Repetitorlardan biri yozibdi. Ha, haqiqatan bunday qing‘irliklar natijalarga juda salbiy ta’sir o‘tkazadi (albatta, haqiqiy o‘qib, halol mehnat qilganlarnikiga).

👉 @TESTLIDER

5-mayda yangi guruhimga start beriladi. Halol mehnat qilib, natija qilaman, deganlarga kursim ochiq.

Har darslikni “Forms testlar”, “Kundalik-optimal”lar, “Quiz testlar” bilan puxta va tizimli o‘rganamiz. Xudo xohlasa, bu galgi kurs har qachongidanam ko‘ra tizimliroq va sifatliroq bo‘ladi. Jiddiy kirishganman.

Murojaat uchun: @jalolboltayev_kurs

👉 @TESTLIDER

“Yolg‘on devori” ustiga har qo‘yilgan g‘isht – kutilmagan dalil qulatib yuborishi mumkin bo‘lgan xavfdir. Yangi yolg‘onlar... Oxir-oqibat esa devorning o‘zi qulaydi.

👉 @TESTLIDER

RASMIY MUNOSABAT

Ijtimoiy tarmoqlarda aprel oyining boshida o‘tkazilgan tarix fanidan milliy sertifikat imtihonining savollari oldindan tarqalgani va sotilgani haqida fikrlar tarqalmoqda.

Unda test topshiriqlari va ularning javoblari Telegramdagi yopiq guruhda audiochat orqali o‘qib eshittirilgani va ularning aksariyati imtihonda tushgani aytilgan.

Ushbu audiofayllar Agentlikda mavjud bo‘lib, audiofayllar va internetda tarqatilayotgan ma’lumotlar Agentlik tomonidan o‘rganib chiqildi va quyidagilar ma’lum qilinadi:

1. Agentlikda test topshiriqlari maxsus rejimdagi binoda shakllantiriladi va ularning maxfiyligini ta’minlash bo‘yicha tegishli choralar ko‘rilgan.

2. Tarix fanidan milliy sertifikat imtihonlari 2026-yil 4-aprel (3 smena), 5-aprel (3 smena) va 7-aprel (2 smena) kunlari jami 8 ta smenada o‘tkazilgan. Bunda talabgorlarga har bir smenada 55 tadan test topshirig‘i berilgan. Ushbu imtihonda jami 400 tadan ortiq test topshirig‘idan foydalanilgan.

Audiochatda o‘qilgani aytilgan test topshiriqlari aprel oyida o‘tkazilgan imtihonlarda foydalanilgan 400 dan ortiq test topshiriqlari bilan solishtirilganda, ularning 33 tasi mazmunan o‘xshash ekani aniqlandi (so‘zma-so‘z bir xil emas). Ular turli smenalarga yoyilgan bo‘lib, bitta smenaga eng ko‘pi bilan 6 ta test topshirig‘i to‘g‘ri kelmoqda (1 ta smenada 55 ta test topshirig‘i ishlatiladi).

3. Hozirda ushbu imtihonning natijalarini xalqaro metodika – Rash modeli asosida hisoblash hamda imtihon natijalarining klassik va zamonaviy test nazariyalari bo‘yicha statistik tahlili amalga oshirilmoqda. Ushbu jarayon 6-may kuni yakunlanadi va test natijalari e’lon qilinadi. Shundan so‘ng imtihon natijalarining statistik tahlilidan kelib chiqib, qo‘shimcha ma’lumot beriladi.

✅ Agentlikning rasmiy sahifalari:
Telegram | Facebook | Instagram | YouTube

Haqiqat deb kurash, mayli, muhim emas yengishing,
Muhim mardlar qatorida haq deb otga minishing.

👉 @TESTLIDER

Qaranglar, shu paytgacha bo‘lgan “Milliy sertifikat” imtihonlarida kurslar ichida ENG YUQORI natijalar kurslarimda qayd etilgan (ISBOT), eng yuqori natija ko‘rsatganlarga noutbuk ham beriladi.

Men natija uchun “X-variant”ga muhtojmasman. “Kundalik-optimal”larim bor, o‘ziga xos metodikam bor, tizimim bor. Shuningdek, Allohning inoyati va o‘quvchilarimning mehnati bilan rekordni urib kelyapmiz doim.

Biroq o‘quvchilarimning natijasi yaxshi bo‘lsin-yomon bo‘lsin, X-variant hech qachon chiqmasligi kerak.

Ayrimlar biz halol yo‘l bilan qilayotgan natijalarimizni qing‘ir yo‘llar orqali ham qilolmaydi, kerak bo‘lsa.

👉 @TESTLIDER

Og‘riq qoldiruvchi ukol kasallikni davolamaydi

Bir do‘stimiz shunday fikr bildirdi: “Ommani tinchlantirish uchun natijalarni sun’iy ravishda ko‘tarib qo‘ymaydimi? Odamlar sertifikat olsa, keyin hammasini unutib yuboradi, deb o‘ylashmayaptimi?” Balki... Gondurasda hamma narsa bo‘lishi mumkin.

Lekin bir narsani tushunish kerak: bu yerda gap shaxslar haqida emas. Tug‘ishgan ukam A+ oladimi, ammamning qizi A oladimi – bu qiziq emas.

Asosiy savol boshqacha: qanday qilib 50 ta savoldan 33 tasi aynan to‘g‘ri kelishi mumkin?
Va undan ham muhimroq savol: bunday holatlar keyinchalik takrorlanmasligiga qanday kafolat bor? Keyin ham davom etaversa-chi? Axir imtihon bir martalik jarayon emas. Oldimizda yozgi kirish imtihonlari bor, kuzgi sertifikat imtihonlari bor. Bugungi savollar javobsiz qolsa, ertaga yana shu savollar qaytib kelishi va yana o‘zimiz bilan o‘zimiz ovunib o‘tirishimiz mumkin.

Bir marta og‘riq qoldiruvchi ukol qilish bilan kasallik yo‘qolib ketmaydi. Og‘riq vaqtincha bosilishi mumkin, ammo sabab bartaraf etilmasa, kasallik yana qaytadi.

👉 @TESTLIDER

Saroylarda she’rlar o‘qib xalqimga,
O‘zimni ko‘rsatsam bo‘lardi yona.
Lek so‘nggi lahzada g‘amgin qalbimga,
Xoin bo‘lolmadim, kechiring ona!

Qo‘limdan tortqilar o‘ziga shuhrat,
Zayliga yurgizmoq istar zamona.
Shunda ham Allohga hamd bo‘lsin faqat!
Xoin bo‘lolmadim, kechiring ona!

Xayrulla Hamidov

***
Ertaga ayrimlar uchun og‘ir kun bo‘ladi...

👉 @TESTLIDER