Уйимиз олдидаги йўлак ўриндиғида ўтиргандим. Хаёлга толиб қолибман.
— Ассалому алайкум, мухбир қизим? – Қўшни отахон рўпрамда синиқ жилмайиб турган эканлар. Ҳижолат чекиб, дарҳол ўрнимдан турдим:
— Ва алайкум ассалом, амаки. Узр, хаёлга толиб қолибман.
— Ҳечқиси йўқ, қизим. Агар сўраётганим учун малолланмасангиз, паришонлигингиз сабабини билсам бўладими?
— Малолланмайман, амаки. Фақат... Сабабсиз тушкунлик, ҳафсаласизликдан қийналяпман. Аслида мўминнинг қалбига ғам- қайғу ярашмаслигини биламан. Аммо баъзан била туриб...
— Ҳа-а... - Қўшни амаки изн сўраб, ўриндиқнинг бурчагига омонат қўнишдилар.
— Ибодатларда танбаллик, ишончсизлик, умидсизлик... Баъзан ношукр бўлиб кетяпманми, деб Аллоҳдан уяламан...
— Ҳа-а-а, аслида ана шу “Аллоҳдан уяламан!” деган сўзингизда иймон ва тақво мужассам, қизим. - Отахон ўз-ўзига гапиргандай оҳиста гап бошладилар.- Қизим, сиз истихора намози ҳақида эшитганмисиз?
— Ҳа, баъзан бирор ишда иккилансам истихора намози ўқиб оламан.
— Ҳа, баракаллоҳ, кам бўлманг. Аммо истихора намозини баъзан эмас, доимий ўқиб бориш керак, қизим. Биласиз-а, “Истихора” сўзи хайрни талаб қилиш, деган маънони англатади. Мўмин инсон ҳар доим Аллоҳдан “ҳақимга хайрлисини тақдир қилгин!” дея сўрайди. Демак, истихора намозини баъзида эмас, доимий ўқиб бориш дин ва дунёимиз учун манфаатлидир. Жобир розияллоҳу анҳудан шундай ривоят қилинади: «Пайғамбар соллаллоҳу алайҳи васаллам бизга ҳамма ишларда истихора қилишни худди Қуръондан сурани таълим бергандек таълим берар эдилар. У зот: «Қачон бирингиз бир иш қилмоқчи бўлса, фарз намоздан бошқа икки ракъат намоз ўқисин. Сўнг, Эй, Аллоҳим! Албатта, мен Сендан илминг ила истихора қиламан. Сенинг қудратинг ила қудрат сўрайман. Сендан улуғ фазлингдан сўрайман. Албатта, Сен қодир бўлурсан, мен қодир бўлмасман. Сен билурсан, мен билмасман. Сен ғайбларни ўта яхши билувчи зотсан. Эй, Аллоҳим! Агар ушбу иш менга динимда, маошимда ва ишим оқибатида яхши эканлигини билсанг (ёки ҳозирги ишимдаю, келгусида) уни менга тақдир қилгин, менга осон қилгин, сўнгра уни мен учун баракали қилгин. Агар ушбу иш мен учун динимда, маошимда ва ишим оқибатида (ёки ҳозирги ишимдаю келгусида) ёмон эканлигини билсанг уни мендан буриб юбор, мени ундан буриб юбор. Ва менга қаерда бўлса ҳам яхшиликни тақдир қил. Сўнгра мени унга рози қил, десин ва ҳожатини айтсин», дедилар».
— Айримлар истихора намозидан кейин тушда аён бўлади, дейишади...
— Истихора намозини ўқигандан кейин ҳеч нарсани ўйламай, Аллоҳ ихтиёр қиладиган нарсани кутиб юриш мақбул. Кейин кўнглига тушиб, ўзига маъқул бўлиб қилгиси келиб қолса қилади. Истихора намозининг биринчи ракъатида «Фотиҳа» сурасидан кейин «Кафирун» сурасини, иккинчи ракъатда «Ихлос» сурасини ўқийди. Истихора намози ҳам бошқа намозлар каби бандани Аллоҳ таолога боғловчи омил. Аллоҳ таолога ёлвориб, илтижо қилиб яхшилик йўл кўрсатишни сўрашдир. Бу мўминнинг ҳаётида намознинг ўрни қанчалар муҳим эканини кўрсатади. Мўмин ҳатто қиладиган дунёвий ишида ҳам дунёнинг Холиқи ва бошқарувчиси Аллоҳ таолонинг Ўзидан маслаҳат сўраш керак. Намоз ўқимайдиганлар эса, бу улуғ саодатдан бебаҳра бўладилар. Истихора намозида бардавом бўлиш эса, ризқ-насибанинг хайрдан келишига, дин ва дунё учун бажарадиган ишларнинг хайрлилигига ва энг асосийси Аллоҳга таслимиятни ҳис қилишга васила бўлади. Мўмин  учун бундан улуғ саодат бўлиши мумкинми?.. Майли, қизим, Аллоҳ қалбингизга ёруғлик берсин! Мен масжидга бораётгандим, ҳақингизга дуо қиламан...
Отахон билан хайрлашиб уйга ошиқдим. Роббимиз мўмин бандалари учун икки энлик мато — жойнамозни ҳаловат манбаи қилиб қўйган экан, ўткинчи дунё дардлари учун қалбимизни ўрташ, жонимизга озор беришимиз тўғрими? Жойнамоз — биз қаттиқ севганнинг бизни қаттиқ севган жойи экан, нега Унинг муҳаббатидан ҳаловат истамаслигимиз керак? Яна бир кунимнинг ҳикматини англатган Аллоҳ таолога ҳамду санолар айтиб, истихора намозини ўқиш учун жойнамозга ўтирдим...
Умида АДИЗОВА

Yaxshilarga ulashing
@taskinkitoblar

Izohsiz...
(Kitob savdogarlar uchungin emas, vaqtini, umrini, ilmini abadiyatga muhrlashni istaganlar uchun ham...)

Yaxshilargagina ulashing
@taskinkitoblar

"Savdogarlar ustozi yoxud haqiqiy omad kaliti"

Agar dunyoda boshqa dindagilar musulmonlardan boyib ketsa, islom dini ayovsiz zulm va tahqirlar ostida qolishi aniq. Ishqilib avlodlarimizni din ulamolari adashtirip qo'ymasin, chunki ba'zi imomlar boylikni noto'g'ri talqin qilish orqali, odamlar o'zgalar qo'liga qarab qolishi mumkin. Ular aslida ummatni ikki dunyo uchun ham qattiq harakat qilishga chaqirsa bo'lardi.

Yaxshilarga ulashing
@taskinkitoblar📚📖📚