Musibatlarga go‘zal sabr qilish to‘g‘risida ajoyib hikoyat...

"Olim yetishtirgan onalar" kitobidan
Elektron varianti: @Badiy_kitob

@Taqdir_bitiklari ☕️

#Achchiq_haqiqat

Yurtimizda mehnatni qadriga yetmaydigan yaramaslar ko‘payib ketyapti. 😒

Sen itdek qiynalib mashinangni yuvasan. Lattang quriguncha qushlar yana yuvadigan qilib tashlayapti. 🤧

Bormi shunaqa qiynaladiganlar mendan boshqayam?

Eng qizig'i qushlar mashina rangining farqiga borishadi. Oq mashinga qora, qora mashinaga oq bezaklar. 🤦🏻‍♂

@Taqdir_bitiklari ☕️

#Bir_yilda_100_kitob

Marafonimiz davom etadi! 🥳
Bu yil hisobidan biz o‘qiydigan 13-asar sevimli adib O‘tkir Hoshimovning "Xayollarga bo‘laman tutqun" nomli hikoyasi bo‘ladi.

Ortiqcha ta‘rif berib o‘tirmay qo‘ya qolay a? Yaxshisi o‘qing, yoki tinglang. Taassurotlaringizni kommentariyada qoldiring. Yoqimli mutolaa tilayman!

Ha aytgancha, elektron versiyasini: @Badiy_kitob 📕 kanaliga yukladim.

@Taqdir_bitiklari ☕️

TERSIYAT

Osmonlarga uzatdik qo‘lni,
Yuraklarga qo‘ndi bir surur.
Tanlagandik eng mushkul yo‘lni,
Oxir bizni o‘ldirdi g‘urur.

Bizga qarshi jang qildi samo,
Boshimizdan yog‘ildi qorlar.
Qishdan omon chiqqandik, ammo
Bizni qatl etdi bahorlar.

©Xayrulla Hamidov

@Taqdir_bitiklari ☕️

– Xiyonat qilgan odamni qanday sevish mumkin?..
Be‘manilik!

@Taqdir_bitiklari ☕️

So‘ragan edingiz

Siz so‘ragan o‘sha go‘zal, qalbga orom beruvchi nashidani quyidagi link orqali tinglashingiz mumkin👇

📹 https://youtu.be/ZCyCN519AZ8

Odam bolasi birovni yaxshi ko‘rish halokatiga uchradimi, tamom. O‘shanga qul bo‘ladi qoladi.

©R.N.Guntekin "Choliqushi"

@Taqdir_bitiklari – didimiz bir!..

Istagingiz muhayyo!

Siz so‘ragan, ko0pdan beri qidirganingiz qalbga taskin beruvchi o‘ta go‘zal nashida: 😊👇

📹 https://youtu.be/MlC_NU7UxO4

Ko‘pchilikka yetib borishi uchun layk bosib qo‘ying, kanalga obuna bo‘lishni unutmang. Yangi videolarni birinchilardan bo‘lib topasiz!

Siz qarg‘aysiz taqdiringizni,
Ham aytasiz unga tashakkur:
— Biz yo‘q qildik bir-birimizni...
Biz yo‘q qildik...Xudoga shukur!...

Siz yurakni qilmaysiz tejam,
Olgin! — borni tortiq qilasiz.
So‘ngra xafa bo‘lasiz mendan —
"Qaytmayman", deb yig‘lab ketasiz.

Izlab yana kelasiz bir kech,
Jilmayasiz: — Baxtlimanmi, boq!...
Kulgingizga yarashmagay hech,
Xitobingiz o‘rtagan titroq.

Hijrondan so‘ng savollar teran,
Hijrondan so‘ng javob — da’fatan...
Men hammadan pinhon saqlagan
She’rlarimni sizga aytaman.

Ayblamaymiz bir-birimizni,
Tilda so‘zlar tug‘iladi — hur.
...Qarg‘amaysiz taqdiringizni
Va aytmaysiz unga tashakkur.

©Usmon Azim

@Taqdir_bitiklari ☕️

#bir_yilda_100_kitob

Bu galgi o‘qishimiz kerak bo‘lgan 14-kitob "Qissasi Rabg‘uziy" asaridir.

