بدايتي ✨

چا وين اودي الحجي واتعاتب ويَامن ؟

فَاهمني چنك غلط
جنت اقصد أهلاً ترى !
من كتلك شجابك .
ومن سولفت
ع الحزن چنت .
اقصد احتاجك !

حط عَينك بعيني !
وأبد لاتحجي .
انا احجي ،
شناقصني وانعاف بوگت !
رادوني اعوفك كُل هلي .
ويلگوني جاي ادعيلك ،
وخليني اذكرك بالمُضن !
بـ ميلادي گلهم صفكوا .
وشعلوا شمُوع وهلهلو .
وبدموعي طَفيت الشمع ،
ساعتها جِنت ابجيلك !

خَسران اليعِيش
وماحچه ويايَ !
وربحان الگعد
يمي دَقيقه !
اليعاشِرني
يحَبني
بلا نُقاشات !
وهِنياله الصرت ،
خِله ورفيچه ..

مالي خِلك
لكلشي صَاير
لا اكوم ولا أعدي
كلبي متشكك تشكك
يشبه هدوم المجَدي
ويعبر الليل ويردلي
واني غارك بالخسائر
مالي خِلك !
لكلشي صَاير ....

فَشلتني گبال رَوحي
وگابلت رِوحي وبجيت ..

أمِس بالليل
طَيفك مر بالعُيون
وگعدت ويّاك ساعه
وعاتبيتّك
فجأه وراح طِيفك
وفَزت الروح
گلبت الليل
كِله ومالگيتَك

حَقك ماشفت شكد
جان طبعك بارد
من چنت اجيلك محتّرك
والكاك حيل تعانِد !
من جان عندك چم مُحب
وماعندي غَيرك واحد
كل ذنب مو صوجِك ترى
صوج أهتمامي الزايد !

واني گتلك تره !
التكثر اعذاره
يروح
من يكثر الغيم
مبينه سالفته
واذا تعرف
بروحك ماتظل
وياي
الحجي البأول
ايام شجّابرك
كلته ؟