50 tadan 33 ta savol tushgan

Birinchidan, 50 ta savol tahririyat qo‘lida mavjud audioyozuvlarda tonggi soat 4:00 dan boshlab o‘qib eshittirilgani qayd etilgan. Balki ushbu 50 ta savoldan tashqari yana boshqa savollar ham aytilgan bo‘lishi ehtimoldan xoli emas. Tonggi soat 4:00 da savollar o‘qila boshlaganining o‘ziyoq jiddiy shubha uyg‘otadi. Buning ustiga, audioyozuvlarga ko‘ra, ushbu yopiq guruhga kirish narxi 1000 AQSH dollari bo‘lgan. Oddiy taxmin yoki umumiy tayyorgarlik uchun hech kim bunday mablag‘ to‘lamaydi.

Ikkinchidan, ayrim sodda odamlar bu savollar faqatgina 4-aprel kuni emas, balki, asosan, 4, 5-aprel kunlari tushganini aytib, bu holatni “tabiiy” deb o‘ylashmoqda. Ammo bu mohiyatni umuman o‘zgartirmaydi (ha, savollarning 31 tasi 4, 5-aprel kunlari tushgan).

Keling, oddiy misol bilan tushuntiraman: siz va men bir-birimizdan mutlaqo mustaqil holda tarix fanidan 50 tadan savol tuzamiz. So‘ng imtihon 1 kunda emas, 3 kunda o‘tkaziladi deb tasavvur qilamiz. Endi savol: shu ikki mustaqil ro‘yxatdan 33 ta savol aynan bir xil chiqishi mumkinmi? Xohlasangiz, sinab ko‘ramiz?

Imtihonning 1 kun, 2 kun yoki 3 kun bo‘lib o‘tgani bu yerda ahamiyatga ega emas. Muhim jihat – ikkita mustaqil odam tuzgan 50 ta savol ichida 33 tasining aynan bir xil chiqishi.

Uchinchidan, savollarning 4, 5-aprel kunlari tushgani bu holatni oqlamaydi. Aksincha, oldindan bir necha kunlik savollar bazasi mavjud bo‘lganligidan dalolat berishi mumkin.

👉 @TESTLIDER

E’tibor shaxsga emas, tizimga qaratilishi kerak

Bir narsani to‘g‘ri tushunish kerak: bu yerda gap qaysidir shaxslar haqida ketmayapti. Gap – tizim haqida ketmoqda. Ayrimlar “audioni kim o‘qigan?”, “audiofayllarni ham eshitaylik” degan savollarni ko‘tarmoqda. Huquqda prezumziya degan tushuncha bor – dalillar avvalo tegishli tartibda vakolatli idoralarga taqdim etiladi va ular tomonidan o‘rganiladi. Audiofayllar ham aynan shu tartibda tegishli idoralarga berilgan.

Umuman olganda, bu masalada kim o‘qigani yoki kimning ovozi ekani asosiy masala emas. Asosiy savol: qanday qilib 50 ta savoldan 33 tasi aynan imtihonlarda tushib qoldi?

Yoshi katta ustozlardan ko‘p eshitganman: ba’zan o‘rtada arzimas foyda orttiraman deb, kichik odamlar “firibgar” nomini olib qoladi. Aslida esa eng katta foydani ko‘rganlar ko‘pincha javobgarlikdan chetda qolib ketadi.

Umuman olganda, masala “katta baliq”da ham, “kichik baliq”da ham emas. Imtihonlar har jihatdan adolatli o‘tsin – maqsad shu!

Balki, bu gal hammasi “bosdi-bosdi” bo‘lib ketar. Biroq, hech bo‘lmasa, jamoatchilik nazoratini his qilishadi, keyingi gal shaffof bo‘ladi.

👉 @TESTLIDER

Ona tilichi repetitor Davron Akbar bu borada 2 ta juda kuchli post yozibdi, o‘qib ko‘ring:
1. https://t.me/RenessansStudy/7465
2. https://t.me/RenessansStudy/7467

Qaytgunimcha, aqlli qiz, aqlli bola bo‘lib o‘tirib turinglar, bir joyga ketyapman.

