ဘယ်သူနဲ့မှမတူတဲ့
ကျွန်တော့်ရဲ့ music type ပါ။

Song name - ကြိုးမဲ့စွန်

အချစ်ရဲ့အတ္တ


အချစ်ကိုစာရေးဆရာတွေ၊တေးရေးဆရာတွေနဲ့ကဗျာဆရာအများစုက မီးလို့တင်စားတတ်ကြတယ်။ "အချစ်ဟာပူလောင်တဲ့မီးတောက်ငယ်တစ်ခု"လို့ မြန်မာစာသျှင်ထွန်းက အဓိပ္ပါယ်ဖွင့်ခဲ့သလို ဦးကျော်ဟိန်းရဲ့"ဒိုးရတော့မယ်အချစ်ရယ်" ဆိုတဲ့သီချင်းမှာလဲ အမုန်းနဲ့အချစ်ဟာအပူပြင်းဆုံးဆိုတဲ့မီးလို့တင်စားခဲ့တယ်။ လူတိုင်းတစ်ယောက်ချင်းဆီ‌တိုင်းကတော့အချစ်ကိုအဓိပ္ပါယ်ဖွင့်ဆိုပုံ ကွဲပြားကောင်းကွဲပြားနိုင်ပေမယ့် အချစ်ရဲ့ဟာအေးချမ်းမှုကိုပဲ 100%ပေးတာမဟုတ်တာကိုတော့လက်ခံရမှာပါ။

အချစ်ရဲ့အတ္တဆိုတာကတော့ ချစ်ရသူရဲ့အရာရာကို ရယူလိုခြင်းပါ။ ဥပမာ တခြားလူထက်ပိုပြီးချစ်ရသူဆီက အခွင့်အရေးတွေ ပိုလိုချင်တယ်၊ပိုရချင်တယ်ဆိုတဲ့စိတ်ပါ။ ကိုယ်က တခြားလူနဲ့ယှဉ်လာရတဲ့အခါ ဦးစားပေးတာခံချင်တယ်။ အရာရာကို ကိုယ့်အပေါ်ပဲစိတ်ကိုရှိနေစေချင်တယ်။ အဲ့အရာကို psychology အရ Possessiveness လို့ခေါ်တယ်။ အဲ့အရာက အချစ်ကြီးလို့အတ္တကြီးတာမျိုးဖြစ်ပြီး " ငါ့ကိုပဲအာရုံစိုက်ရမယ်"၊ "ငါ့ခံစားချက်ကိုပဲကြည့်ရမယ်" ဆိုတဲ့စိတ်နဲ့ ဘယ်သူနဲ့မှရောနှောမခံတဲ့အတ္တကြီးစိတ်ကိုခေါ်တာပါ။ အဲ့အရာလူအများစုက ကိုယ့်အပေါ်အဲ့လိုမျိုး ချုပ်ကိုင်တာခံရတဲ့အခါ စိတ်ပင်ပန်းတာမျိူးဖြစ်ပြီး ရုန်းထွက်တတ်ကြပါတယ်။ အဲ့အခါ ချုပ်ကိုင်တဲ့သူကနေ နောက်ထပ် attachment anxiety လို့ခေါ်တဲ့ ဆုံးရှုံးရမှာကြောက်ပြီး clingy ဖြစ်လာတဲ့ ခံစားချက်တွေထပ်ဖြစ်လာပါတယ်။ အဲ့လိုနဲ့ပဲ relationship တော်တော်များများက ပျက်ဆီးတတ်ကြပါတယ်။

