Gazetda oʻqidim, hayotimiz zoʻr,
Radio bong uradi maosh oshibdi,
Televizorni qoʻysam hammasi yaxshi,
Vatan, xizmatingga yurak oshiqdi.
Yo erta tugʻildim, yoki juda kech,
Sababi negadir baxtim kulmaydi,
Ijaraga toʻlab oylik yarmini,
Yashashni yaxshi deb yozib boʻlmaydi.
Senda musofirman, senda fuqaro,
Senda ruhim asir, iskanjada tan,
Oʻlan toʻshagim deb yozaman ammo,
Ammo senda ijarada yashayman Vatan.
Noshukr deb atama, nonkoʻr demagin,
Shoirim desang bas xursandman men,
Har oy puling toʻlab koʻchishga tayyor,
Ijara uyimdek sevaman seni.

©Navoiylik Alisher

@Taqdir_bitiklari ☕️

Hey, rostdanam kimdir o‘raqti yerg‘a uch marta tig‘vorsin. Yomg‘ir to‘xtasin-ey! Odam ham charchab ketdi-ku! 😀

Dunyoning dastagi o‘raq ekan-ku, bilmay yurgan ekanmiz. 😆

Odamlar, nima chekyapsizlar bu darajada fikrlatadigan?

@Taqdir_bitiklari ☕️

Hozirbop qo‘shiq)

Namanganning shevasi zo‘r-da! 😀
O'qish davrida 7 yil yashadim shahrida. Maza-da omale)

Kim namanganlik? 😁

@Taqdir_bitiklari ☕️

#bir_yilda_100_kitob

8-kitobni o‘qishni boshlaymiz bugun. Bu O‘lmas Umarbekovning "Odam bo‘lish qiyin" romani bo‘ladi.

📕 Elektron varianti: @Badiy_kitob

Istasangiz, kanalga audio versiyasini ham joylab qo‘ydim. Oddiy tinglash bilan, 2 soat-u, 11 daqiqada tugatsa bo‘ladi. Kitob o‘qishga vaqtim yo‘q deb boshimni og‘ritmang. U darajada band odam yo‘q hech qayerda.

Xullas men bilan birga bo‘lsangiz, 2022-yilda 100 ta asar mutolaa qilasiz.

@Taqdir_bitiklari ☕️

Hozir butun dunyodagi texnikalar yo‘qolib qolsa, ayni muddao bo‘lardi.

To‘g‘ri, og‘irni yengil qilyapti hammasi.
Ammo ilm olishga qo‘ymayapti, ko‘pchilikni yashashga qo‘ymayapti...

@Taqdir_bitiklari ☕️

#tinib_tinchimagan_odamlar

O‘sha mashhur yomg‘ir to‘xtatadigan o‘roqlar sotuvga chiqibdi.

Agar yomg‘ir ishlaringizga halaqit berayotgan bo‘lsa, "Shop-shop bobolarim", deb yerga uch marta tiqsangiz yomg‘irni o‘chirasiz va ishlaringizni qilaverasiz.

Tak shto puliga yarasha! 😂

@Taqdir_bitiklari ☕️

***
Ezilib-ezilib yomg‘irlar yog‘di,
Ezilib-ezilib ado bo‘ldi jon.
Kechani gohida chaqmoqlar yoqdi,
Gohida “oh” urding – o‘rtandi jahon.

Umrning qorong‘u ko‘chalarida
Muhabbatu nafrat horg‘in kezindi.
Bahorning yomg‘irli kechalarida
Ezildi... ezildi... yurak ezildi.

Taqdirning beomon shiddat yomg‘iri
Aytar vidomizni aytdi tonggacha.
Endi bu yomg‘irning yo‘qdir oxiri –
Ezilib yig‘laydi so‘nggi ongacha.

So‘z kimga kerakdir? Lab ochmagin. Jim.
Taqdir so‘zga loyiq qoldirmadi sir –
Men ham yomg‘ir kabi bir yog‘ib o‘tdim,
Sen ham yomg‘ir kabi yig‘lab o‘tding bir...

©Usmon Azim

@Taqdir_bitiklari ☕️

YAXSHIMISAN?

​​"Y"axshimisan!? – berilar savol,
"A"lbatta, deb javob beraman.
"X"azon kabi sochilgan hayol,
"S"iniqlarin yerdan teraman!
"H"ayot bilan bo'lmas kelishib,
"I"staganin ko'radi ravo...
"M"iyig'ingda kulasan-u lek,
"A"slida-chi hammasi rasvo...
"S"avol oddiy tanish jumlalar,
"M"ening holim barchaga qiziq.
"A"ytolaman yaxshiman deya,
"N"ursiz yuzda aks etib chiziq...

