جف صاحب الزمان / ملا عمار الكناني
https://youtu.be/lgWvCM4z3A0

جف صاحب الزمان يحرسها من زمان
وكبر الحسن وابوه للجانبين امان
**********************
هاي سامره وشمسها من يضاهيها
كعبه والاملاك كلها صلت اعليها
هيه براً وسلاماً للدخل بيها
المهدي خل بخير عاشت كل اهاليها

اشكد تشعر بسرور بسامره من تزور
وحته الهوه يصيح يا محله هالمكان
*****************
جنه سامره ودليلي اهوايه يهواها
وهيه لجل المهدي اقسم الله سواها
هام جبريل بسماها وكام يتباها
وقابه قوسين الدخلها صار معناها

اشكد يفرح الحمام عالكبه من ينام
متأكد انه اهواي ايضل يشعر بحنان
******************








احنه لازم نحمد لله اهوايه ونشكره
لان من نور الجلاله خلق سامره
هوس العباس بيها برايته الخضره
وحته الحسين بصحنهم كمت اشم عطره

وزينب تنادي اشوف حي الله بالضيوف
ويا مرحباً تصيح بالعسكري الجنان
*********************
العسكري كل اليجونه امسجل اساميهم
العسكري خدامه ذوله يفتخر بيهم
سهرو الليل وتعبهم يدري ماليهم
المهدي شيريدون ذوله والله ينطيهم

يا محله هالخدام متحزمين احزام
اتفضل يزاير شوف اشمحلاها بالسان
***************
عاشك وسامر الها فايض احساسي
وبسم ابو صالح تسبح كامت انفاسي
عسكري اصبح ولائي ودمي عباسي
اشلون اخاف الموت وانه حيدر براسي

سامره للجميع للشيخو والرضيع
من اشرف البقاع ومليانه زعفران
*********************
تمت
تحسين الخفاجي

مصرع فاطمه اقراه ودمع عيوني ينعاه
من شافوها بالباب كالو نحرك الدار
ايكسرون الضلع ليش ويصوبها بسمار
***************
كلهم عليها اتجمعو وللدار من كل صوب اجو ايحركون بابي اتعمدو
والباب خلفه الزهره
يا ناس والباب احترك اعله ام الحسن حيل انطبك امن النار محسنها اختنك
ومات ابني من العصره

انه علي حامي الحمه البلحومه شايع صيتي
بحركه صحت يهل العرب مو هينه دوست بيتي

من حكه علي ايحير ويحجي همومه للبير
مو بيتي احترك لا كلبي الحركته النار
ايكسرون الضلع ليش ويصوبها بسمار
*********************
عالعين سطراها النذل ودمعتها خلاها تهل صاحت شنو ذنب الطفل
ودمومه انضر ليها
عالحايط اثار الدمه يا ناس عصرو فاطمه ايسموني حماي الحمه
بس ما كدرت احميها

بالباب تدفع فاطمه وحيل العده ايدفعونه
المكسور ضلعه ومنهظم تنسطر ليش عيونه

بنار احتركت الايد وبس تتنفس اتريد
طب للريه دخان وبنص النفس دار
ايكسرون الضلع ليش ويصوبها بسمار
*********************
من طاحت وصار الجره نادت يفضه وحايره سنديني ما اكدر تره
ما كمت اشوفن دربي
هالمره ما صاحت علي مو هينه حركت منزلي عكب الزجيه ياهو الي
ما تطفه جمرت كلبي

المثلي تحمل جا علي لو بو الحسن سميته
ياهو يقبل تنضرب مرته ويعوف ام بيته

كل لحضه علي ايموت وتطلع روحه بسكوت
امكيد بالوصيه وانه بطبعي كرار
ايكسرون الضلع ليش ويصوبها بسمار
***************
يا ناس بابي المن جذع امن الدفعه صار اعله الضلع وما لحكيت اعله الدمع
عالوجنه ضل ايلالي
زينب تشيل امها اجت اويالباب اشكد حاولت وجفوف اديها اتحركت
ياباب درحم حالي

الكاسر ضلع من فاطمه زينب صدك بجاها
طك امها بالصوط ورجع جر زينب وطكاها

صاحت بس يجلاد صوطك عالمتن زاد
لاذت بالعبايه وزينب شافت الصار
ايكسرون الضلع ليش ويصوبها بسمار
*****************


شفت الحسن جبده انمرد ومن ضربو الزهره انظهد كل حيل ما ضل بي بعد
من فاطمه عصروها
وحسين من شاف العصر بيده ركض طفه الجمر اعله الزهره ضل يبجي اشكثر
صاح بحزن عوفوها

من ناح الحسين وبقت عالوجنه تجري دموعه
مثل امه راد بكربله يكسرون حيل اضلوعه

كلهم لا تحركون دفعو فاطمه اشلون
وي ام الحسن حيل يا حيف الزمن جار
ايكسرون الضلع ليش ويصوبها بسمار
**********************
بنت النبي خدها انسطر وام الحسن شبعت قهر كلش كصه اوياها الدهر
ام الحسن مظلومه
صاحت يروحي وسلوتي بليل شيع اجنازتي ضلت بكلبي حسرتي
منهم علي مهظومه

كل يوم ضلعي يا علي من العصر يوجعني
ماريد من عدهم ابد واحد يجي ايشيعني

ادفني وكت الاذان واقره اعليه قرآن
وصلي اعليه كل يوم ويمي هل الاعبار
ايكسرون الضلع ليش ويصوبها بسمار
*******************
تمت
تحسين الخفاجي

