كملي تراكمات وابدي مادة كورس ثاني

جنت اسلامية مكملة وحدتين
احياء تلاثة
فيزياء اربعة
رياضيات تلاثة
كيمياء اربعة
إنكليزي ستة
واني مدا اكول الكم عطلوها كلها ابد ما انصح كلش وكلش خمس ايام اخذوا


السؤال شنو الجدول اللي مشت عليه وكملت المادة ببداية الكورس الثاني وهي تقريبا مثل اغلب الطلاب مكملة بس نصف المادة قبل العطلة؟

جنت اقرا يمكن تلث مواد لو مادتين حسب يعني مادتين بنفس الكمية اقراهن باليوم ف هيج لحكت اكمل وهو يعني مو فدشي صعب ترا موضوع سهل موضوع مطول موضوع يخلص بسرعة موضوع لا فهو مراوس ف هيج تمشي المادة لتشوفون وقتكم قليل والمادة هواي معناها ما تلحكون لا حبايب مو هيج السالفة
اقروا مادتين باليوم وبنفس الكمية وقبل لتبلشون خلوا وقت مثلاً ٦ ايام لهل فصل قسموا الشهر هيج

والي يجاوب بالشهرياات الوزاري سهل عليّ ،وصدك الوزاري اسهل من المدرسة؟

الوزاري اسهل من المدرسة ومن المعهد بمية مرة حبايب وتريد تعرف الوزاري راح يسهل عليك من تكعد تحل وزاريات وما تواجهة صعوبة اعرف انت هنا ماشي صح

هلاو عمري شلونج
اني عندي مشكلة بالعربي قواعد وكلساع مغيرة مصدرتي ومااعرف ع منو اعتمدددد😭😭

العربي والله اخاف منه شكد ما اقرا واحل وزاريات ما اجواب

سؤال جدًا شاغلني

شون كدرت تقرا برمضان بدون ميأثر عليها ؟

حنين كلنا محتاجين جواب لهل سؤال🤣💔

العربي مثلا اثبتوا على مدرس
اني بالنسبة الي جنت افتهم بس على حمزة الجابري باليوت
اكعد الخص ويا وافتهم منه الخص القاعدات واكتب الشواذ
وراها اجيب ملزمة عقيل الزبيدي احل اللي موجود بالملزمة اكمل الموضوع من الملزمة اروح احل الوزاريات مال موضوع على الألفية واعيدهن وره فترة وكل مرة اعيدهن مثلاً يصادف امتحان معهد لو اني احلهن المهم اكررهن مرتين قبل المراجعة بحيث اكوم اضحك عليهن بالمراجعة
واني متأكدة متجاوبون بالامتحان لان اصلاً محافظين القاعدة مال سؤال ترا القواعد اذا تحفظ القاعدة تعرف وهم يعتبر حفظ

بالنسبة الي قريت بالليل وبالنهار انام اكمل فطور اخذ ريست نص ساعة وراها ابلش اقرا ابلش بمادة درخية لان بعدني بحيلي وراها اكعد اقرا هيج قراية مستمرة لحد ال٩ الصبح واكيد اكو ريست بالسحور وبالاذان بس جنت انام من ال٩ لحد ٦ المغرب واول ما اكعد من النوم
جانت عندي مشكلة بالنشاطات مال فيزياء ممضبطتهن ف من اكعد بال٦ لحد ميأذن الهي بنفسي بالنشاط وهيج ضبطته وتخيلوا تلاثين يوم تكملون نشاطات الفيزياء كلهن وتضبطوهن وبالمراجعة فد ترتاحون

شسمة أكدر أعتمد ع المُرشحات؟
واذا أي مِنو تنصحيني أعتمد ع مُرشحاتة؟

اللي يدور مرشحات ميدور معدل يعني يدور نجاح بالسبعين هيج وحتى المراجعات المركزة همين ابتعدوا عنها

اعذريني على فضولي بعد هو فضول صار😂
حنونة انتِ يا دفعه 25 لو 24

2024

حنونة اني من خلصت امتحانات ليهسه مداكدر اقرة حته من اقرة ما استوعب احس روحي بس اشوف الكتاب اختنك المشكلة الخصوصي كلهم بدو واني گوة اقرة بحيث حتى احس الي دااقراه ديتراكم لان مجاي استوعبه ابدد شسوي هم مريتي بهيج حالة؟

اي اكيد مريت بيها بنص السنة وكتلكم ١٣ يوم ما فتحت الكتاب جنت انفر من الكتاب واجت فترة اختنك لدرجة ابجي اكول شدا اصخم بروحي شوكت اصحى بس شسويت اخذت ريست بهل فترة وراها كمت حذفت كل شي وراها كمت امل ماعندي شي اسوي ارجع اقرا من الملل وهيج رجعت لطبيعتي وكمت اقرا بس لتاخذين عطلة نص السنة كلها ريست اخذي خمسة تونسي بيها وراها ارجعي بطاقتج

السلام عليكم



كيمياء فصول ٤ ٥ ٦ ٧ ٨
فيزياء ٥ ٦ ٧ ٨ ٩
احياء وراثة
عربي ما بعد التقديم و التاخير و ادب بارت ٢
اسلامية وحدتين و نص
رياضيات فصول ٤ ٥ ٦ و احتاج ارجع لفصل ٣ لان ممضبطته ..



الحك اقراهم يعني ٤/١٠ انا كاعدة و مكملة كلشي و مضبطة


احسها كمية جبيرة و راح اختنك و كلش توترت هسه

و سؤال عندي
الي طلعوا معدل ١٠٠ هم هجي جانوا باقيلهم هجي كمية لو اقل؟

مو كلنا كل فصل يختلف عن فصل كل موضوع يختلف عن موضوع حبايب لتخافون تشوفون ٥ افصل باقيلج من كل مادة هيج تختنكون هسة الفصل الخامس والسادس مال كيمياء والله اذا تكعدين كعدة عليهن تكمليهن ب٥ ايام
ف يعني لتخافون بهل ناحية امشوا بالمادة وهي تتسهل عليكم والله

اي تلحكين تكملين كل هذن قبل ٤/١٠

خلصت الاسئلة اللي حولتهن زهراء وراحت زهراء