🟢 Sog‘liqni saqlash sohasida fuqarolarning tibbiy xizmatlarga ehtiyojini o‘z vaqtida va sifatli ta’minlashga yo‘naltirilgan tizimni shakllantirish bugungi kunning muhim talabi. Aholi salomatligini mustahkamlash va umr ko‘rish davomiyligini oshirish, tibbiy xizmatlar sifatini oshirishga qaratilgan tibbiy sug‘urta tizimi ajratilayotgan mablag‘larning maqsadli sarflanishini ta’minlaydi. Ijtimoiy kafolat hamda aholining barcha qatlami uchun tibbiy yordam mavjudligi tizimning afzalligidan dalolat beradi.

💠 Sug‘urtalash tizimi birinchidan, aholiga ko‘rsatilayotgan tibbiy xizmat sifati va ko‘lami yanada oshadi. Ikkinchidan, kasalliklarni erta aniqlash natijasida aholining o‘rtacha umr ko‘rish darajasini uzaytirish imkoni paydo bo‘ladi. Uchinchidan, sug‘urta bozori rivojlanadi. Qolaversa, tibbiyot muassasalarining moddiy-texnik bazasi, dori-darmon bilan ta’minlanishi sezilarli darajada yaxshilanadi, tibbiyot xodimlarining oylik maoshi bosqichma-bosqich oshirib boriladi.

💠 Sug‘urta tizimining axborot-kommunikatsiya texnologiyalaridan keng foydalangan holda joriy qilinishi axborot almashinuvini ta’minlash hamda tibbiyot xodimlari va bemorlar uchun kerakli ma’lumotlarni olish imkonini beradi.
Aholining ijtimoiy himoyaga muhtoj toifalarini sifatli tibbiy xizmat bilan ta’minlash darajasini oshirish, davlat tomonidan kafolatlangan tibbiy yordam ko‘rsatishga xususiy tibbiyot tashkilotlarini jalb qilish tibbiy xizmatlar bozorida raqobat muhitini rivojlantirishga xizmat qiladi.

🎥 Lavhamiz shu haqda...