©Abduvoris Alijonov

@Taqdir_bitiklari ☕️

ARAVA

Aravada ketmoqdaman men,
Arava qo‘sh g‘ildiraklikdir.
Birisining nomi g‘am bo‘lsa,
Birisining ismi shodlikdir.

Oson emas bu yerda manga,
Yo‘l notekis, tezlik chirpirak.
Og‘olmayman hech qaysi yonga,
Bosib qolar nargi g‘ildirak.

©Xayrulla Hamidov

@Taqdir_bitiklari ☕️

Assalom Navro‘z!
Xush kelibsan 21-mart!

@Taqdir_bitiklari ☕️

Zamon!
Sen turibsan nechun parishon,
Nechun soʻnib borar vujudingda choʻgʻ,
Hali oʻlganim yoʻq
yashayapman omon —
itlar yetovida
Qolganim ham yoʻq!

Qani, yur,
yetaklab seni keturman,
Uzoq-uzoqlarni koʻrmoqda koʻzim, —
Men seni itlarga berib qoʻymayman —
Seni yuragimga eltaman oʻzim!

©Usmon Azim

@Taqdir_bitiklari ☕️

Odam bo‘lish qiyin chindan ham... Hayotda faqat xudbin bo‘lib yashash qanchalik tubanlik?!

O‘lmas Umarbekov yaratgan qahramon Abdulla ham o‘z hayotini o‘zi barbod qildi. Nafsi yetaklagan yo‘ldan toymagan yigit oxir-oqibat guldek qiz — Gulchehraning hayotiga zomin bo‘ldi.

Nahot endi o‘zi ilk bor tuygan muhabbatining xotiralari unga bir umr tinchlik bermasligiga ishonmasa?..

Oqibatda kim g‘alaba qozondi? Na qiz, na yigit...
Nima bo‘lganda ham, tanlov faqat bitta bo‘lishi kerak.

Sizchi? Asardan qanday xulosa chiqardingiz?

📕 Elektron varianti: @Badiy_kitob

@Taqdir_bitiklari ☕️

#bir_yilda_100_kitob

9-kitob sifatida atoqli adib Chingiz Aytmatov qalamiga mansub "Sohil bo‘ylab chopayotgan Olapar" qissasini tanladim.

Qirg‘iz yozuvchisi ham ruhan, ham qalban bizga yaqin bo‘lib. U yaratgann qahramonlar o‘quvchi ko‘z o‘ngida beixtiyor jonlanishi bilan e'tiborni tortadi.

📕 Elektron varianti: @Badiy_kitob

Yoqimli mutolaa tilayman!
Men bilan bo‘ling va 2022-yilda 100 ta asar o‘qing!

Yuqoridagi kanalga audio variantini ham joyladim. U orqali qissani 50 daqiqada tugatishingiz mumkin.

@Taqdir_bitiklari ☕️

Mening "Barcelonam" o‘ynaydi saldan keyin.

"Tiki-taka" uslubiga ishqibozman shularning.
Bugun ukamdan ham kichik Kataloniya bolalari azaliy raqib "Real" bilan o‘ynaydi.

Balki shudir "Barcelona"ning bugungi o‘yindagi ustunligi.

Nima bo‘lganda ham kuchlisi yutsin. Ko‘p gol ko‘ramiz degan umiddaman.

1:00 gacha kutganim haqqi, 0:0 bo‘lmasin! 😂

@Taqdir_bitiklari ☕️

Barcani sindi degan vay mani Realchilari-i-im, Realchilarim!

Yutib tursa oldida, sal boy bersa ortidan,
Sindi, Barca endi degan vay mani Realchilari-i-im.

Messini yomon ko‘rgan, ketishin poylab yurgan,
O‘yinni ko‘rib, shokda turgan vay mani Realchilari-i-m, Realchilarim!

Biz hali sinmadik, biz hali cho‘kmadik,
Vay mani kamtarin, Realchilari-i-m! 😁


P.S: Hazil o‘rnida qabul qilasizlar, Realga adovatim yo‘q. Faqat o‘yingacha rosa asabimni buzishga harakat qilgan Realchilar ko‘p edi.

@Taqdir_bitiklari ☕️

Bog‘chada o‘rganganmishlar raqs tushishni. 😂

Jiyanchamni rosa o‘ynatdim bugun ko‘chada. Aqli hamma narsaga yetadi. Hech kim 5 yosh deb o‘ylamaydi gaplashsa.

@Taqdir_bitiklari ☕️

Bugun 10:00 da Chust istirohat bog‘iga Namangan yosh ijodkorlari yig‘ilyapmiz, kelinglar. 😁

@Taqdir_bitiklari ☕️