سبحان الذي يسبح الرعد بحمده، والملائكة من خيفته

اللهم صيبًا نافعًا، صيبًا يحمل لنا التوفيق والنجاح، واجعل مع كل قطرة مطر فرجًا لنا من التعب، ونورًا في عقولنا، وبركة في وقتنا، ويسّر لنا امتحاناتنا وارزقنا أعلى الدرجات يارب 🌧️🤍

مراجعة قواعد (الانگليزي)
أ.محمد حسين

نظام جدول المراجعة يكون كالاتي



الابحاث
التهاذيب
الاحاديث
القصص
السور
الاحكام


حتى تضبطون المادة زين

انتبهوا:

• عدنا تعريفين لـ البلازميد (عامل الخصوبة) واحد بالفصل الثالث والثاني بالفصل الخامس اذا بالوزاري طلب منكم تعريف البلازميد فـ أنتم تكتبون تعريف الفصل الخامس واللي هو:
البلازميد: هو جزيء دائري صغير من الـDNA الاضافي الذي يوجد في العديد من البكتريا ويعتبر ناقل له دور رئيسي في تقنية الهندسة الوراثية حيث يمتاز بـ ¹-يحمل عدد قليل من الجينات المسؤولة عن بعض الصفات كصفة مقاومة البكتيريا للمضادات الحياتية. ²-يتضاعف ذاتياً وبصورة مستقلة عن كروموسوم البكتيريا.
³-يمكن نقله من بكتيريا الى اخرى وللعديد من الكائنات كالخمائر والفطريات والحشرات.

اما اذا جابلكم تعريف عامل الخصوبة فـ انتم تذكرون تعريف الفصل الثالث واللي هو:
عامل الخصوبة: هو قطعة دائرية صغيرة من الـDNA يوجد في سايتوبلازم الخلية البكتيرية المعطية حيث يحصل الاقتران في البكتريا من خلال انتقاله من الخلية المعطية الى الخلية المستلمة التي لا تحتوي على عامل الخصوبة ويتم النقل عبر جسر الاقتران بين الخليتين وفي النهاية تصبح كلا الخليتين حاوية على عامل الخصوبة ويسمى ايضاً بالبلازميد

نرجع ونگول الرسائل المحفوظة تنهمل وما ترجعولها بعدين .. هسه بسرعة جيبوا كتاب او ملزمة الاحياء ودوروا على هذول التعاريف واشروا هاي الملاحظات يمكم حتى ما تنسون وتبقون حايرين وتضيع درجتكم!

٢ اسماء مشتركة بنفس التعريف انتبهوا:

البلعم البكتيري:وهي اشياء بسيطة التركيب تصيب البكتيريا وتحللها او تبقى خاملة تحتوي على اشرطة DNA مزدوجة او مفردة او قد تحتوي على RNA مفرد مثال على ذلك العاثي لامبدا، وايضاً هناك نوعاً من البلعم البكتيري عبارة عن سلسلة من الفيروسات تهاجم نوعاً من البكتيريا تدعى (بكتيريا القولون) حيث يحصل التكاثر في هذه الفيروسات من خلال دورتين متداخلتين اولهما دورة التحلل وثانيهما دورة التحلل والانتاج

اللاقم او العاثي (العاثيات):وهي اشياء بسيطة التركيب تصيب البكتيريا وتحللها او تبقى خاملة تحتوي على اشرطة DNA مزدوجة او مفردة او قد تحتوي على RNA مفرد مثال على ذلك العاثي لامبدا

السلام عليكم طلاب عندي اقتراح وهوه انو وي فقرة القطعة الخارجية حسب طلبكم نسوي مبرهنات الفصل السادس (تمارين ترك) تلتزمون ويانا ؟ صح اغلبنا هسه بالرياضيات فصل ثالث او رابع وممكن نهمل الفصل السادس لي هو اصلا درجتة ثابته ف هاي فرصتنا حتى يومية نذكر بعض دزولي حتى اعرف @Sama17bot

