Saroylarda she’rlar o‘qib xalqimga,
O‘zimni ko‘rsatsam bo‘lardi yona.
Lek so‘nggi lahzada g‘amgin qalbimga,
Xoin bo‘lolmadim, kechiring ona!

Qo‘limdan tortqilar o‘ziga shuhrat,
Zayliga yurgizmoq istar zamona.
Shunda ham Allohga hamd bo‘lsin faqat!
Xoin bo‘lolmadim, kechiring ona!

Xayrulla Hamidov

***
Ertaga ayrimlar uchun og‘ir kun bo‘ladi...

👉 @TESTLIDER

“Milliy sertifikat” testlarining “murakkablashib” (aslida mantiqsizlashib) ketgani “vestgot-langobard” sud ishi bilan umuman bog‘liq emas edi. O‘sha paytda ko‘pchilik manipulyatsiya qurboni bo‘lgan edi.

Endi esa Xaqiqiy sabablar haqida xolis o‘ylab ko‘ring.

👉 @TESTLIDER

Komil Jalilov kim?

Komil Jalilov – O‘zbekistondagi testologiya bo‘yicha eng yirik uchta odamdan biri. Buyuk Britaniyada tahsil olgan, testologiya bo‘yicha ilmiy tadqiqotlar olib borgan va ushbu yo‘nalishda kitob ham yozgan. Baholash agentligida ham ishlagan.

Aynan shu soha vakili bo‘lgan mutaxassis bu holat haqida shunday fikr bildirmoqda:
“Bunday moslik ehtimoli amalda 0 ga teng”.

Endiyam ishonmayapsizmi?

Haliyam yosh bolasiz-e, Umidjon :)

👉 @TESTLIDER

Dushanba og‘ir keladi, deyishadi. Eng og‘ir kun dushanba ekan. Bugunmas ekan.

Mayli, kattalarni kutib turoramiz.

Xalq seshanbada biladi, menimcha.

👉 @TESTLIDER

Yangi guruhimizda darslar tez kunlarda boshlanadi. Qabul davom etmoqda! Attestatsiya + sertifikat.

@jalolboltayev_kurs

👉 @TESTLIDER

O‘quvchisini ukasidek ko‘rgan ustoz undan “qo‘shimcha” pul undirmaydi

Qarang, 2000 ta test tuzib, tizimli ishlaydigan odam “X-variant”dan mutlaqo manfaatdor bo‘lmaydi. Agar kimdir “so‘nggi kuni” natija qilish uchun qandaydir yashirin yo‘l bor deb hisoblasa, u o‘tirib har bir darslik bo‘yicha minglab test tuzib o‘tirmaydi.

“X-variant”dan kimlar manfaatdor bo‘lishi mumkin?
Odatda tizimli ishlashga sabri va mahorati yetmaydigan, test tuzishga qodir bo‘lmagan, asosiy maqsadi pul bo‘lganlar manfaatdor bo‘ladi.

Shuningdek, yana bir narsani o‘ylab ko‘ring: kimnidir 5–6 oy davomida o‘qitgan odam vaqt o‘tishi bilan o‘sha bolani yaxshi ko‘rib qoladi. Uni ukasidek, singlisidek ko‘rib qoladi. Men shaxsan abituriyentlarimga shunday qarayman. Ancha vaqt birga ishlab kelayotgan ustozlar bilan ham yaqin insonlardek bo‘lib ketamiz.

Shunday ekan, o‘ylab ko‘ring:
qanday qilib 5–6 oy birga ishlab, mehnat qilib kelgan bolalardan, ustozlardan imtihon arafasida birdaniga 1000 dollar so‘rash mumkin?

Bu nafaqat insofsizlik, balki repetitorlik etikasi va ustozlik mas’uliyatiga ham mutlaqo zid, deb o‘ylayman.

“Bo‘lsa-bo‘lsin – xalqqa bo‘lsin”.

👉 @TESTLIDER

Agar yanvarda ham “X-variant” bo‘lgan bo‘lsa, demak, o‘sha paytda B bo‘lib qolganlar aslida A yoki A+ olishga haqli edi.

👉 @TESTLIDER

Aprel oyidagi imtihonlarda tohiriylar va g‘aznaviylar sulolalarining so‘nggi vakillari so‘ralgan yozma test tushgan edi. Bir obunachimiz “milliardlab ma’lumotlar ichidan qanday qilib bildingiz bu savollar tushishini, sizdayam “X” bo‘lgan” degan mazmunda yozyapti...

