#fikr

Safar qanchalik uzoq bo’lsa, ortga qaytish shunchalik mushkul va qadri balandroq bo’ladi!

® Ramziddin Abdikhalil

™️ https://t.me/Taskinnn

#qiyos

Boshginamga ag’anagan, katta tog’lar, alvido!
Men ketarman hasratlanib, ruhi sog’lar alvido!
Bu dunyoning shoʻr ishiga navnihollar tebraning,
Esliroq bog’boni yoʻq, qoldi bog’lar alvido!

➖ "Shaytanat" filmidan

* * *
Beor tashlab ketmoqdaman, orli togʻlar alvido,
Qaddim hasta qilmoqdaman, koʻngli chogʻlar alvido,
Dardli dunyo hazillari, nihollarni quritdi,
Moʻrt dunyoni abgor qilgan, "aqli sog'lar" alvido...

® Ramziddin Abdikhalil

™️ https://t.me/Taskinnn

#sarkazm

Abdulloh ushbu videoni koʻrganidan soʻng, bir Gʻulom ismli doʻsti borligi esiga tushib qoldi va aytdi, oʻziga-oʻzi: "Aytdima, Gʻulom nimaga oʻzgarib qolgan ekan" - deb...

Ushbu post bir obunachim uchun maxsus tayyorlandi va atayin tegishtirib (Наглый) yozildi.

O'qing va ulashing:
➥ @U_Shaxboz Alisher o'g'li

#drabl
#ixtiro

Olimning oʻnlab yillar davomida yaratgan bir ixtirosi bor edi, kichik qurilma, juda ixcham va gʻayritabiiy. Olim shu darajaga yetgunga qadar qanchadan qancha qiyinchilik, haqorat va tazyiqlarga duchor boʻldi, hoʻrlandi.

Qurilma ishlashi uchun kichik bir detal kerak edi, bir oʻram alyumin boʻlagi. Shu yerga kelganda ish toʻxtadi. Hayol buzildi, nafs ustun keldi. Olim yengiltabiat qizlarga shu boʻlakni olib kelishni aytar, aldardi, ular bilan oʻz nafsini qondirar, keyin esa olim ham, qizlar ham yana boshqasi bilan...

Olimning qismati va unga aldangan avomning taqdiri baʻzan achinarli, baʼzan kulguli. Balki ikki taqdir egalari uchun ham bu mukofotdir, yoki jazo..

Oradan oʻnlab yillar oʻtdi, zamon almashdi, davr oʻzgardi, olimdan hech xabarim, u bilan qiziqishim ham yoʻq, lekin yoʻl chetida alyumin boʻlagini mahkam ushlab turgan qiz hayolimni tortdi, mukofot yoki jazo uchun, oʻz ixtiyori bilan qadam tashlayotganga oʻxshardi.

® Ramziddin Abdikhalil

™️ https://t.me/Taskinnn

G'ulom kim?

Taskin kanali 2021-yilda o'z faoliyatini boshlagan kundan to bugunga qadar loyiha markazida "G'ulom" obrazi bor. Ho'sh, u kim? G'ulom - bu yaratganning quli, bu muallif, bu siz, bu boshqalar. Har bir inson siymosida uni ko'rishingiz, qilgan xatolari, o'y fikrlari hech bo'lmaganda bir soniya sizni ko'nglingizdan o'tgan bo'lishi mumkin.

Hayotdan halovat izlagan, kimsalarga faqat hayr tilagan va shu yo'lda noqis fikrlari bilan qisqa umringizni qimmatli fursatlarini olayotgan bir faqir. Obrazni har qanday holatda ko'rishingiz mumkin, u kibrli, u hudbin, u nafs quli, u maddoh, u yolg'onchi, u hiyonatkor, u vazmin, u sabrli, u rostgo'y, u halol va u bizning bir bo'lagimiz!

G'ulomning yana bir do'sti bor, Abdulloh, qadrdoni ham shu yo'lda, faqat u G'ulomdan ko'ra baxtiyorroq! va yana bir kulcha...

® Ramziddin Abdikhalil

™️ https://t.me/Taskinnn

Gʻalati elat bu, g‘alati el bu,
Niyati bo‘lakcha, amali mavhum.
Bu eldan Buxoriy chiqishi mumkin,
Lekin g‘ariblikda yashashga mahkum.

Gʻalati elat bu, g‘alati el bu,
Tushunib bo‘lmaydi asrorlarini.
Mashrabni osadi va orqasidan
Yig‘lab o‘qib yurar ash’orlarini.

Gʻalati elat bu, g‘alati el bu,
Botini chirkinlik, zohiri sodda –
O‘tkan kunlarini yozgan o‘g‘lini
Bilmay otib qo‘yar Yunusobodda.

Gʻalati elat bu, g‘alati el bu,
Timsoh ko‘z yoshidan bitmish lug‘ati.
Ibn Sinoni-yu Ulug‘begini
O‘zi tug‘adi va o‘zi bo‘g‘adi.

Gʻalati elat bu, g‘alati el bu,
Tushunib bo‘lmaydi sira ham, aytsam.
Bir jarlik ko‘raman yo‘l oxirida,
Oldinga yur, deydi orqaga qaytsam.

Gʻalati elat bu, g‘alati el bu,
Buyuklik sharafdir, biroq o‘y surmang.
Tag‘in, dardlarini eshitayin deb
Boburni sira ham uyg‘ota ko‘rmang!!!

©️ Xayrulla Hamidov

™️ https://t.me/Taskinnn

Ta’ma

Yahudiy bir kimsa oshxona ochsa,
Yahudiy do‘stlari der: "Endi nuqul-
Biz shu oshxonada taom yegaymiz,
Do‘stimiz oyoqqa turguncha butkul.

Musulmon bir kimsa oshxona ochsa,
Tekinxo‘r do‘stlar der: Bu bizga ma’qul.
Borib ko‘raylikchi borini sochsa,
Do‘stimiz bizlardan olarmikan pul?

© Abdurahmon Meshayan

O'qing va ulashing:
➥ @U_Shaxboz Alisher o'g'li

#fikr

Haromga moyil inson bo'yniga pichoq tirab tursangiz ham o'z ishini albatta qiladi, halol inson esa har qanday erkinlik bo'lsada haromga qo'l urib, nomiga dog' va isnod tushirmaydi.

® Ramziddin Abdikhalil

™️ https://t.me/Taskinnn