فاطمه اتسبح بسمها الملك والبشر
خذت روحي وكلشي بيه بعشكها انسحر
فاطمه يا فاطمه
******************
فاطمه هيه الاميره وفاطمه احجاب السمه
يعني انسه همومي كلها لو كلت يا فاطمه

حلم عمري وكل حياتي واحبها اشكثر
علي بالشده شفتها وتحل كل عسر

اشمنطيتك كالولي الزهره وكلتلهم مطيتني اهواي
ابسط شي مطيتني الرفعه ومتقصر بالشده وياي

همت يا ناس بهواها وجنوني كثر
خذت روحي وكلشي بيه بعشكها نسحر
****************
حللت يا ناس دمي وشفته هايم بالعشك
يدك يا فاطمه مره ومره يا حيدر يدك

الهوه الما تشتمه هيه ابد مو هوه
والضوه لو ما ضواها يضيع الضوه

خادمها واتشرف خادم واحلف بجفوف العباس
صيت وجاه الزهره انطتني وخلتني اكبر بين الناس

ابد ما عوف الزجيه يصيح النحر
خذت روحي وكلشي بيه بعشكها نسحر
**************
اقسم بسبع الشدايد وبكلامي ما ازل
العاجر وتنخه بسمها الله يرزقها طفل

بابها لا ما تسده وتجلي المحن
شوف جم شده كظتها ام الحسن

والحاير يا ناس بعلته ويدور ضل عن دكتور
خل ايصفي النيه ويطلب وينادي ام اضلع المكسور

للمرض كلمن ندبها متخلي اثر
خذت روحي وكلشي بيه بعشكها نسحر
***********
انه من زغري احبها وعالخدامه اتعلمت
والله يسوه الدنيه عندي مجلس الزهره صحت

صرختي لجل الزجيه خل ترتفع
وكون من الطم عليها اكسر ضلع

جيت امن اهلي ولابس اسود وتشرف بهدومي السود
واشلون المجلس ما حضره وحيدر بالمجلس موجود

واكيد المهدي هليله يعالم حضر
خذت روحي وكلشي بيه بعشكها نسحر
********************



فاطمه الله اصطفاها وهيه باء البسمله
ليش من اذكر اسمها بساع اشمن كربله

عالمه وبالذات فاطم ما تنوصف
ويا خلك دستور الاهي عدها العطف

حته الله ايحب التسبيحه امن اتسبح بالسبحه اتكوم
لو سجدت لله بسجدتها يتباها اهواي القيوم

واعله قران الزجيه يطيح المطر
خذت روحي وكلشي بيه بعشكها نسحر
*****************
فاطمه الدين الحقيقي ولو حجت جنها النبي
والعبايه الفاطميه شرفت كل العبي

وجهت اعظم رساله لجل الستر
وقتدت كل فاطميه بهذا الامر

والي تكول اتحب الزهره خل تفهم هاي الاسباب
وحجاب العفه تعرفونه يا عالم ما مثله احجاب

فاطمه خالد ذكرها طول الدهر
خذت روحي وكلشي بيه بعشكها نسحر
************
تمت
تحسين الخفاجي

بين امصابه وبينج الله ايعين حسينج
من تغمض عينج يايمه يايمه
***************
حنيت ورجف كلبي وصارت راحتي الونه
اذا منج ظلع كسرو حسين الخيل داسنه
اذا صاب الضلع بسمار حسين اسهام صابنه
ما يكدر اخيي ايكوم حرت اشلون اكومنه

كل ساع ايسحكونه وبالخيل ايرضونه
والدم اعله عيونه يايمه يايمه
********************
الج حيدر لمن عصروج واخوي حسين اله الله
اذا عالكاع صليتي حسين اعله الرمح صله
اذا محسن اكبالج مات ذبحو بيده عبد الله
شرب دمه ولذيذ الماي كام ايصيحله اسم الله

ست اشهور اوليده واشكد فرفح بيده
منه الماي ايريده يايمه يايمه
*****************








اذا حركو عليج الدار حسين اخيامه حركوها
واذا مو يم علي ضربوج زينب يمه ضربوها
شفتيلج اخو امن الخيل حته اثيابه سلبوها
شفتيلج مره بهل الليل تباري ايتام خلوها

راحو مني اخواني ودهري اشكد سلاني
شيخلصها احزاني يايمه يايمه
*******************
عله امصاب الغريب حسين نارج تسعر وناري
عفته بخطة الميدان امسلب والجسد عاري
كلها اتجفنت وحسين بالطف جفنه الذاري
ومن كد ما ابروحه اجروح يقبض روحه اجه الباري

ملك الموت اتعذر لمن شاف المنحر
بدمه حسين اتعفر يايمه يايمه
*******************











اقارن بينج وبينه وعالخد دمعتي اتلالي
اذا نفرض نسيت حسين اشيمسح رسمه من بالي
شفت بالدنيه كلشي ايموت من ايسافر الغالي
مو بس الخيم من راح ضل حته الهوه خالي

جانت حلوه ايامه ماتت ليش احلامه
راح الجان احزامه يايمه
************************
اذا امج خديجه حسين امه فاطمه الزهره
وجم مره رسول الله باس حسين من نحره
منو مثله بثواب الله كام ايثوب بصدره
احله امن الشهد اسمه ويعطر حلك اليذكره

حته الله ايحب روحه اشكد حسين اجروحه
جم ايه المذبوحه يايمه يايمه
**************************
تمت
تحسين الخفاجي