📌 Соғлиқни сақлаш вазирлигининг тегишли буйруғига мувофиқ, оилавий шифокор пунктлари, оилавий поликлиникалар, кўп тармоқли марказий поликлиникалар, туман (шаҳар) марказий шифохоналари ва туғуруқхоналарда кўрсатиладиган тиббий ёрдамнинг кафолатланган ҳажмлари рўйхати белгиланди.

🖇 Мазкур рўйхатга кўра, беморларга жами 520 та ташхис, 28 та диагностик текширув, 46 та лаборатор таҳлил, 235 турдаги дори воситалари, 27 та оператив даво ҳамда 76 та тиббий буюмлар давлат ҳисобидан бепул тақдим этилади.

💬Telegram | 🌐Facebook

Грипп юқтириш хавфи юқори бўлган шахслар кимлар?

🩺 Грипп юқтириш ва унинг оғир асоратларини бошидан ўтказиш хавфи юқори бўлган ҳамда мавсумдан олдин эмланадиган шахслар контингенти тасдиқланган.

📌 Унга қуйидагилар киради:

🤰🏻 ҳомиладор аёллар;

👶🏻 6 ойликдан катта болалар ва нафас олиш органлари ва юрак-қон томир тизимларининг маълум сурункали касалликларига чалинган катта ёшлилар;

👨🏻‍🦳 60 ёшдан ошган шахслар;

👧🏻 6 ойликдан 59 ойликкача бўлган болалар;

👩🏼‍⚕️ тиббиёт ходимлари;

👫 “Меҳрибонлик” уйлари, қариялар ва ногиронлар учун “Саховат” интернат уйлари, ногиронлар ҳамда ногирон болалар учун “Мурувват” интернат уйлари, болалар шаҳарчалари, болалар уйларида, шунингдек, жисмоний ёки руҳий ривожланишида нуқсони бўлган болалар учун ихтисослаштирилган таълим муассасаларида (мактаблар, мактаб-интернатларда) яшаётган шахслар.

💬Telegram | 🌐Facebook

❗️ Тадқиқот: Ҳаво ифлосланиши қандли диабет келиб чиқиш хавфини оширади

🔬 Олимлар экологик ноқулай ҳудудларда яшовчи одамларда қандли диабетнинг иккинчи тури ривожланиш хавфи ортишини аниқлади.

📍 Тадқиқот Ҳиндистоннинг Деҳли ва Ченнай шаҳарларида ўтказилди. Бу ҳудудлар ҳавосида қон оқимига кириши мумкин бўлган микроскопик PM2.5 заррачалари миқдори ошган.

📌 Илгари бу зарраларнинг нафас олиш ва юрак-қон томир касалликлари юзага келиши билан боғлиқлиги аниқланганди.

📊 Ўрганишлар чоғида PM2.5 нинг ўртача йиллик даражаси Деҳлида 82-100 мкг/м3, Ченнайда эса 30-40 мкг/м3 миқдорни ташкил этган. Ваҳоланки. ЖССТ тавсиясига кўра, бу кўрсаткич 5 мкг/м3 гача бўлиши керак.

👨‍👩‍👦‍👦 Олимлар етти йил давомида 12 минг эркак ва аёлдан иборат гуруҳни кузатди. Уларнинг қондаги қанд миқдори мунтазам текшириб турилган ва бу одамлар яшайдиган ҳудудларда ҳаво сифати назорат қилинган.

🔎 Натижалар шуни кўрсатдики, атиги бир ой ичида юқори даражадаги PM2.5 ҳавоси билан нафас олиш қондаги қанд миқдорини оширади ва бу жараённинг бир йил ёки ундан кўпроқ давом этиши диабетга олиб келиши мумкин.

📈 Ҳар бир ортиқча 10 мкг/м3 қандли диабетнинг ривожланиш хавфини 22 фоизга оширади.

🩺 Маълумотларга кўра, Ҳиндистон аҳолисининг 11,4 фоизи қандли диабетдан азият чекади. Бундан ташқари, касалликка чалинганлар шаҳарларда қишлоқ жойларга нисбатан кўпроқ учрайди.