تمام أبطال عاشت ايدگم
الفكرة هيَ أنو حيكون يوم انشر الگم قطعه خارجية وزارية تحلوها ورا كم ساعه انشرلكم الاجوبة من مركز الفحص واليوم الثاني حيكون انشرلكم مبرهنه نقراها كلش زين مبرهنات ونتيجة مالتهم فقط نقرا لان التمارين ممكن تجي وممكن لا وتكون بفرع قابلة للترك ١٠٠٪؜ لان الطالب ميكدر يقرا مبرهنات والتمارين مالتهم مستحيل أتفقنا؟

الخلاصة
يوم انزل الكم قطعه خارجية واليوم الثاني مبرهنه لحد ما نكملهم كلهم الخ …..

صدگوني تندمت لان ما استخدمته
من بداية السنة حتى احسن من الخصوصي بالف مرة .

راح احچيلكم عنه بشكل مختصر حتى تستفادون منه قبل الوزاري

تطبيق NotebookLM اكثر شي مفيد ومضمون تحطون بيه ملزمتكم او فيديو اليوتيوب الخاص بالمراجعة و تگولوله يختبركم وراح يبدي يسألكم اسئلة من داخل مصدركم نفسه

يفضل تحطون كل المصادر الي عندكم ملزمتكم و اسئلة امتحانات مدرسين الخصوصي الي دينشروها الطلاب
تگدرون تنطونه امر انهُ يسويلكم الاسئلة صعبة ومن بين الاسطر وراح تستفادون كلش

✔️ يشمل سؤال "ما منشأ كل مما يأتي" لأكثر من 120 تركيب.
الملف راح يخلي هذا السؤال درجته بجيبك بالوزاري
وهو #الثوابت وزارياً بحيث كل سنة يجي

شوفوا هلفيديو من الدقيقة 6:41
فيديو استاذ محمد

اكو اخطأ اني بدراستي اليومية لاحظتها وغالبًا كلنا عدنا هلشي

الخطأ الاول

اجبر نفسي اگعد من وكت واني ما عندي قدرة على هلشي لان انعس بسرعة وحتى الوقت الي ادرس بيه بهلاثناء ما يكون احسن شي لان نعسانة فـ الحل لهلموضوع مثل ما گال أستاذ حسين محمد، نخلي دراستنا من الـ 8 الصبح الى الـ 12 بالليل (مع استراحات على مدار اليوم) وبعدين حاولوا تقدموها اكثر حتى تصير الگعده بالـ6

الخطأ الثاني

قلة النوم بايام الامتحانات، عقلنا من بعد الدراسة وكمية المعلومات الي استلمناها يحتاج النوم حتى يرتب المعلومات الي اخذناها فـ اذا ما ننام بكمية كافية قرايتنا كلها ما تفيد

الخطأ الثالث

بوقت الاستراحة (اكل وغيرها) استخدم التلفون، البارحة شفت دكتورة تگول بوقت الاكل وانتِ بفترة امتحانات لا تستخدمين التلفون ولا اصلًا تطبين بنقاش ويا اهلچ خليج بعيدة عن هلامور علمود عقلچ يرتاح (هلشي نبدي نطبقة بس هلاشهر الى يوم الوزاري لان هلاشهر مهمات)

الخطأ الرابع

السهر، استاذ محمد بالفيديو گال اني ضيعت 20 يوم من مراجعتي بس لان اسهر

اخيـر شي يفضل من يومنا هذا والى يوم 4/10 نكمل النقوصات ويوم 10 ناخذلنا استراحة هم نرتب افكارنا وجداولنا وهم نرتاح قبل بداية المراجعة، ومن الاشياء الي ذكرها استاذ محمد بالفيديو :
هو چان يدرس 12 ساعة و درجاته جانت اقل من صديقه الي طلع اول على العراق رغم صديقه چان يدرس 7 ساعات، فـ هي مو بعدد الساعات وانما بجودة الدراسة

فـ احنا نحاول نكسب الاثنين الوقت و الجودة ونمتحن نفسنا هواي لان بالامتحانات يبين المستوى الحقيقي للطالب .