Bu asarda yaratilishga oid hikoyatlar, Paygʻambarlar qissalari bauon etilgan bo‘lib, ulkan ilm manbai sifatida xizmat qila oladi.

Elektron varianti: @Badiy_kitob 📕

Yoqimli mutolaa tilayman!

@Taqdir_bitiklari ☕️

⚡️Bu hikoyani albatta o‘qishingiz kerak. U hayotingizni o‘zgartira oladi.

📹 https://youtu.be/i5K4-ZZqQ7I

Ishqsiz umr

— O‘sha qizdan boshqasini demayman, — Iltijoli so‘zladi yigit.
Ota bir dam sukutga cho‘mdi. So‘ng iztirob bilan dedi:
— O‘g‘lim, mayli uylan. Men roziman. Inson umrida bir marta baxt qushini uchratadi, bir marta yaxshi ko‘radi. Birovlarning fikrini deb o‘zgasi bilan ketganlarning umr bo‘yi ko‘kragi kuyib o‘tadi.
Nariroqda suhbatni eshitib o‘tirgan ona “piq” etib yig‘lab yubordi.

©Manzura Abdullayeva

@Taqdir_bitiklari ☕️

Hazmi taom

Atrofni ko‘z qiri bilan tekshirgan bo‘lib, yonidagi kampirning hamyonini o‘g‘rincha o‘z sumkasiga soldi. Hech kim ko‘rib qolmaganiga ishonch hosil qilib, do‘kondan olgan gazli suvining pulini to‘lab shoshib chiqib ketdi. Katta o‘ljadan mamnun bo‘lib, qo‘lidagi sumkasini o‘ynatgancha sakrab-sakrab qadam tashlab ketaverdi. To‘satdan o‘sha do‘kondagi sotuvchi bolaning uni chaqirib yugurib kelayotganini ko‘rdi-yu, qadamini tezlatdi. Bola yetib olib uning yo‘lini to‘sdi, hansiragancha qo‘lidagini uzatdi:
— Gazli suvni unutib qoldiribsiz.

©Arjumandbegim

@Taqdir_bitiklari ☕️

Sinab ko‘radigan, tavakkal qiladigan, muvaffaqiyatsizlikka uchraydigan, sinadigan, keyin esa yana tavakkal qiladigan insonlarga qo‘shil.

Haqiqatni tasdiqlaydigan, o‘zi kabi fikrlamaydiganlarni tanqid qiladigan, qiladigan ishi ularga hurmat keltirishiga ishonchi komil bo‘lmasa barmog‘ini ham qimirlatmaydigan, shubhalardan ko‘ra aniq narsani afzal ko‘radiganlardan qoch.

Ko‘ngli ochiq va ojiz bo‘lishdan qo‘rqmaydiganlarga qo‘shil. Ular hamrohining qilayotgan ishiga ayb qidirish uchun emas, balki jasorati va fidoyiligiga havas qilish uchun qarasa o‘zi ham o‘sishini tushunadi.

©Paulo Koelo "Kamon yo‘li"

@Taqdir_bitiklari ☕️

HAYKAL

Buxoroda qadim imoratlar ko‘p.
Bu ko‘hna shahar ko‘chalarida xayolchan kezarkanman bir to‘da sayyohlar boshi bulutga chulg‘angan minoraga qarab turishganini ko‘rdim. Ularga keksa bir ilmiy xodim minora tarixini tushuntiryapti. Quloq soldim.
– Yetti yuz yil bo‘lgan bu minoraning qurilganiga.
Sayyohlar hayrat bilan yoqalarini ushlashdi.
Men bu xil yodgorliklarni ko‘p ko‘rganman. Armanistondagi to‘rt ming yillik Dvin harobalari, Kegart qal’alarini, necha ming yillar muqaddam yozilib bizga yetib kelguncha toshga aylangan kitoblarni ko‘rganman. Shularni odam yaratgan, ularda odam qo‘lining izi bor.
Buxoro ko‘chalarida kezarkanman juda ko‘p xotiralar xayolimdan o‘tadi. Asrlar qa’rida qolib ketgan jangu jadallarni ko‘rgandek, qilich-qalqonlarning jarangini eshitgandek bo‘laman.
Bularning barini tarix shamollari uchirib ketdi. Odamlarning xotiridan yulib ketdi.
Ammo ko‘hna devorda qolgan besh barmoq izi hali ham ko‘rinib turibdi. Bu ming yillar qa’rida yo‘q bo‘lib ketgan odam qo‘lining izi. Shu azamat binoga g‘isht tergan me’mor qo‘lining izi.
Odam qo‘ligina odamga abadiy haykal qo‘yishiga ana o‘shanda ishonganman.