‼️ PM2.5 таркибида сульфатлар, нитратлар, оғир металлар мавжуд. Бу моддалар эндокрин тизими фаолиятини издан чиыариб, инсулин ишлаб чиқаришга ҳалақит беради.

💬Telegram | 🌐Facebook

⚡️ ТАЙИНЛОВ

Соғлиқни сақлаш вазирлигининг тегишли буйруғи билан Азимов Сардор Марипжанович Республика ихтисослаштирилган педиатрия илмий-амалий тиббиёт марказининг даволаш ишлари бўйича директор ўринбосари-Бош шифокори этиб тайинланди.

C. Азимов 2008 йилда Тошкент педиатрия тиббиёт институтини тамомлаб, ушбу олий ўқув юртининг клиник ординатура йўналишида таҳсил олган.

Меҳнат фаолиятини Республика шошилинч тиббий ёрдам илмий марказида 1-педиатрия бўлими навбатчи шифокори сифатида бошлаган. Турли йилларда Республика ихтисослаштирилган педиатрия илмий-амалий тиббиёт маркази ташкилий-услубий бўлими бошлиғи, Тошкент вилояти болалар кўп тармоқли тиббиёт маркази бош шифокори, ушбу вилоят Соғлиқни сақлаш бошқармаси оналик ва болаликни муҳофаза қилиш бошқармаси бошлиғи ўринбосари каби қатор масъул лавозимларда ишлаган.

C. Азимов тайинловга қадар, Республика ихтисослаштирилган педиатрия илмий-амалий тиббиёт маркази бош шифокори ўринбосари сифатида фаолият юритиб келаётган эди.

💬Telegram | 🌐Facebook

#Statistika

TOSHKENT VILOYATIDA DOIMIY AHOLI SONI 3 036 250 KISHINI TASHKIL QILDI

Joriy yilning 1-oktabr holatiga Toshkent viloyatida doimiy aholi soni 3 million 36 ming 250 kishini tashkil qildi va yil boshidan beri 42,8 ming kishiga yoki 1,4 foizga ko‘payganini bildiradi.

Shundan, shahar joylarida 1 517,7 ming kishi yoki jami aholi sonining 49,99 foizi va qishloq joylarida 1 518,6 ming kishi yoki 50,01 foizi istiqomat qiladi.

Viloyatda aholi sonining eng ko‘p o‘sish ko'rsatkichlarini hududlar kesimida ko'rish mumkin.

Jumladan:

Olmaliq shahrida 104,9 %;

Nurafshon shahrida 103,7 %;

Angren shahrida 102,5 %;

Yangiyo‘l shahrida 103,4 %;

Toshkent tumanida 102,7 %;

Chinoz tumanida 102,2 % kuzatildi.

💬Telegram | 🌐Facebook

​❗️ЖССТ: Пандемия даврида туберкулёздан ўлим кўрсаткичлари ошган

📊 Жаҳон соғлиқни сақлаш ташкилотининг навбатдаги ҳисоботига кўра, коронавирус пандемияси даврида дунёда туберкулёздан ўлим кўрсаткичлари сезиларли даражада ошган.

📈 Хусусан, 2020-2022 йилларда сил хасталиги туфайли ҳаётдан кўз юмганлар сони аввалги йилларга нисбатан 500 минг нафарга кўпайган.

🔎 Ўз навбатида, касалланиш ҳолатлари ҳам ортган. Масалан, 2021 йилда жаҳон бўйича 10,3 миллион кишига туберкулёз ташхиси қўйилган бўлса, ўтган йили 10,6 миллион одамда сил хасталиги аниқланган.

‼️ Рўйхатга олинган беморлардан 7,5 миллион нафари биринчи марта туберкулёзга чалинганлардир. Бу — 1995 йилдан бери қайд этилган энг юқори кўрсаткич.

💬Telegram | 🌐Facebook