Relationship တွေမှာ ချုပ်ကိုင်ခံရတဲ့သူက မွန်းကြပ်တဲ့စိတ်နဲ့ စိတ်ပင်ပန်းနေသလို ချုပ်ကိုင်တဲ့သူကလဲစိတ်ပင်ပန်းပါတယ်။ ချုပ်ကိုင်တဲ့သူရဲ့ ရင်ထဲမှာ အပူလှိုင်းတွေတောက်လောင်နေတတ်ပြီး obsessive love လို့ခေါ်တဲ့ အလွန်အကျွံစွဲလမ်းတဲ့စိတ်ကိုဖြစ်နေစေပါတယ်။ ဒီလိုအရာတွေကို ဖြစ်ပေါ်လာတဲ့အခါ စိတ်ပင်ပန်းရတဲ့အခြေအနေတွေ ဖိအားတွေကိုရင်ဆိုင်ရတတ်ပြီး သာမန်ကိစ္စတွေမှာတောင်စိတ်တိုပြီးမဖြေရှင်းတတ်တော့ပါဘူး။ ဒါက psychology အရ Obsessive possessioness ဖြစ်နေလို့ပါ။ တကယ်လို့သာ လမ်းခွဲပြတ်စဲသွားရင် အဲ့လိုဖြစ်တဲ့လူ ၁၀ဝမှာ ၇၀လောက်က ပုံမှန်ဖြစ်သွားတာများပါတယ်။ ဒါကအလွန်အမင်းစွဲလမ်းနေရုံသက်သက်သာဖြစ်ပြီး လွတ်ချလိုက်တဲ့အခါ ရရှိခဲ့တဲ့ဖိအားတွေ ထိန်းချုပ်ချင်တဲ့စိတ်တွေ ပျောက်ပျက်သွားပြီး ကိုယ်ချစ်ခဲ့တဲ့ထိန်းချုပ်ခဲ့တဲ့လူအပေါ် သာမာန်စိတ်နဲ့ပြန်လည် ဆက်ဆံနိုင်သွားတာများပါတယ်။

ဒါကြောင့် မသာယာနိုင်တဲ့အချစ်ရေးသာရှိလာခဲ့ရင် လွတ်ချလိုက်ကြပါ subscribers တို့။

-Kristof

ကျွန်တော့်ရဲ့ပထမဆုံး Voice Actor ခြေလှမ်းပါ။ အခုလိုကူညီပေးတဲ့ Crystal Tone Team ကိုလဲကျေးဇူးပါ။

"What if I fall?"
"Bro.... What if you fly?"

ဘဝမှာ လူတော်တော်များများက မအောင်မြင်သေးခင်တည်းက ရှူံးနိမ့်သွားတတ်ကြတယ်။ အကြောင်းအရင်းကတော့ သူတို့အရည်အချင်းမရှိလို့ မဟုတ်ပဲ အခွင့်အရေးတွေကိုရပ်တန့်စေတဲ့ကြောက်စိတ်ကြောင့်ပဲ။ "ငါသာမလုပ်နိုင်ရင်"၊"လူတွေသာ ငါ့ကိုလှောင်နေရင်"၊ ကျရှုံးသွားရင်"ဆိုတဲ့မေးခွန်းတွေက အိမ်မက်တွေကို သတ်ပစ်လိုက်တယ်။

သေချာတွေးကြည့်ရင် အခုလိုကြောက်နေတဲ့‌အရာက ဘဝကိုပြောင်းလဲပေးနိုင်မဲ့အခွင့်အရေးဖြစ်နေနိုင်တယ်။ ငှက်တစ်ကောင်ဆိုရင် ပျံသန်းလာနိုင်ဖို့ အမြင့်ကနေခုန်ချရသလို တောင်တက်သမားတွေကလဲ အမြင့်ကိုရောက်ဖို့ ခရီးကြမ်းတွေကို ရင်ဆိုင်ရတယ်။ အောင်မြင်သူတိုင်းက ကျရှုံးမှု၊နာကျင်မှုနဲ့အထီးကျန်မှုတွေရှိခဲ့ဖူးတယ်။

တစ်ခါတလေ Risk ယူတာကလည်း အန္တရာယ်မဟုတ်ဘူး။ မစမ်းကြည့်ပဲနေသွားတာကပဲ အကြီးမားဆုံး regret ဖြစ်တတ်တယ်။ "ငါသာအဲ့ဟာကိုလုပ်ခဲ့ရင်" ဆိုတဲ့စိတ်က အမြဲနှိပ်စက်နေနိုင်တယ်။ ဒါကြောင့်စတင်ပါ။ နှေးနေလဲရတယ်။ ကြောက်နေလဲရတယ်။ perfect မဖြစ်လဲရတယ်။ အဓိကက ရပ်တန့်မနေဖို့ပဲ။

