တန်ခူးလေ၌ ရွက်ဟောင်းကြွေ၍
ရွက်သစ်ဝေသည့်အသွင်
မေ့ကောင်းလေသော နှောင်းအတိတ်ဥပါဒါန်တို့
ကင်းစင်၍ မေတ္တာသစ်ကြိုင် လွင်လွင်နှင့်
မောင့်ရင်ခွင်ဆီ ပြန်လာလေမည့် အလှတပါးကို
နှစ်သစ်နှင့်အတူ
ကြိုပါလေသည် မောင့်သက် "ထား "

#တန်ခူးလေနှင့်လျော့တော့သည် 💜

မောင်အခု ငိုနေပါတယ် ခိုင်
ဒါကို မောင် မညာတော့ပါဘူး
အစကတည်းက မောင်မငိုချင်ခဲ့ပါဘူး
ဘယ်သူ့ကိုမှလဲ မငိုစေချင်ခဲ့ပါဘူး
ဒါကို ခိုင်အသိဆုံးပါ
ချစ်ပါတယ် ခိုင်ရယ် ... ချစ်ပါတယ်
ခိုင့်ကို မောင် သိပ်ချစ်ပါတယ်
ဒါပေမဲ့ ငိုရတဲ့အချစ်မျိုးနဲ့ ချစ်ပါတယ်လို့
မောင်မပြောပါစေနဲ့တော့
မငိုရတဲ့ သူငယ်ချင်း အချစ်နဲ့ပဲ
ချစ်လိုက်ပါရစေ
သံသရာ အဆက်ဆက် ပြန်တွေ့တဲ့အထိ
ခိုင့်ကို သူငယ်ချင်း အဖြစ်နဲ့ဘဲ
မောင် ဆက်ချစ်ပါရစေ ....

#သူငယ်ချင်းလို့ပဲဆက်၍ခေါ်မည်ခိုင်💜

Channel ကို subscribeလုပ်ထားပေးကြပါအူံးဗျ 💜

"သည်ဘ၀တွင်
ကိုယ်ပင်လက်လျော့
နေရစ်ပေါ့ဟု
ပတ်ကျော့ခိုင်တုံး
အချစ်ထုံးလျှင်
လုံးလုံးမပြေ
ရှိပါစေလည်း
ဖြေရဖျောက်ရ
လွမ်းနောင်တနှင့်
ဘ၀ခွားသူ
တပြည်သူတို့
မြွက်ကြူမြခွန်း
နှောင်းချစ်ပန်းနှင့်
ပျံ့မွှန်းဆိုလျှက်
ကိုယ်နှုတ်ဆက်မည်
မှားချက်သည်တွင်ဆုံးပါတော့...။"
ဪ...ထားရယ်။သည်တွင်ဆုံးပါတော့။ဆုံးပါစေတော့...။

#တပြည်သူမရွှေထား💜

မင်းဟာသိပ်ကိုလှပါတယ် ဘာဘရာ
သိပ်ကိုလှပါတယ် ဒါပေမဲ့ မင်းနဲ့တွေ့ရလို့
ကိုယ့်ကိုကိုယ် ကံဆိုးတယ်လို့ မထင်မိပါဘူး
တကယ်လို့ ကံဆိုးမယ်ဆိုရင် ခုနက
ကိုစောနိုင် ပြောသလိုပဲ ဒီကံဆိုးခြင်းဟာ
နှစ်နှစ်ခြိုက်ခြိုက် လက်ခံချင်စရာကောင်းတဲ့
ကံဆိုးခြင်းတခု ဖြစ်မှာပါပဲ ...

#လွမ်းတေးမဆုံးစေနဲ့စောသခင်💜

မမှီသည့်ပန်းကို
တုံးခု၍လှမ်းသည်ဟု ဆိုရိုးရှိသည်
အမှန်မှာ မမဝေသည် ကျွန်တော့အတွက်
မမှီသည့်ပန်း မကပါ ။
မမှီသည့်ပန်းကို တုံးခု၍ လှမ်းလျှင်
မှီကောင်း မှီနိုင်မည်ဟု မျှော်လင့်နိုင်သေးသည်
မမဝေက ကျွန်တော့်အတွက်
သာမာန်မမှီသည့် ပန်း မဟုတ်
မြို့ဝန်မင်းထံ ခွင့်မပန်လျှင်
ရာဇဝတ်တော်ခံရမည်ဆိုသည့် ပန်းမျိုးပါ
ဪ ... ခွင့်ပန်တော့လည်း မတန်မရာပေမို့

#ပိတောက်ပွင့်ဆဲ လသာဆဲဝယ် 💜

နှလုံးသား .....။
နှလုံးသားကို နူးညံ့သည်ဟုဆိုကြသည်
ဟုတ်ကဲ့ ဆိုနိုင်ပါသည် ကျွန်တော့နှလုံးသား၏
အတွင်းဗဟိုသည်ပင်လျှင်
နူးညံ့နေသေးလေသည်ကို ကျွန်တော်သိသည်
သည်တော့ ... အင်း ... နှလုံးသားဟူသည်က
နူးညံ့လေသည်
သို့ရာတွင် ... ခက်ချည်ရသေး
ကျွန်တော့နှလုံးသား၏ အပေါ် ယံမှာတော့
အမာခွံ တခုက လွှာလွှာဝန်းပတ်
အုပ်လွှမ်းနေသည်

#မျက်ရည်လောကများ၏ဟိုမှာဘက်

ဘဝဟာ ညအလားဆိုတာ
ဘာကိုပြောတာလဲ မမမေ ...
ကျွန်တော်တော့ ညကိုချစ်တယ် ညမှာဆိုရင်
လရောင်ဟာ ဝင်းလက်ပြီး ကြယ်တွေက
လက်နေလေ့ရှိတယ် အဲ့ဒိကြယ်တွေလတွေကို
ကြည့်ရင်း နတ်သျှင်နောင်လို ကဗျာစပ်ချင်တယ်
တခုတော့ ရှိတယ် နတ်သျှင်နောင်လို
ဖွဲ့နွဲ့စရာ ကျွန်တော့မှာ သခင် မရှိဘူး

#မောင့်ဘဝညအလားကွယ်

မိန်းမသားဆိုဒါ... ကရုဏာကြီးမှန်း မောင်သိပါပြီ မမနွယ်၊ မှား တတ်သူက... မောင်တို့ ယောက်ျားတွေပါ...၊ အမှန်ကို ၀န်ခံရရင်... မမနွယ်ဖြူစင်သမျှ
မောင့်ရဲ့ အတွင်းစိတ်က မှားခဲ့မိတယ်၊
ဒီအမှားရဲ့ ဒဏ်ကိုလဲ.. ဘ၀တလျှောက် မောင်ခံရအုံးမှာဘဲ၊ ဒီဒဏ်ကို မောင်ကောင်းကောင်းခံယူပါ့မယ်၊ မိုးနတ်ဒေဝီကို မောင် တောင်းပန်ခဲ့သလို..
မမနွယ်ကိုလဲ မောင် တောင်းပန်ပါတယ်၊
ပြုပြုသမျှ... သမုသယက စခဲ့တဲ့... သမုဒယဆိုတဲ့ မောင်ရဲ့အမှားလို့... မောင့်ရဲ့ အမှားတွေပါဘဲ မမနွယ်...၊

#ကမ္ဘာကုန်ကျယ်သရွေ့ဝယ်