بالنسبة الي قريت بالليل وبالنهار انام اكمل فطور اخذ ريست نص ساعة وراها ابلش اقرا ابلش بمادة درخية لان بعدني بحيلي وراها اكعد اقرا هيج قراية مستمرة لحد ال٩ الصبح واكيد اكو ريست بالسحور وبالاذان بس جنت انام من ال٩ لحد ٦ المغرب واول ما اكعد من النوم
جانت عندي مشكلة بالنشاطات مال فيزياء ممضبطتهن ف من اكعد بال٦ لحد ميأذن الهي بنفسي بالنشاط وهيج ضبطته وتخيلوا تلاثين يوم تكملون نشاطات الفيزياء كلهن وتضبطوهن وبالمراجعة فد ترتاحون

شسمة أكدر أعتمد ع المُرشحات؟
واذا أي مِنو تنصحيني أعتمد ع مُرشحاتة؟

اللي يدور مرشحات ميدور معدل يعني يدور نجاح بالسبعين هيج وحتى المراجعات المركزة همين ابتعدوا عنها

اعذريني على فضولي بعد هو فضول صار😂
حنونة انتِ يا دفعه 25 لو 24

2024

حنونة اني من خلصت امتحانات ليهسه مداكدر اقرة حته من اقرة ما استوعب احس روحي بس اشوف الكتاب اختنك المشكلة الخصوصي كلهم بدو واني گوة اقرة بحيث حتى احس الي دااقراه ديتراكم لان مجاي استوعبه ابدد شسوي هم مريتي بهيج حالة؟

اي اكيد مريت بيها بنص السنة وكتلكم ١٣ يوم ما فتحت الكتاب جنت انفر من الكتاب واجت فترة اختنك لدرجة ابجي اكول شدا اصخم بروحي شوكت اصحى بس شسويت اخذت ريست بهل فترة وراها كمت حذفت كل شي وراها كمت امل ماعندي شي اسوي ارجع اقرا من الملل وهيج رجعت لطبيعتي وكمت اقرا بس لتاخذين عطلة نص السنة كلها ريست اخذي خمسة تونسي بيها وراها ارجعي بطاقتج

السلام عليكم



كيمياء فصول ٤ ٥ ٦ ٧ ٨
فيزياء ٥ ٦ ٧ ٨ ٩
احياء وراثة
عربي ما بعد التقديم و التاخير و ادب بارت ٢
اسلامية وحدتين و نص
رياضيات فصول ٤ ٥ ٦ و احتاج ارجع لفصل ٣ لان ممضبطته ..



الحك اقراهم يعني ٤/١٠ انا كاعدة و مكملة كلشي و مضبطة


احسها كمية جبيرة و راح اختنك و كلش توترت هسه

و سؤال عندي
الي طلعوا معدل ١٠٠ هم هجي جانوا باقيلهم هجي كمية لو اقل؟

مو كلنا كل فصل يختلف عن فصل كل موضوع يختلف عن موضوع حبايب لتخافون تشوفون ٥ افصل باقيلج من كل مادة هيج تختنكون هسة الفصل الخامس والسادس مال كيمياء والله اذا تكعدين كعدة عليهن تكمليهن ب٥ ايام
ف يعني لتخافون بهل ناحية امشوا بالمادة وهي تتسهل عليكم والله

اي تلحكين تكملين كل هذن قبل ٤/١٠

خلصت الاسئلة اللي حولتهن زهراء وراحت زهراء

@Sama17bot دزولي حتى احول للدكتورة

السلام عليكم
حبابه جاوبيني 💜💜
اني عندي تراكمات يعني كميتها نص ونص واهل الخصوصي بالشوا بمادة كورس ثاني سؤالي هو: دافكر اسوي جدول بين تراكمات وواجبات وامشي منا لحد 4/1 فكرتي صحيحه لو خطأ؟ وحنونه شنو اختصاصج هسه💜
موضوع الوزاريات اني ابد ما حاله وزاريات وماعرف شوكت احل وزاريات احس ماكو وقت عندي 😔

زهراء راحت للمستشفى تشد مغذي

باعي بلشي وياهم وخصصي من وقتج وعطلج وقت قليل للمتراكم ساعتين تلاثة أقصى شي اقري المتراكم وراهت بلشي بالجديد واخذي من ساعات نومج للمتراكم مو معناها تقرين بالمتراكم وتقصرين بالمادة الجديدة جا هم راكمتي جديد ف اخذي من ساعات نومج

وطب عام مرحلة ثانية
والوزاريات حاولي تقريهن وره متفتهمين الموضوع حتى تضبطين وترتاحين بالمراجعة

ومو شرط تبدين مراجعتج يوم واحد اربعة ابد مو شرط

سلام عليكم
جاي احس بضياععع فضيع ووخايفة من انو ما اكدر اسيطر على المواد عندي خوف كلشش جبير وما اعرف اشلون اتخلص منه وهذا الشي جاي ياثر عليه سلباً احس نفسي مشتته ما اعرف حته ما جاي اعرف اعبر واحجي الي احس بيه بس اختصرها مرهقه ما جاي اكدر انام اعاني من التفكير المفرط والارق واقل شي من الاساتذه ياثر بيه واضوج واضل افكر بي طول الوقت كلشش تعبت من هذا الشي واني بعدني باول الطريق نصحيني😔

حبيبتي شلون بعدج باول الطريق ترا انتو مابقى شيء وتكملون يعني غلط تبقين لاهية نفسج بالتفكير المفرط يعني اصفنيلها فكرتي اي وراها بعدين شحصلتي؟كل شي متحصلين غير مضيعة الوكت استغلتي وقتج بالدراسة والهي بنفسج بيها لتنطين مجال لعقلج يفكر ويخاف عمي الزمي الكتاب وطلعي الموضوع وكليله اليوم لو اني لو انت حطي عقلج ويا نافسي للموضوع وهيج تروح الخوفة من تشوفين نفسج دا تضبطين الموضوع اللي تتعبين بي وتكولين اني قريت وتعبت بعد شسوي بيدج شي؟ لا
ف علمين تلهين روحج بالخوف ترا الضعف ابد مو حلو لان يأثر عليج سلبي خافي واقلقي بس بحدود

سلام عليكم الدكتورة اني عندي تراكماتتت كورس الأول فيزياء وعندي تراكمات عربي بنفي و اسلاميه شوي من انكليزي يونت ثلاثة اكدر اكملهم بعطلة نصف سنه+دكتورة شلون جنتي تقرين ادب عربي اشكد ماقراها انساها +دكتورة شلون جنتي تقرين وزاريات مل مواد ماجان يأخذ منج وگت +شكرا 🤍

تكدرين تقريهن التراكمات بهل عطلة صدكيني بس اعرفي العبيها صح
والادب جنت اقراه كل يوم صفحة واعيد الصفحة مال امس وابدي بالصفحة الجديدة ثاني يوم التكرار يعني تضبيط

الوزاريات اني ما اكعد احل الوزاريات الفصل كله بكعدة وحدة لا جنت كل موضوع اطلع وزارياته واحلهن وفد ارتاحيت بفترة المراجعة ارتياح مو طبيعي

شوكت بلشتي مراجعتج و جانت مراجعة وحدة لو مراجعتين؟

4/12
مراجعة وحدة بس وبس العربي امانة الله مراجعتين بس باقي المواد مراجعة وحدة بس جانت وافية لان ماكو شيء ما قريته وما حليته وبالنسبة للانكليزي كملت حل وزاريات رحت حليت نسخ وزارية يمكن ٢٠ نسخة وتاخد وكت بس كلش فادتني وهيج عرفت روحي مضبطة