ရွက်ဝါကြွေသော‌ နွေတိုင်လျှင်
မမေ့နိုင်ဘဲလျက်က သတိမရရဲချင်သော
ဇာတ်လမ်းတခု ရင်၌ ရှိခဲ့သည်....


#သူငယ်ချင်းလို့ပဲဆက်၍ခေါ်မည်ခိုင်

ချစ်တော့.. ကြောက်သည်
ကြောက်တော့.. ပြေးရသည်

သာ၍ သာ၍ ဝေးရာဆီ..
ဪ...ပြေးရပါဦးမည်...

# သာ၍ဝေးရာဆီကိုပါ

လကို ချစ်သည်။ ကြယ်ကို ချစ်သည်။
ကောင်းကင်ကို ချစ်သည်။
မြေကြီးကို ချစ်သည်။
ရေပြင်ကို ချစ်သည်။

ချစ်ရတာတွေကအများကြီး။

မိမိ၏ ချစ်ခြင်းတွေအားလုံးက
ပိုင်ဆိုင်လိုခြင်းမဟုတ်။

#ကိုယ့်အလှဘဝငွေလမင်း

ဆရာ့ရဲ့ ရှားပါးစာအုပ်တချို့ပါ ♥️

"မရှိဘူး၊ ဘာမှမရှိဘူး၊
ကျုပ်တစ်ယောက်တည်း၊

ဒါပေမဲ့ ဒါကိုလည်း
ဝမ်းမနည်းတော့ပါဘူး"

#စွန့်ခွာရသည့်နွေညများ

ကုမုဒြာကြာဖြူပါ
သူက ပိတောက်လို
လေရူးခြွေလို့ မကြွေပါဘူး
ငါ့ရင်ထဲ လရောင်က
အမြဲလင်းနေတော့ သူအမြဲပွင့်နေတယ်

#လေရူးသည်စာမတတ်ပါ

သံယောဇဥ်ဆို
ဘယ်သံယောဇဥ်မှ မကောင်းဘူး

သံယောဇဥ် မရှိသေးသူများ
မရှိတဲ့အတိုင်းပဲနေကြစေချင်တယ်
ရှိကြလို့ ရှိရင်လည်း
သံယောဇဥ်ကြိုးကို မရှည်ခင်
တိုတိုဖြတ်တာကောင်းတယ်

မုန်းစကိုတိုစေ၊ချစ်စကိုရှည်စေလို့
ဆိုရိုးစကားရှိတယ်
တခါတလေ ကျွန်တော်တွေးမိတယ်
ချစ်စကို တိုနိုင်ရင်
လူတွေဟာ ဒီထက်
ကံကောင်းကြမလားမသိဘူး

#မောင့်ဘဝညအလားကွယ်

မျက်နှာလေးသည် တချက်မြင်ရုံနှင့်
ငေး၍ကြည့်ရလောက်အောင်မူ မလှ

သို့ရာတွင် တခါမြင်ပြီးနောက်
နှစ်ခါသုံးခါလောက် ပြန်ကြည့်မိအောင်
ဆွဲဆောင်မှုရှိသည်

#ညနက်နက်မှာလထွက်ခြင်း

ချစ်ပြီးလေပြီမို့ ချစ်ခွင့်ကိုတော့
တောင်းရန်မလိုပါ ခိုင် ...

ချစ်ဆုကိုသာ ကိုယ့်မှာတောင်းရလေတယ်....

သခင်ပျောင်းပျညွှတ်ကောင်းလှလို့
ကြောင့်ကြရင်းကမျှော်လင့်မိတယ်ခိုင်

#သူငယ်ချင်းလို့ပဲဆက်၍ခေါ်မည်ခိုင်

ချစ်လာတော့ ပိုင်ဆိုင်ချင်တယ်တဲ့

ကျွန်တော် မငြင်းပါဘူး မမဝေ
ငွေလမင်းကြီးကို ကျွန်တော်ပိုင်ဆိုင်ချင်တာပေါ့

#ပိတောက်ပွင့်ဆဲလသာဆဲဝယ်

လူဆိုတာဟာ ခံစားတတ်တဲ့သတ္တဝါပဲ

ရယ်စရာရှိရင် ရယ်မယ်
ငိုစရာရှိရင် ငိုမယ်

ငိုစရာရှိရက်နဲ့ ငိုခွင့်မရှိတဲ့လူတွေလည်း
ဒီလောကမှာရှိတယ်
ဥပမာ ကျွန်တော်တို့လို
ယောကျ်ားတွေပေါ့
ကျွန်တော်တို့မှာ ငိုခွင့်ကသိပ်မရှိဘူး

#မေတ္တာများနဲ့စိန်ပန်းနီနီ

လိမ္မာတယ်ဆိုတာ အင်မတန်
ပျင်းစရာကောင်းတဲ့အလုပ်ပဲ မောင်။

လိမ္မာတယ်ဆိုတဲ့လူတွေကိုကြည့်ပြီး ခိုင်သနားမိတယ်။
သူတို့ဟာ လောကကြီးကို လိမ်နေကြတယ်။
လူလူချင်းလည်း လိမ်နေကြတယ်။

အဆိုးဆုံးကတော့ ကိုယ့်အသည်းနှလုံးကို
ကိုယ်ပြန်လိမ်နေကြတာပဲ။

အဲဒီလိုလိမ်ရင်းက သူတို့အသည်းနှလုံးဟာ
မာကြောလာတယ်။ လိမ္မာတယ်ဆိုတဲ့
အဓိပ္ပါယ်ဟာ ဒါပဲ ထင်ပါရဲ့....