တစ်နေ့မှာ မင်းပြန်တွေးမိတဲ့အခါ မင်းကြောက်ရွံမိခဲ့တဲ့ ခုန်ချခြင်းက မင်းဘဝရဲ့ပထမဆုံး ပျံသန်းခြင်းဖြစ်နေမှာမို့လို့ပါပဲ။

-Kristof

Materialism

Materialism ဆိုတာက လူတစ်ယောက်ရဲ့ဘဝတန်ဖိုးကို စိတ်ပိုင်းဆိုင်ရာ၊ ကိုယ်ကျင့်တရားပိုင်းဆိုင်ရာအစား ပစ္စည်းဥစ္စာ၊ ငွေကြေး၊ အောင်မြင်မှုနဲ့ အပြင်ပန်းအရာတွေကို အခြေခံပြီး သတ်မှတ်တဲ့ အယူဝါဒတစ်ခုဖြစ်ပါတယ်။ ဒီဝါဒမှာ “ပိုင်ဆိုင်မှုများလေလေ၊ ဘဝကပိုတန်ဖိုးရှိလေလေ” ဆိုတဲ့အမြင်ကို အဓိကထားတတ်ကြတယ်။

Materialism ကို ခေတ်သစ်လူမှုအသိုင်းအဝိုင်းထဲမှာ အများကြီးတွေ့‌ရ‌လေ့ရှိပြီးတော့ လူတွေဟာ expensive brand တွေ၊ luxury car တွေ၊ latest phone တွေ၊ social media fame တွေကို ကိုယ့်ရဲ့တန်ဖိုးအဖြစ် သတ်မှတ်လာကြတယ်။ တချို့လူတွေက ကိုယ့်ရဲ့စိတ်ကျေနပ်မှုထက် လူတွေမြင်ရတဲ့ image ကို ပိုအရေးပေးလာတတ်ကြတယ်။ ဒါကြောင့် “ငါဘယ်လောက်ပိုင်ဆိုင်ထားလဲ” ဆိုတာက “ငါဘယ်သူလဲ” ဆိုတာထက် ပိုအရေးကြီးလာတဲ့ အခြေအနေတွေ ဖြစ်လာတယ်။

Materialism ရဲ့ကောင်းတဲ့ဘက်လည်း ရှိတယ်။ လူတစ်ယောက်ကို အလုပ်ကြိုးစားစေတယ်၊ အောင်မြင်ချင်စိတ် ဖြစ်စေတယ်၊ ပိုကောင်းတဲ့ဘဝတစ်ခုရဖို့ motivation ပေးနိုင်တယ်။ ငွေကြေးနဲ့ ပစ္စည်းတွေက လူ့ဘဝအတွက် လိုအပ်တာမှန်ပေမယ့် အဲ့ဒါတွေကို အလွန်အကျွံ အဓိကထားလာတဲ့အခါ ပြဿနာတွေ စတင်ဖြစ်လာတတ်တယ်။

Materialism အလွန်များတဲ့လူတွေဟာ အပြင်ပန်းအောင်မြင်မှုရှိပေမယ့် အတွင်းစိတ်မှာ ဘာမှမရှိသလိုခံစားရတတ်တယ်။ ဘာလို့လဲဆိုတော့ ပစ္စည်းဥစ္စာတွေက ခဏတာပျော်ရွှင်မှုသာပေးနိုင်ပြီး စိတ်ငြိမ်းချမ်းမှု၊ အချစ်၊ နားလည်မှုနဲ့ စစ်မှန်တဲ့ happiness ကိုတော့ မပေးနိုင်လို့ပါ။ တချို့လူတွေဟာ ပိုကောင်းတဲ့ဖုန်းတစ်လုံးရပြီးတာနဲ့ နောက်ထပ်ပိုကောင်းတာကို ထပ်လိုချင်လာတယ်။ အဲ့ဒီလို desire မဆုံးနိုင်တဲ့စိတ်က လူကိုပင်ပန်းစေတယ်။

