Agar hech kim haqida dastlabki tushunchangiz boʻlmasa, ular hech qachon siz uchun ikkiyuzlamachi boʻlmaydi):

Befarosatlikni omadsizlik bilan adashtiravermaylik, birida aybdor faqat o'zimiz va jabrini boshqalar ko'radi, ikkinchisida boshqalarning ham hissasi bo'lishi mumkin va jabrini o'zimiz ko'ramiz!

Hiyonat - ko'z bilan ko'rib, qo'l bilan ushlab olmaguncha aytilmaydigan, aytilsa ham hech qachon bo'yinga olinmaydigan, yaxshi va samimiy insonning qing'ir va iflos odati!

Biz topgan pulimizni yoʻqotgan vaqtimizdan koʻra koʻproq hisoblaymiz!

"Meni vaqtim yo'q" so'zi "menga ahamiyati yo'q" degan so'z bilan aynan bir ma'nolarni anglatadi!

- Eshagim harom o'lgur, hangrayverib jonga tegayapti, Mamarayim, nima qilsam bo'ladi-a?
- Yukni ko'proq ortsang, ovozi o'chadi!

Insonlar doimo baxtga sababchi bo'lishadi, kimningdir kelishi baxt, kimningdir ketishi baxt!

Erkak kishi ayollar kambag'allarga qaramaydi degan ayblovni qilishidan ko'ra, boy bo'lishga harakat qilishi erkakcharoq yondashuv.

XXI asr, munosabatlar avvali nozik o'simlik va gullar nomi bilan boshlandi va yakuni uy hayvonlari hamda boshqa mavjudodlar nomi bilan yakunlandi.

Soat tonggi 3 da uygʻoq insonda ikki holatdan biri boʻlishi mumkin: yoki kech uhlaydi, yoki erta turadi.

Yemasingizdan sizni to'ydiradigan narsa bu baxt, yoki dard!

Bid'atga qattiq ishonadigan kimsa o'g'irlikdan chiqayotib, oldidan o'tgan qora mushukdan xavfsirab turibdi, ishqilib to'g'ri yo'ldan adashmasinda...

Javobgarlar qancha jazo olsa ham, barbod boʻlgan qismatni toʻgʻrilashga kuchi yetmaydi (oʻlgan insonni tiriltira olmaydi, umr, vaqt, gʻurbat), har bir ishni oʻylab qilgan maʼqul!

Kapalakning kapalak bilan turmush qurishi bu aqilli qaror, sichqonning ko'ngli filga tushishi esa muhabbat!

Munosabatlarning eng umri qisqasi, asosi qaramlik bo'lgan munosabatdir!

Ustozimni yuziga oyoq qoʻyganimdan beri shogird chiqarmay qoʻydim!

Gapirish yaxshi, jim turish undan-da afzal,
Biroq ikkalasi ham yomondir, gar bo'rttirilsa.