Sizni chin dildan yomon ko'radigan insonlar bilan muloqot qilib turing, haqiqiy kamchiliklaringizni ular yaxshiroq biladi!

Koʻngillar kabi nozik boʻlgan bu jamiyat na mukofotni va na jazoni koʻtara oladi. Biri kibr, ikkinchisi jabr.

Ikkilanish yoʻq degan javobning sekinlashtirilgan varianti!

Bir osmon ostidagi insonlarning hech biri bir-birlariga begona emas, balki qolgan jonizodlar ham!

Agar dushman birinchi boʻlib xabar yetkazsa, ikkinchi boʻlib borish mantiqsizlik!

Moli koʻp deb, mehmon boʻlma nomardda,
Joʻmard faqir, boʻlsa hamki yor ayla...

Bu dunyoda har doim har kimga nimadir yetmaydi. Kimnidir yeyishga noni yo'q, kimnidir brillianti kichkina.

Shaxmat oʻyinida oʻyin yakuniga qadar shoxni himoya qilasiz, avval piyodalar, keyin undan yuqori donalar qurbon beriladi, yakunda esa, oʻyindan soʻng hammasi bir qutiga berkitiladi, qismat tengligi, borar joyi, borar joyimiz bir....

Yaxshilikni siz ham, u ham unutishi mumkin, yomonlikni esa ikki tomon va bunga guvohlar ham unutmaydi!

Bizni soyada ham tark etmaydigan hamrohimiz bu rizqimizdir, toki tirik ekanmiz u doim biz bilan!

Yaxshi suhbatdosh bilan hayrli suhbat qursang choying sovib qoladi, g'iybat qilsang ham!

(Hammasini yoʻqotsang, hech narsadan qoʻrqmaysan)

"Kuchli mo‘min kuchsiz mo‘mindan yaxshiroq va Allohga mahbubroqdir..."

Hayotning sinovlarida biron martta sinalmagan inson eng ojiz va kuchsiz insondir!

“O‘zingiz kabilar uchrasin" - kim uchundir eng katta baxt, kim uchundir eng og'ir la'nat!

Shunday boy insonlar borki, ularda puldan boshqa hech narsa yo'q va yana shunday boy insonlar borki, ularda faqat pul yo'q halos!

Qabul bo‘lmagan duoga vaqti kelib, qabul bo‘lmagani uchun shukr qilasiz. Chunki Alloh bizga nima yaxshi-yu nima yomonligini bilguvchidir.

Tanimagan insonlarimizga hurmatimiz taniganlarimizdan koʻra ancha yaxshiroq boʻladi odatda!

Chorasizlik Allohdan eng goʻzal ishoradir. U duo qilish vaqti yetganini koʻrsatadi.