Social media ခေတ်မှာ Materialism က ပိုပြီးပြင်းထန်လာတယ်။ လူတွေက သူများရဲ့ perfect lifestyle တွေကို မြင်ပြီး ကိုယ့်ဘဝနဲ့ နှိုင်းယှဉ်လာကြတယ်။ အဲ့ဒီကနေ jealousy, insecurity နဲ့ depression တွေ ဖြစ်လာနိုင်တယ်။ တကယ်တော့ online ပေါ်က ပုံရိပ်အများစုက စစ်မှန်တဲ့ဘဝမဟုတ်ပါဘူး။

အဆုံးမှာတော့ Materialism ဟာ မကောင်းတဲ့အရာလုံးဝမဟုတ်ပေမယ့် ဘဝရဲ့အဓိက meaning အဖြစ်ယူလိုက်တဲ့အခါ လူကို အတွင်းစိတ်ပျောက်ဆုံးသွားစေနိုင်တယ်။ လူတစ်ယောက်ရဲ့တန်ဖိုးကို အဲ့လူရဲ့ပိုင်ဆိုင်တဲ့အရာတွေနဲ့မဟုတ်ဘဲ စိတ်ဓာတ်၊ ကိုယ်ကျင့်တရား၊ အရည်အချင်းနဲ့တွေကပဲ တကယ်သတ်မှတ်ပေးတာဖြစ်ပါတယ်။


-Kristof

Subscriber များသို့အစီရင်ခံစာ။

စိတ်အဆင်မပြေလို့ Social media ကိုရပ်ပစ်လိုက်ချင်ပြီ ခင်ဗျားတို့ကို သန်မာအောင်လုပ်နေတဲ့ကျွန်တော်လဲ တခါတလေ‌စောက်ရမ်းပြိုလဲတယ်ဆိုယုံမလား။