©Said AHMAD

@Taqdir_bitiklari ☕️

Juda ko‘pchilik qidiradigan, lekin topa olmaydigan "Yulduzlar aybdor" asarining kinosini @Badiy_kitob kanalimga yukladim.

Tezda ulanib oling. Eng yaxshi va yangilaridan quruq qolmang tag‘in.)

@Taqdir_bitiklari ☕️

Ammo seni to‘xtatib turgan narsa xato qilishdan qo‘rqish bo‘lsa, hech qachon o‘q otishdan o‘zingni tiyma. Harakati to‘g‘ri amalga oshirgan bo‘lsang, qo‘lingni och va arqonni bo‘shat. Hatto nishonni tekkiza olmasang ham keyingi safar maqsadingni qanday yaxshilash kerakligini o‘rganasan.

Agar hech qachon tavakkal qilmasang, nimani o‘zgartirishing kerakligini ham hech qachon bilolmaysan.

Har bir o‘q qalbingda xotira bo‘lib qoladi. Ana o‘sha xotiralar jamlanib borgani sari o‘q uzishing ham yaxshilanib boradi.

©Paulo Koelo "Kamon yo‘li"
Elektron varianti: @Badiy_kitob 📕

@Taqdir_bitiklari ☕️

#bir_yilda_100_kitob

Shunday go‘zal ob-havoda Songul Unsal qalamiga mansub "Kaktuslar ham gullaydi" asarini o‘qib chiqishga nima deysiz?

Bu yil hisobidan 16-o‘qiydigan kitobimiz bo‘ladi. (Aslida 7-fevralda boshlaganmiz marafonni) 2 oyda 16 ta kitob, yomon emas.

Ha, aytgancha bu yangi chop etilgan kitob bo'lgani uchun elektron varianti chiqishga ulgurmagan. Shu sababli rasmli holda pdf qilinganini topa oldim xolos. U ham to‘liq emas nazarimda. Har holda yo‘qdan ko‘ra bor.

Yuklab olish uchun: @Badiy_kitob 📕

@Taqdir_bitiklari ☕️

Baxt

- Qo'lingdagi nima u?
- Baxt.
- Nega u bunchalik kichkina?
- U faqat menga tegishli. U juda chiroyli.
- Ha... zo'r!
- Ozgina beraymi?
- Mayli...
- Kaftingni tut.
- Voy, issiq ekan...
- Yoqdimi?
- Albatta, rahmat.
- Yaqinlarga rahmat aytishning keragi yo'q.
- Nima uchun?
- Ular hammasini so'zsiz tushunadilar.
- Begonalar-chi?
- Ularga rahmat deb aytishadi.
- Qo'limda baxt borligi sabab ko'nglim halovatni his etyapti.
- Har doim shunday bo'ladi.
- Uni kim bilandir bo'lishsam-chi?
- U holda baxting yanada kattalashadi.
- Nega?
- Bilmadim. Lekin u yanada qaynoqroq bo'ladi.
- U kuydirishi ham mumkinmi?
- Qo'lni havas kuydiradi. Baxt esa kuydirmaydi.
- Kim bilan bo'lishishimni bilaman.
- Bundan juda xursandman.
- U holda...
- Omonlikda ko'rishguncha. Baxtni baham ko'rib yashashni unutma. Axir bu dunyoda baxtga zorlar bisyor.

©Marek Xlasko

@Taqdir_bitiklari ☕️