Bizning eng katta dushmanimiz, yomon va buzuq illatlarimizni yaxshi ko'rishimiz!

2023-yil, oktabr, Namangan davlat pedagogika institutida o'tkazilgan aksiyadan esdalik surati, matbuot davri.

Sodda insonning qalbi masjid kabi pok va ozoda maskan, agar niyatingiz qing'ir bo'lsa uni harom qadamingiz bilan iflos qilmang!

Ko'chada restoran va oshxonalar qanchalik ko'p bo'lib, tonnalab ovqatlar pishirilgani bilan, ochlar baribir ochligicha qolaveradi, shifoxona va dorixonalar qancha koʻp boʻlmasin, miskinlar baribir hastalikdan oʻlaveradi, tarbiyali farzandlar qancha koʻp boʻlmasin ota-onalar qariyalar uyida qolaveradi.....g'alati qismat, gʻalati dunyo!

Qimmatbaho soat - vaqtni emas, boyligingizni hisoblash vositasi halos!

Yolgʻon soʻzlarni gapirib, harom ishlarni qilgandan soʻng, hammasini "Alloh koʻrib turibdi" deyish uchun ham kamida soʻqir qalb va falaj vijdon kerak!

Yakshanba kuni, kuni boʻyi dam olib, kech kirganda charchoq va halovatsizlikni his qilganingizda hayot faqat ishdan iborat emasligini va faqat ish bizni holdan toydirmasligini tushunasiz.

Eng yaxshi va eng ogʻir paytlarda yoningizda boʻlmagan yaqiningiz boʻlsa, u bilan masofani qayta oʻlchab koʻring, haqiqatdan ham yaqinmi oʻzi?

Haqiqat oyoq kiyimini kiyguncha mish-mish dunyoni aylanib chiqadi.

Agar hayo, nomus va sadoqat pardasidan o'tsa ayol ortiq nozik hilqat emas, agar oriyat va mardlik chegarasini buzsa erkak ortiq g'urur timosli emas!

Sizni chin dildan yomon ko'radigan insonlar bilan muloqot qilib turing, haqiqiy kamchiliklaringizni ular yaxshiroq biladi!

Koʻngillar kabi nozik boʻlgan bu jamiyat na mukofotni va na jazoni koʻtara oladi. Biri kibr, ikkinchisi jabr.

Ikkilanish yoʻq degan javobning sekinlashtirilgan varianti!

Bir osmon ostidagi insonlarning hech biri bir-birlariga begona emas, balki qolgan jonizodlar ham!

Agar dushman birinchi boʻlib xabar yetkazsa, ikkinchi boʻlib borish mantiqsizlik!

Moli koʻp deb, mehmon boʻlma nomardda,
Joʻmard faqir, boʻlsa hamki yor ayla...

Bu dunyoda har doim har kimga nimadir yetmaydi. Kimnidir yeyishga noni yo'q, kimnidir brillianti kichkina.

Shaxmat oʻyinida oʻyin yakuniga qadar shoxni himoya qilasiz, avval piyodalar, keyin undan yuqori donalar qurbon beriladi, yakunda esa, oʻyindan soʻng hammasi bir qutiga berkitiladi, qismat tengligi, borar joyi, borar joyimiz bir....

Yaxshilikni siz ham, u ham unutishi mumkin, yomonlikni esa ikki tomon va bunga guvohlar ham unutmaydi!

Bizni soyada ham tark etmaydigan hamrohimiz bu rizqimizdir, toki tirik ekanmiz u doim biz bilan!