မိမိကိုယ်ကို သတ်လိုက်ပါ

လူတစ်ယောက်၏ဘဝတွင် အချို့သောသေဆုံးမှုများသည် ဝမ်းနည်းစရာမဟုတ်ပေ။ အချို့သောသေဆုံးမှုများသည် ပြန်လည်မွေးဖွားခြင်း၏အစသာဖြစ်သည်။ လူတို့သည် သေခြင်းကိုကြောက်ကြသည်။သို့သော် သူတို့မသိကြသည်မှာ ဘဝထဲတွင် မသေသင့်သောအရာများရှိသကဲ့သို့ သေသင့်သောအရာများလည်းရှိနေသည် ဆိုသောအချက်ပင်ဖြစ်သည်။ ကျွန်တော်တို့၏ကိုယ်စိတ်နှလုံးအတွင်း၌ လူတစ်ယောက်ရှိသည်။ သူသည် အားငယ်တတ်၏။ သူသည် အိပ်မက်ကိုချစ်သော်လည်း နာကျင်မှုကိုမုန်းသည်။ သူသည် တောင်ထိပ်သို့ရောက်လိုသော်လည်းတောင်တက်ရသောပင်ပန်းမှုကိုမလိုချင်။ သူသည် မိုးရွာနေသောနေ့တိုင်း ကံကြမ္မာကိုအပြစ်တင်တတ်ပြီးနေမထွက်သောမနက်တိုင်း လောကကြီးကိုမတရားဟုထင်တတ်သည်။ ကျွန်တော်တို့ကို အရင်ဆုံးဖျက်ဆီးသောအရာမှာ ဆင်းရဲခြင်းမဟုတ်ပေ။အထီးကျန်ခြင်းမဟုတ်ပေ။လောက၏ရက်စက်မှုလည်းမဟုတ်ပေ။ ကျွန်တော်တို့ကိုယ်စိတ်နှလုံးအတွင်းက အားနည်းသောလူပင်ဖြစ်သည်။ အချို့လူများသည် ရန်သူတစ်သောင်းကိုအနိုင်ယူနိုင်ကြသည်။ သို့သော် “ငါမလုပ်နိုင်ဘူး” ဟူသောစကားတစ်ခွန်းကို အနိုင်မယူနိုင်ကြချေ။ အချို့လူများသည်ကမ္ဘာကြီးကိုနားလည်ရန်ကြိုးစားကြသည်။ သို့သော် ကိုယ့်ကိုယ်ကိုမနားလည်ကြ။ထို့ကြောင့် တစ်ခါတစ်ရံ သင့်ဘဝကိုကယ်တင်ရန် သင်လုပ်ရမည့်အရာသည် ကိုယ့်ကိုယ်ကိုချစ်ခြင်းမဟုတ်။ ကိုယ့်ထဲက လူတစ်ယောက်ကို သတ်ပစ်ခြင်းဖြစ်သည်။ ကလေးဆန်သောမာနကို သတ်လိုက်ပါ။ ဝေဖန်မှုအနည်းငယ်ကြောင့် ကိုယ့်တန်ဖိုးကိုသံသယဝင်တတ်သောစိတ်ကို သတ်လိုက်ပါ။ တချို့တော့ဘဝ၏ဒဏ်ရာများသည် ကျွန်တော်တို့၏ ကလေးဆန်မှုနဲ့ရင့်ကျက်မှုမရှိသော ပုံစံကို သတ်ပစ်ရန်အထောက်အပံ့ပေးနေသည်။ အမြဲနောက်ကျသောနောင်တများနှင့် အမြဲမစရသေးသောအိပ်မက်များကို ရင်ဘတ်ထဲတွင်မွေးထားသောလူကို သတ်လိုက်ပါ။ ဘာကြောင့်ဆိုသော် သစ်ပင်တစ်ပင်သည် ရွက်ဟောင်းများကိုမစွန့်လွှတ်လျှင် ရွက်သစ်များမပေါက်နိုင်။ လူတစ်ယောက်သည်လည်း ကိုယ်ဟောင်းကိုမသင်္ချိုင်းပို့လျှင် ကိုယ်သစ်ဖြစ်မလာနိုင်။ ရင့်ကျက်ခြင်းဆိုသည်မှာ အသက်အရွယ်တိုးလာခြင်းမဟုတ်ပေ။ နာကျင်မှုများကို မုန်းတီးခြင်းမရှိဘဲနားလည်လာခြင်းဖြစ်သည်။ မရနိုင်သေးသောအရာများကြောင့် လောကကိုမုန်းမည့်အစား ရနိုင်မည့်ကိုယ့်ကိုယ်ကိုတည်ဆောက်လာခြင်းဖြစ်သည်။ ထို့ကြောင့်… သင်ပင်ပန်းနေပါက လဲကျပါ။ သို့သော် အားငယ်သောစိတ်ထဲတွင် အိမ်မဆောက်ပါနှင့်။ သင်နာကျင်နေပါက ငိုပါ။ သို့သော် မိမိကိုယ်ကိုသနားခြင်း၌ ဘဝမမြှုပ်နှံပါနှင့်။ ပြီးလျှင်… တိတ်တိတ်လေးကိုယ့်ထဲက အားနည်းသောလူကိုသင်္ချိုင်းပို့လိုက်ပါ။ ပိုမိုကောင်းမွန်တဲ့ပုံစံနဲ့ပြန်လည်ရှင်သန်ပါ။ အကြောင်းမှာတစ်ခါတစ်ရံ လူတစ်ယောက်အတွက်လိုအပ်သောအရာမှာ ဘဝအသစ်တစ်ခုမဟုတ်။ သေဆုံးသင့်သော ကိုယ်ဟောင်းတစ်ယောက်သာဖြစ်သည်။

Kristof

ဒေစီပန်းနှင့် အချစ်၏ ဆက်စပ်မှု

ပန်းများသည် လူသားတို့၏ ခံစားချက်များကို ဖော်ပြရာတွင် အရေးပါသော အခန်းကဏ္ဍတစ်ခုကို ထမ်းဆောင်ခဲ့ကြသည်။ ထိုပန်းများအနက် ဒေစီပန်းသည် ရိုးရှင်းလှပသော အသွင်အပြင်နှင့် နူးညံ့သော အဓိပ္ပာယ်များကြောင့် အချစ်နှင့် နက်ရှိုင်းစွာ ဆက်စပ်နေသော ပန်းတစ်မျိုးဖြစ်သည်။

