هذا جدول ان شاء الله حنمشي عليه ك اختبارات مو محاضرات
المحاضرات كل شخص وقابليته ووقته لذلك مااكدر احدد
جدول معين بس هاي الايام انشر بيها اختبارات وقبل يوم
نحدد المادة الي نختبر بيها ، حتى نراجع معلوماتنا ومننساها
(اي اقتراح عدكم كتبولنا بالدايركت )

الخميس ان شاء الله اختبارنا حيكون
🌸 الرياضيات / القطع الزائد
🌸 الانكليزي / اول ٣ مواضيع قواعديه يونت 2
🌸 الفيزياء / الفصل الثاني من البدايه

اما اليوم حنختبر كيمياء قاعده لوشاتلية
الساعه ٩ ان شاء الله

اتمنى تشاركون القناة لاكثر عدد من الطلاب حتى الكل يستفاد 🤍

هذني طلاب راجعوا بيهن حتى نختبرر ب9 👆🏻🤍

‏﴿ ‏قُلْ لِعِبَادِيَ الَّذِينَ آمَنُوا يُقِيمُوا الصَّلَاةَ ﴾.

الطلاب الي اتخذوا قرارهم النهائي بخصوص الإعادة:

حاليًا، أنتَ أو أنتِ أفضل من الطالب الي يدرس المادة للمرة الأولى؛ لأنكم ضابطين المادة بنسبة 50%.

بس هذا هو السبب نفسه اللي يخلي طالب السادس اللي اتخذ قرار الإعادة يفشل بالسنة الثانية؛ يشوف نفسه قاري المادة ومتقدم على غيره، وعادي يسخّت شوي، ويوم يجر يوم، إلى أن نوصل لفترة المراجعة، ويقرر يعيد مرة ثالثة، أو يمتحن ويحصل معدل أقل من معدل السنة اللي قرر يعيد بيها. وهذا كلام نسمعه من أغلب طلاب الإعادة بنهاية السنة لمن نسأل "ليش نزل معدلك عن السنة الاولى؟"

وهذا هو السبب نفسه اللي يخلي ناس بالإعادة يرفعون معدلاتهم من 80 إلى 100، وناس تنزل معدلاتهم من 90 إلى 70.

لذلك، كطالب عايد علمود المعدل، أنتَ تعرف المادة، وتعرف الفصول، وأكو مواضيع أو أصلًا مواد ضابطها، لكن لا تتهاون. حتى لو كان هدفك من الإعادة ترفع معدلك من 85 إلى 90، اطمح للأعلى؛ حتى لو ما جبت المعدل العالي اللي طمحت له، تجيب الـ90 نفسها.

«إذا أردتَ أن تبلغَ النجوم، فاطمح إلى القمر؛ فحتى إن لم تصل إلى القمر، ستصل إلى ما هو أعلى مما كنت تطمح إليه.» 🌙

ليش عدت سنة؟ شنو المشاكل الي واجهتها بالمراجعة

بالمادة الفلانية شنو اصعب فصل بالنسبة الك وشنو المواضيع الي صعبة بالنسبة الك

الاسلامية والادب ضابطهم، لو مثل باقي الطلاب هاملهم لفترة المراجعة

اللغة الانكليزية تحفظ بالقواعد وتنساها لو تفهم، الانشاءات الـ 14 تكدر تاخذ فكرة من المدرس وتألف انشاء صحيح من عندك او على الاقل ما تتعب باستنساخ الانشاء لو تتعب والوضع مأساوي

تحل وزاريات وتمتحن نفسك؟ وجربت تحل نسخ وزارية كاملة

سويت ملخصات او لا بالسنة الاولى؟
ناوي تبقى على نفس المدرس؟

لنفترض جاوبت على هاي
الاسئلة كالاتي:

بالكيمياء عندي الفصل الثالث والسادس والعضوية كلش سيء بيهم افهم بس ما اعرف احل

اولاً: المدرس الي طول السنة ما فهمت عليه واستصعبت المادة بسببه، لازم تغيره
مثلًا اكو طلاب ما تفهم على حسين الهاشمي راح تبدله بنور الدين

ثانيًا: كـ عايد مو لازم تبدا من الفصل الاول حاليًا لازم تحدد الفصول الي سيء بيها بالمادة وتبدا من اسوء فصل وصولًا لاسهل فصل

بالكيمياء عندك :
ثالث، سادس (وعضوية كل اسبوع محاضرة) هاهيه راح تنتهي معاناتك ويا الكيمياء، نبدي من الفصل الصعب حتى نتخلص من مشاكلنا من بداية السنة و بالنسبة للفصول الاولى في حال حتكون منتظم بدون انتساب فـ راح تلحك تراجعها بسهولة لان مراجعها قبل انتَ اما الانتساب فجدولكم سهل يترتب

حلوا وزاريات هواي وامتحنوا نفسكم هواي، ترا هذا اهم سبب يخليك ما تعرف تحل

يلا نبدي طلاببب 🤍