib qoldi, u bilan oqibati uzoqlashgan bir tanishlari haqida uzoq suhbat qurdi, keyin yoʻlda bir faqir inson koʻcha supurayotganini koʻrib, ustidan kulgandek yoʻl changitdi, qiziqdida, uyiga qaytib kelgach hayol bilan boʻlib, ikki qultum suv ichib yubordi. Suv ichdiyu yuragi gʻalati boʻlib qoldi, oʻzini aybdor his qildi, roʻzam buzilmadimikan.

® Ramziddin Abdikhalil

™️ @Taskinnn

#Jabr

Yomg'ir va shamol so'ramay eshik qoqdi, dalaga rizq, yerga hayr, o'z missiyasini bajarib bo'lgan "ko'za kunidan so'ng sindi", bir inson uchun jabr, bir mahzun uchun ko'z yosh, hadik, faryod, lanat»

Erta tong, kechagi yomg'irdan so'ng, maysalar yer uzra og'ir holda bosh ko'tarishsa kk, maysalar.

📍 Namangan. 01.05.2023.

® Ramziddin Abdikhalil

™️ @Taskinnn

O'qituvchi - ijodkor.
Dars - san'at asari!

® Ramziddin Abdikhalil

™️ @Taskinnn

#Xabarni_tekshirib_koʻrib_keyin_tarqatinglar!

“Ey iymon keltirganlar! Agar fosiq xabar keltirsa, aniqlab koʻringlar, bir qavmga bilmasdan musibat yetkazib qoʻyib, qilganingizga nadomat chekuvchi boʻlmanglar”.(Hujurot surasi, 6-oyat).

“Abu Hurayra roziyallohu anhuning hadisi: "Nabiy sollallohu alayhi vasallam “Eshitgan har bir narsasini gapiraverishi kishining yolgʻonchiligiga kifoya qiladi” deganlar”.

Facebookdan olindi.

👉@sodirjonov_m

#Tong

Shukr, ming shukr, kechqurun sog'-salomat uyquga ketib, erta tong hotirjam va tirik uyg'onganligimiz uchun;

Shukr, shu tongda jannatimiz va davlatimiz borligini his etib, ularga yana bir tongda suyana olishimizni bilganimiz, jigarlarimizni qumsab bir oz o'yga tolganimiz uchun;

Shukr, tanimizga shikast yetmagan, yurishga oyoqlarimiz, ko'rishga ko'zlarimiz, so'zlamoqqa til va eshitmoq uchun quloqlarimiz sog'lomligi uchun;

Shukr, shu tongda bizga chirkin illatlardan va g'ayir yo'llardan, harom ishlardan (agar qilgan bo'lsangiz) qaytish, qaysidir birodaringizni ko'nglini noo'rin (o'rinli bo'lsa ham) og'ritgan bo'lsangiz, ikki og'iz uzurni aytishga yana bir imkoniyat berilganligi uchun;

Shukr, kimgadur yaxshilik, oz bo'lsada hayrli ish qilish uchun yana bir kun imkoniyat, ertaga berilmasligi mumkin bo'lgan imkoniyat uchun;

P/S: Birgina tong berayotgan ne'matlar!

® Ramziddin Abdikhalil

™️ https://t.me/Taskinnn

#Xulosa

Yurib ketayotgan insonning ortga qarashi uning uchun zarar boʻlishi mumkin. Ikkilandingmi, shoshilma, toʻxta, ortga qara, qayerda eding, qayerdan kelding va qayerga ketyapsan...

® Ramziddin Abdikhalil

™️ https://t.me/Taskinnn

#Yakun

Ba'zan, qaysidir senga yaxshiligi, na bir nafi tegmagan, faqat o'zi bilan o'zi ovvora bo'lib yurgan, lekin hech kimga qalbida zarra g'arazi bo'lmagan insonning vafotini hazm qila olmay qolasan kishi.

Yorug' olamda yana bir yaxshi inson, uning qadriga teng halovat, bir oz samimiyat ham bizni tark etadi.

Ketganingdan so'ng o'rning bilinishini hohlaysan, albatta yaxshi nom va xotira bilan!

® Ramziddin Abdikhalil

™️ https://t.me/Taskinnn

#illat

Farzandingni ta'lim-tarbiya olishini, jamiyatga qo'shilishini istamasang uyingdan chiqarma. Quyosh nuridan aziyat chekmasin desang derazasi yo'q va salqin uyda saqla. Qurbing yetsa uyingda o'qit va keyinchalik ish joyini ham aynan o'sha xonaga olib kelib ber. Va nihoyat, so'nggi kuningda ham o'sha xonadan chiqmasin. vasiyat qil.

Dunyoning dardi kirmagan ko'ngilning ko'chasida, bir ustozning dakkisi og'irlik qilibdida.

Kelajagimiz egalari bo'lgan yoshlaga tarbiya, ta'lim berayotgan insonlarga shunday munosabatda bo'laverar ekanmiz, butun dunyo ham bizga shunday munosabatda bo'laveradi. yuzimiz qon, dard, illat.

Asli, shu qonli yuz bizning asl qiyofamiz, jamiyatimizning asl yuzi, bugunimiz!

® Ramziddin Abdikhalil

™️ https://t.me/Taskinnn

#Sodda_qalb

Uzoq emas, yaqin kunlar. Bir insonni tanir edim, sodda, samimiy, oddiy inson. Na g'arazi, na achchiq gapi va na kinoyasi bor edi. Har hafta jum'adan qaytishda qant olib kelardim, juda hursand bo'lar edilar, samimiyat va quvonch ko'zlaridan bilinib turardi. Shu kichikkina e'tibor ham u insonning ko'nglini osmonlar qadar ko'tarar edi.

Yaqinda, anchayin muammolar bilan bo'lib, na ko'zida quvonch, na yuzida tabassum qoldi. Men esa anchadan buyon qand olib kela olmayapman. Olib kelsam, kayfiyati ko'tarilarmikan...?

® Ramziddin Abdikhalil

™️ https://t.me/Taskinnn