#သူငယ်ချင်းလို့ပဲဆက်၍ခေါ်မည်ခိုင်

ခွဲခွာခြင်း ကို မလိုလားသည့်အတွက်
တွေ့ဆုံခြင်း ကို
ကျွန်ုပ်မနှစ်သက်တော့ပါ

#မိုးညအိပ်မက်မြူ

ကိုသက်ပန်တို့ဟာ သွေးလည်းမဆာပါဘူး
အသက်ကိုလည်း မလိုချင်ပါဘူး။

ကိုသက်ပန်တို့က စနစ်တစ်ခုကိုသာ တိုက်နေတာ၊
လူလူချင်း လူလိုမဆက်ဆံလိုတဲ့ စနစ်၊ တစ်စုမှာ သာဖို့ တစ်စုကို နာစေတဲ့စနစ်။ ဒါတွေကိုသာ
တိုက်နေတာ၊ ဖက်ဆစ်စနစ်၊ နယ်ချဲ့စနစ်မှ
မဟုတ်ဘူး။ ဒီအသွင်မျိူးဆောင်ရင်
ဘယ်စနစ်ကိုမဆို တိုက်ရမှာပါပဲ။

#မုန်းရစ်လေဦး

ဪ.. ခိုင်ပြောတာ ရယ်စရာကောင်းလို့ပါ
ငါ့မှာ အသည်းနှလုံးရှိပါတယ်
မောင်ညွှန့်ရယ် ....
တခုခြားနားတာက ငါဟာ
ဘယ်သူ့အသည်းနှလုံးကိုမှ မလိုချင်ဘူး
ငါ့အသည်းနှလုံးကိုလဲ
ဘယ်သူ့ကိုမှ မပေးချင်ဘူး
ငါထားနိုင်တာက မေတ္တာတရားသာပါ
မေတ္တာတရားဆိုတာဟာ အနိုင်ယူလေ့လဲ
မရှိဘူး အရှုံးပေးခြင်းလဲ မဟုတ်ဘူး
ဘာကြောင့်ဆိုတော့ မေတ္တာတရားဆိုတာဟာ
တောင့်တခြင်းမှ မဟုတ်ဘဲ ပြီးတော့ ...
နှိမ်ချခြင်းလဲ မဟုတ်ပေဘူး

#သူငယ်ချင်းလို့ပဲဆက်၍ခေါ်မည်ခိုင်

နွေရောက်လာတဲ့အချိန်မှာ
ရွက်ဝါကြွေတာကို
မောင်မကြောက်တော့ပါဘူး

အဲဒီ အခါကျမှ
မောင် အသဲနှလုံးနဲ့ မပြောပဲ
ဦးနှောက်နဲ့ စကားပြောရင်
မမနွယ် ခွင့်လွှတ်ရမယ်နော်...

#ကမ္ဘာကုန်ကျယ်သ‌ေရွ့ဝယ်

"ချစ်တယ်ဆိုတာ ဘာလဲ"

"အဘိဓမ္မာသဘောနဲ့ ပြောရရင်
ချစ်တယ်ဆိုတာ တဏှာသဘောပဲ"

"ဒါပေမဲ့ သောတာပန်မဟုတ်သေးတဲ့
လူတစ်ယောက်အနေနဲ့ ပြောရရင်
တဏှာဆိုတာဟာလည်း လူတိုင်း
ဝန်မခံရဲပေမဲ့ အင်မတန်လှပတဲ့
တပ်မက်ဖွယ်ရာတစ်ခုပဲ"

#တန်ခူးလေနှင့်လျော့တော့သည်

တန်ခူးလေ၌ ရွက်ဟောင်းကြွေ၍
ရွက်သစ်ဝေသည့်အသွင်
မေ့ကောင်းလေသော နှောင်းအတိတ်ဥပါဒါန်တို့
ကင်းစင်၍ မေတ္တာသစ်ကြိုင် လွင်လွင်နှင့်
မောင့်ရင်ခွင်ဆီ ပြန်လာလေမည့် အလှတပါးကို
နှစ်သစ်နှင့်အတူ
ကြိုပါလေသည် မောင့်သက် "ထား "

#တန်ခူးလေနှင့်လျော့တော့သည် 💜