ဒေစီပန်း၏ အဖြူရောင်ပွင့်ဖတ်များနှင့် အဝါရောင်အလယ်ဗဟိုသည် သန့်ရှင်းစင်ကြယ်သော နှလုံးသားကို ကိုယ်စားပြုသည်ဟု ယုံကြည်ကြသည်။ ထို့ကြောင့် ဒေစီပန်းကို ပထမဆုံးသော အချစ်၊ အပြစ်ကင်းစင်သော ချစ်ခြင်းမေတ္တာနှင့် စစ်မှန်သော သစ္စာတရားတို့၏ သင်္ကေတအဖြစ် မြင်တွေ့ရသည်။

အနောက်တိုင်း ယဉ်ကျေးမှုများတွင် ဒေစီပန်းကို ကိုင်ဆောင်ပြီး ပွင့်ဖတ်များကို တစ်ဖတ်ချင်း ခွာရင်း “သူချစ်တယ်၊ မချစ်ဘူး” ဟု ရေရွတ်ကစားသည့် အလေ့အထရှိသည်။ ဤဓလေ့သည် ဒေစီပန်းကို အချစ်နှင့် ပိုမိုဆက်စပ်စေခဲ့ပြီး လူငယ်များ၏ ရင်ခုန်သံများကို ကိုယ်စားပြုလာစေခဲ့သည်။

ဒေစီပန်း၏ အလှတရားသည် အခြားသော ပန်းများကဲ့သို့ ထူးထူးခြားခြား ခမ်းနားခြင်းမရှိသော်လည်း ၎င်း၏ ရိုးရှင်းမှုထဲတွင် အဓိပ္ပာယ်ရှိသော အလှတရားကို တွေ့မြင်နိုင်သည်။ ထိုကဲ့သို့ပင် စစ်မှန်သော အချစ်သည်လည်း အပြင်ပန်းဆန်သော ခမ်းနားမှုများထက် နားလည်မှု၊ ယုံကြည်မှုနှင့် သစ္စာရှိမှုတို့ပေါ်တွင် အခြေခံထားသည်။ ထို့ကြောင့် ဒေစီပန်းသည် စစ်မှန်သော အချစ်၏ ပုံရိပ်တစ်ခုအဖြစ် သတ်မှတ်ခံရသည်။

ထို့အပြင် ဒေစီပန်းသည် အသစ်သောအစပြုခြင်းနှင့် မျှော်လင့်ချက်ကိုလည်း ကိုယ်စားပြုသည်။ အချစ်ရေးတွင် အခက်အခဲများ ကြုံတွေ့ရသည့်အခါ ဒေစီပန်းသည် ပိုမိုကောင်းမွန်သော အနာဂတ်နှင့် ပြန်လည်ပွင့်လန်းနိုင်မည့် ချစ်ခြင်းမေတ္တာကို သတိပေးနေသကဲ့သို့ ဖြစ်သည်။

ဒေစီပန်းကလေး၏အဓိပ္ပာယ်သည် ရင်ထဲမှ သိုဝှက်စွာ ထားရှိသောအချစ်ကိုဖော်ကြူးသကဲ့သို့ရှိပြီး"ငါမင်းကိုချစ်တယ်၊ဒါပေမယ့် ဘယ်တော့မှ ဖွင့်ပြောမှာမဟုတ်ဘူး" ဟုအဓိပ္ပာယ်ရှိသည်။ ဒေစီပန်းသည် ရယူလိုခြင်းကိုဆန့်ကျင်သော အချစ်၏ယူဆချက်များအား ပေါ်လွင်စေပြီး မျှော်လင့်ခြင်းနဲ့ တန်ဖိုးထားခြင်း၊ လေးနက်ခြင်းများကို ကိုယ်စားပြုသည်။