Tohiriylar sulolasining so‘nggi vakili – Muhammad ibn Tohir, g‘aznaviylar sulolasining so‘nggi vakili esa – Xusrav Malik. Ushbu ma’lumotlar darsliklarda berilmagan. Lekin qo‘llanmamda bor edi. Shubhali-a?

Lekin ushbu testning muallifi shaxsan o‘zimman. 52 ta sulolaning birinchi va oxirgi hukmdorlarini yig‘ib chiqqanman. Bu boshqa narsa. Dabdurustdan, imtihondan bir kun oldin 1000 dollar so‘rash va 50 tadan 33 tasi to‘g‘ri kelishi boshqa narsa.

O‘sha ish bilan shug‘ullanayotgan bo‘lishi mumkin deb gumon qilinayotgan shaxslardan biri Husanboyga shunday degan ekan: “Sizlarning o‘zingiz tuzgan savollar haqiqatan ham ‘x’da bor bo‘ladi, hayron qolaman...”.

👉 @TESTLIDER

99 % ehtimol bilan natija bekor qilinmaydi… Bu kurash kelajak uchun!

Natijalar bekor qilinishi ehtimoli juda past. Har qanday tashkilot o‘z obro‘siga zarar yetishini istamaydi, yopiqlik qozon yopiqligicha qolishini xohlaydi. Shunday ekan, biz nima uchun kurashyapmiz?
Oldimizda yozgi kirish imtihonlari, kuzda yana “Milliy sertifikat” imtihonlari bor. Bu imtihonlarning barchasini yana o‘sha tashkilot – BMBA o‘tkazadi. U imtihonlar shaffof va adolatli o‘tishi shart!

Audioyozuvni kim o‘qigani, kim 1000 dollar olgani – bu ikkinchi darajali masalalar. Biz “tashqaridagi” alohida shaxslar bilan kurashmayapmiz. Bu shaxsan menga qiziq ham emas. ICHKARI toza bo‘lsin.

BMBAda men hurmat qiladigan, juda ilmli va vijdonli insonlar ko‘p. Lekin xalqimizda bir maqol bor: guruch ko‘rmaksiz bo‘lmaydi.

BMBA ham 33 ta savol tushganini tan oldi. Ammo vaziyatdan chiqish uchun bu holatni 400 tadan 33 deb ko‘rsatib, uni 8 ga bo‘lib talqin qilishga urindi. Aslida 50 tadan 33 ta va bu imkonsiz. Buni BMBAdagilar ham juda yaxshi biladi aslida.

Xullas, nima demoqchiman: hech kimning tutilishini, qamalishini istamaymiz. Arzimagan 100–200 $ pul deb, o‘rtadagi oddiy o‘qituvchi “firibgar” nomi bilan qolib ketishini ham istamaymiz. Va bu imkonsiz ham. Chunki ayni damda “kimdirlar” tutilsa, qozon ochilib ketadi.

Fransiyadagi “Jakeriya” qo‘zg‘oloni yodingizdami? O‘sha davrda fransuz amaldorlari oddiy xalqqa jabr-zulmni haddan oshirib yuborgan edi. Shunda Gilom Kal degan mard inson mulkdorlarga qarshi qo‘zg‘olon ko‘tardi. To‘g‘ri, qo‘zg‘olon mag‘lub bo‘ldi. Lekin undan keyin amaldorlar to‘g‘ri xulosa chiqardi. Ular dehqonlarga nisbatan siyosatini o‘zgartirishga majbur bo‘ldi. Ya’ni qo‘zg‘olon yutqazgan bo‘lsa ham tizim o‘zgardi.

Shaxslar muhim emas. Audioni kim o‘qigani ham muhim emas. Muhimi – tizim qanday xulosa qiladi? Kuzgi “Milliy sertifikat” imtihonlarida hamma narsa shaffof o‘tishi ehtimoli, Xudo xohlasa, 99 %. Bu bo‘yicha ayni damdayam ayrim «yuqori toifadagi shaxslar» shaxsan xulosa qilib bo‘lganiga shaxsan o‘zim guvoh bo‘lib turibman.

Kurash – kelajakdagi imtihonlarning adolatli o‘tishi uchun!

👉 @TESTLIDER