#K_107 #mutolaa_2025

Yana bir kitob mutolaasi oʻz nihoyasiga yetdi...

"ISHQ IMTIHONI YOHUD KOʻRGANINGGA ISHONMA." MUHAMMAD BOʻZDAGʻ.

Tanlovingiz xato boʻlsa, badali umringiz boʻladi...

Burgut yolgʻiz holida yuksaklarda bemalol, ufqlarni kashf qilib, zavq bilan ucha oladi. Ammo inson juftsiz, yolgʻiz boʻlsa, hatto jannatda ham mahzunlikda yashashi mumjin. Farzand balogʻatga yetib, mehribon onasining quchogʻidan ayrilarkan, suyukli bir jufti boʻlishini istay boshlaydi. Suyuklilari bilan birga boʻlsa, sevinadigan, yuragining toʻrida joylashadigan bir sevgi, ishq xohlaydi. Bugun odamlar ommaviy ravishda, telbalarcha sevgi-muhabbatga mukka tushmoqda. Notogʻri manzilda, notogʻri vaqtda va nomunosib insonlar bilan bevaqt koʻngil munosabatlari sababli qancha yoshlarning muvaffaqiyat yõli berilmoqda. Oʻzlarini ishqning shavqatsiz devorlariga urib, hayotlarini yoqmoqdalar, huddi parvona kapalaklar singari uvol boʻlmoqda...

Ushbu kitobni oila qurish arafasidagilar uchun ayni muddao deb hisobladim, chunki nikohgacha boʻlgan yoʻl va undan keyingi oila munosabatlari qisman, tushunarli tarzda yoritib berilgan. Muallif sodda uslubdan foydalangani tufayli  oʻquvchini zeriktirib qoʻymaydi. Kitob 13 boʻlimdan iborat va har bir bõlimda bir mavzu yetarlicha yoritilgan.

Ishq imtihonida yurgan yoshlarni shayton din va Alloh sevgisi bilan aldaydi. Sevganlari bilan his qilayotganlarini ilohiy ishq deb oʻylaydi. Ilohiy ishq deganlari va uning ilk qadami dunyoviy va uning ichidagi muhabbat va shavqni tark etmoqdir. Koʻzning Allohdan boshqasini koʻrmasligidir. Har bir yosh koʻngil eshiklarini sevgiga qachon ochishi kerakligini bilishi kerak. Sevib qolmasdan avval, kech boʻlmasidan unga qaror berishi kerak. Sovuq iqlimda bevaqt ochilgan gullar " hali sovuq ekan" deya qaytib gʻunchaga aylana olmaydi.

Muqaddas deyilgan narsalar hayotda hamma narsadan ustun turadi. Agar biz nikohning oʻrniga sevgini muqaddaslashtiradigan boʻlsak, hayotimizning barcha jabhalarida vazifalarimizni, hamma narsamizni sevgiga qurbon qilib yuboramiz. Muvaffaqiyatli yashashning ilk qadami bu mustahkam ta'lim poydevorini qurishdir. Ishq imtihonidan oʻta olishning eng muhim bosqichi sevgining, turmush qurish vaqtining togʻri tanlashdir. Koʻpchilik erta turmush qurganlaridan shikoyat qiladilar, kimlardir esa kar'era qilish istagida yurib, turmush qurishni kechiktiradi. Sevgi imtihonidan muvafaqqiyatli oʻtish bu ertaroq yoki kechroq emas, sevgini va turmush qurishni oʻz vaqtida amalga oshirishdir. Togʻri qaror berish qobilyati shakllanmasdan irodali va mas'ulyatli boʻlmasdan turib, vaqtidan erta boshlangan oshiq-ma'shuqlik hayoti ishonchsiz, chidamsiz va muammolarga toʻla turmushni yuzaga keltiradi. Sevgi imtihonida muvaffaqiyatga erishishdagi muhim qadam sevgining zavq-shavqiga berilish emas, oila qurish ekanligini unutmaslikdir. Shu tariqa, maqsad nikohdan tashqari holatlardagi koʻngilhushlik emas, nikohdan keyingi baxt-saodat, rohat-farogʻatdir.

Bugungi yoshlarning eng muhim muammolaridan biri, seriallardagi yoki muhim ishqiy romanlardagi yolgʻon ssenariylarni hayotning haqiqati deb qarashlarida. Insonlarning yarmi farishtadek boʻlsa, yarmi shayton kabidir. Insonning tashqi koʻrinishi ravshan, lekin uning ichki olami, kim ekani vaqt oʻtishi bilan ayon boʻladi. Soddalikka nuqta qoʻyish, hayotga real koʻz bilan qarash vaqti keldi. Haqiqat va hayotning asl yuzini koʻrsatuvchi hikoyalarni oʻz ichiga olgan ushbu kitob yoshlarning, oʻsmirlarning boshiga tushishi mumkin boʻlgan yuzlab tuzoqlarni ochib tashlaydi, bartaraf etadi. Kitobni toʻliq oʻqish asnosida yetarlicha ma'lumot va foydaga ega boʻlishingiz mumkin.

📌Kitobni xarid qilish uchun

Boshlandi : 14.09.2025
Tugatildi   : 15.09.2025

🍄@kitobxonadan