အချုပ်အားဖြင့် ဆိုရသော် ဒေစီပန်းသည် ရိုးရှင်းသော ပန်းတစ်ပွင့်သာမက စစ်မှန်သော ချစ်ခြင်းမေတ္တာ၊ သန့်ရှင်းသော ခံစားချက်များနှင့် မျှော်လင့်ချက်များကို ကိုယ်စားပြုသော သင်္ကေတတစ်ခုဖြစ်သည်။ ထို့ကြောင့် ဒေစီပန်းနှင့် အချစ်သည် စာပေ၊ အနုပညာနှင့် လူတို့၏ နှလုံးသားများထဲတွင် အမြဲတမ်း တွဲဖက်တည်ရှိနေမည်ဖြစ်သည်။

-Kristof

နီရှေးကဘုရားသခ‌င်သေပြီလို့ပြောတော့
ငါကမင်းဓာတ်ပုံလေးထုတ်ပြပြီး
ငြင်းချက်ထုတ်လိုက်တယ်

လူတိုင်းမှာ
ကိုယ်ပိုင်ဘုရားသခင်တော့ရှိသင့်တယ်။

- မောင်ဆောင်းခ

ငါကျူးလွန်မိတဲ့ကံတစ်ပါးဟာမင်းပဲ
-မယ်ညို

• အချစ်ဆိုတာဘာလဲ ဘယ်လိုမျိုးလဲ …
• လူတစ်ယောက်ကို ဘယ်အချိန်မှာ ချစ်မိသွားနိုင်လဲ…
• ဘယ်လောက်ထိရော ချစ်နိုင်သလဲ…..

• ဆိုင်သူပိုင်သူတစ်ယောက်ကို သဘောကျမိကြတဲ့အခါ လူတွေအမြင်မှာ စည်းစိမ်ကိုမက်မောလို့ ဥစ္စာကို မက်မောလို့ ရုပ်ရည်ကိုမက်မောလို့ စသဖြင့် ပြောကြတယ် တစ်ကယ်တမ်း ချစ်ခြင်းမေတ္တာဟာ သိပ်ဆန်းကျယ်တယ်။

• ကိုယ်သဘောမကျတဲ့ပုံစံကြီးကိုမှ ကိုယ်သတိမထားမိတဲ့အချိန်မှာ ချစ်မိသွားတာမျိုးလေး….ဘာဆိုဘာမှ မလိုအပ်ပါပဲ ချစ်တာကလွဲရင် ဘာမှမသိတဲ့စွမ်းအားတွေကလဲ အချစ်မှာရှိတယ်။

• ဒီစာအုပ်လေးထဲမှာတော့ မေ ဆိုတဲ့အမျိုးသမီးငယ်ဟာ ဆိုင်သူရှိနေတဲ့ အစ်ကိုနဲ့မေတ္တာမျှခဲ့ပါတယ် ။ သူတို့နှစ်ဦးရဲ့ ချစ်ခြင်းမေတ္တာလွဲမှားတဲ့အချစ်ကြောင့် သူတို့ရဲ့ပူဆွေးမှုအဆုံးမှာ ကိုယ်ကျင့်တရားတွေကိုထိန်းပြီး သူတို့ဘာတွေကို ရွေးချယ်ခဲ့ကြလဲ …….ဘယ်လိုဖြတ်သန်းခဲ့ကြသလဲ…..

စာအုပ်ဖတ်ရန်
https://t.me/fromPonnyakhin1/1774

I broke the rules.

Sometimes, those rules felt like chains holding me down, keeping me from moving freely. When you live your life strictly by rules, you start to feel like a machineless joy, less freedom. “Don’t go there.” “Don’t do this.” Because of these constant restrictions, people end up stuck in a dull, repetitive cycle.

I used to be someone who followed the rules. I valued discipline, respected ethics, and never ignored my responsibilities. I lived that way to be a good person in society and to find happiness. But over time, I began to realize that those things didn’t actually make me happy.

So in the end, I chose to break the rules.

People don’t need to care about me. In fact, when they don’t, I feel even freer. That’s why I won’t regret breaking the rules anymore.