***

Qora bulutlar ufqdan sudralib kelar.
Qushlar sayrashdan to‘xtaydi.

Yomg‘ir yog‘adi hozir.

Xonamga kirib o‘ltiraman endi.
Oq qog‘oz oqligicha qolaverar.
“Qalaysiz?” deb eshikni
ochmaydi bolam.
Choy ko‘tarib kirmas xotinim.

Derazada yig‘layotgan yomg‘irning
Yoshlarini artay desam,
o‘rtamizda
shisha bor...

©Usmon Azim
2002 yil

@Taqdir_bitiklari ☕️

Menda akrofobiya yo‘q, lekin juda baland joylardan qo‘rqmayman deganimas bu.

Yuqoridagi videoni ko‘rishni o‘zidayoq adrenalin qay darajada bo‘lganini his qildim.

Sizlarni bilmadim-u, men bu yerdan sakrolmasam kerak. Jon shirin. 😂

@Taqdir_bitiklari ☕️

‼️Bilaman, sizda ham bu holat aniq bo‘lgan.

Dars qilmoqchi bo‘lib, astoydil kirishasiz-u, miyangiz qotib, hech narsa kirmay qoladi, xuddi xotirangiz to‘lgandek. 😣

Quyida bunday holatga tushmasligingiz uchun 5 ta qoida haqida video tayyorladim.

Like bosib, youtube kanalimga ham a‘zo bo‘lib oling, zo‘rlari hali oldinda!👇👇👇

🎬 https://youtu.be/KWdTKOA2S04 👈

#qandoq_chiday

Bittasi bor shu yerdan arqonsiz tashavorish kerak iloji bo‘lsa.

Asabni egovlab tashlaydi.
O‘ziyam o‘qiyapti hozir shu postni. 😂

Mard so‘zim shu

Chin shoirlar bari otilgan,
Qolganlari bari sotilgan.
Mard so‘zim shu, hammasi qo‘rqoq!
O‘zim kimman?
So‘ramang biroq.
Men ismimni aytmasman zinhor,
Zamon nozik, bola-chaqam  bor.

©O‘zbekiston Qahramoni, O‘zbekiston xalq shoiri Erkin Vohidov, "Qish halovati"

@Taqdir_bitiklari ☕️

#kayfiyat #hayotiy

Oshxonaga kirib, ovqat buyurtma bersam, oshpaz menga tikilib turib:

— Sizga qizlar qaraganmi? — deydi.

Yomon alam qildi. Qaraganda qandoq, degim keldi. 😂

@Taqdir_bitiklari ☕️

TOLA SOCH

Ayt, bu soching tolasimu,
Jon ipin bir bandimu,
Yoki soching tolasiga
Jon ipim bog‘landimu?

Tola-tola sochlaringdan
Dil yo‘qotmish tinchini,
Yo bu tolang dil qushiga
Qil tuzoq monandimu?

Kecha chiqding soch uchiga
Paxtadan bog‘lab pilik,
Hech qachon e’zozli paxtam
Shuncha ardoqlandimu?

Sochlaring ishqi, bilolmam,
Menga rohat, yo azob,
Bu ilonning jonga solgan
Zahrimu yo qandimu?

Soch meni devona etgay,
Yo magar shoir qilur,
"Ul pari avlodidanmu,
Yo bashar farzandimu?"*

*Zokirjon Habibiy misrasi

©O‘zbekiston Qahramoni, O‘zbekiston xalq shoiri Erkin Vohidov, 1968 yil.

@Taqdir_bitiklari ☕️

* * *

Bizni unutganlar, sizga tashakkur!
Bizdan ketganlarga tilaymiz oq yo‘l.
Bizni unutmoqni istagan do‘stim,
Hamisha Allohning panohida bo‘l!

©Malika Salimova

@Taqdir_bitiklari ☕️

* * *

Bizni unutganlar, sizga tashakkur!
Bizdan ketganlarga tilaymiz oq yo‘l.
Bizni unutmoqni istagan do‘stim,
Hamisha Allohning panohida bo‘l!

Aslida bu hayot sinovlar oni,
Kimni yo‘qotasiz, kimni topursiz.
Shubhasiz, bir kuni kelsa imkoni,
Ketganlar ortidan eshik yopursiz!

Ey nodon do‘stima, qadrdon do‘stim,
Sen kimning kuyiga aylading hirom.
Bilsang, bu dunyoning o‘zi bir qimor,
O‘yinchilar esa hammasi g‘irrom!

O‘zingda ihtiyor, o‘zingda qaror,
Kimga dushman bo‘lsang, kimga do‘st bo‘lsang.
Ammo bir so‘zimni unutma zinhor,
Zorim serob mening, zo‘rim yo‘q bilsang!

Ollohning amriga boshim egilgan,
Har ishdan yaxshilik istayveraman.
Qismat kitobiga shunday bitilgan,
Nachora, sensiz ham yashayveraman!

Yuzinga bir eshik yopilgan onda,
Alloh ikki eshik ochib qo‘yarmush.
Kun kelib kimlardir zor, parokanda,
Kimning boshidan zar sochib qo‘yarmush!

Balki or qilursan do‘sting faqirdan,
Illo sabrlilar yutar dunyo bu.
Bir kun joy topurmiz bir xil qabrdan,
Sendan ham, mendan ham ortar dunyo bu!

Bilsang, ketar chog‘i hammamiz bir xil,
Senda ham, menda ham o‘sha oq libos.
Hamma yog‘och otda yo‘lga chiqar-u,
Borar manzillari bir emas xolos!

©Malika Salimova

@Taqdir_bitiklari ☕️

Sizda qaysi biri bor :)

@Taqdir_bitiklari ☕️

Agar farzandingiz karra jadvalini yodlashda qiynalayotgan bo‘lsa, uni 2 daqiqada to‘liq yodlab olish uslubi bor.

Bu metod haqida youtube kanalimda 2 ta bepul video chiqarganman. Marhamat, ko‘rib karrada adashishni unuting!

📹 1-video:
https://youtu.be/YdbO4v5M5zY

📹 2-video:
https://youtu.be/l9NfSvrUG3M

Ingliz tilidan ko‘nglim sovib ketdi qo‘shiqni eshitib. 😅

Avazbek aka, iltimos O‘zbek tilida qo‘shiq ayting, IELTS olmqochilarga rahm qiling.🤦🏻‍♂

@Taqdir_bitiklari ☕️

Voy, Xudojonim-ey, sen inson bolasini sevgi uchun, sevish uchun yaratgan ekansan-u, bu g‘ofil bandalar nelar bilan mashg‘ul bo‘lib umrlarini zoye o‘tkazishadi-a!..

©Ulug‘bek Hamdam "Sabo va Samandar"

@Taqdir_bitiklari ☕️

Bugun shu qo‘shiqni 50 marta eshitdim shekilli kamida.

Jaloliddin aka she‘r tanlashni ham biladi-da!
Iqtidorni-ku, aytmasa ham bo‘ladi.

@Taqdir_bitiklari ☕️

Qo‘shiq da go‘zal, qo‘shiqchi-da.
Kayfiyat ham go‘zal bo‘ldi hirgoyini eshitib.

Go‘zal kayfiyat sizga-da hamroh bo‘lsin do‘stlar. 😊

@Taqdir_bitiklari ☕️