👉 @TESTLIDER

Provokatsiya nima degani? Aytaylik, qaysidir qing‘irlikni aniqlagan odamga nisbatan qilinadigan bosim. Uni obro‘sizlantirishga harakat qilish, yomonlash, ataylab vaziyatni boshqacha talqin qilib, uni yomon ko‘rsatish va hokozo.

Men buni tushunaman.

***

Allohga qasamki, “x-variant” chiqishidan manfaatdor emasman. Maqsadim shu, xolos.

👉 @TESTLIDER

Repetitorlardan biri yozibdi. Ha, haqiqatan bunday qing‘irliklar natijalarga juda salbiy ta’sir o‘tkazadi (albatta, haqiqiy o‘qib, halol mehnat qilganlarnikiga).

👉 @TESTLIDER

5-mayda yangi guruhimga start beriladi. Halol mehnat qilib, natija qilaman, deganlarga kursim ochiq.

Har darslikni “Forms testlar”, “Kundalik-optimal”lar, “Quiz testlar” bilan puxta va tizimli o‘rganamiz. Xudo xohlasa, bu galgi kurs har qachongidanam ko‘ra tizimliroq va sifatliroq bo‘ladi. Jiddiy kirishganman.

Murojaat uchun: @jalolboltayev_kurs

👉 @TESTLIDER

“Yolg‘on devori” ustiga har qo‘yilgan g‘isht – kutilmagan dalil qulatib yuborishi mumkin bo‘lgan xavfdir. Yangi yolg‘onlar... Oxir-oqibat esa devorning o‘zi qulaydi.

👉 @TESTLIDER

RASMIY MUNOSABAT

Ijtimoiy tarmoqlarda aprel oyining boshida o‘tkazilgan tarix fanidan milliy sertifikat imtihonining savollari oldindan tarqalgani va sotilgani haqida fikrlar tarqalmoqda.

Unda test topshiriqlari va ularning javoblari Telegramdagi yopiq guruhda audiochat orqali o‘qib eshittirilgani va ularning aksariyati imtihonda tushgani aytilgan.

Ushbu audiofayllar Agentlikda mavjud bo‘lib, audiofayllar va internetda tarqatilayotgan ma’lumotlar Agentlik tomonidan o‘rganib chiqildi va quyidagilar ma’lum qilinadi:

1. Agentlikda test topshiriqlari maxsus rejimdagi binoda shakllantiriladi va ularning maxfiyligini ta’minlash bo‘yicha tegishli choralar ko‘rilgan.

2. Tarix fanidan milliy sertifikat imtihonlari 2026-yil 4-aprel (3 smena), 5-aprel (3 smena) va 7-aprel (2 smena) kunlari jami 8 ta smenada o‘tkazilgan. Bunda talabgorlarga har bir smenada 55 tadan test topshirig‘i berilgan. Ushbu imtihonda jami 400 tadan ortiq test topshirig‘idan foydalanilgan.

Audiochatda o‘qilgani aytilgan test topshiriqlari aprel oyida o‘tkazilgan imtihonlarda foydalanilgan 400 dan ortiq test topshiriqlari bilan solishtirilganda, ularning 33 tasi mazmunan o‘xshash ekani aniqlandi (so‘zma-so‘z bir xil emas). Ular turli smenalarga yoyilgan bo‘lib, bitta smenaga eng ko‘pi bilan 6 ta test topshirig‘i to‘g‘ri kelmoqda (1 ta smenada 55 ta test topshirig‘i ishlatiladi).

3. Hozirda ushbu imtihonning natijalarini xalqaro metodika – Rash modeli asosida hisoblash hamda imtihon natijalarining klassik va zamonaviy test nazariyalari bo‘yicha statistik tahlili amalga oshirilmoqda. Ushbu jarayon 6-may kuni yakunlanadi va test natijalari e’lon qilinadi. Shundan so‘ng imtihon natijalarining statistik tahlilidan kelib chiqib, qo‘shimcha ma’lumot beriladi.

✅ Agentlikning rasmiy sahifalari:
Telegram | Facebook | Instagram | YouTube

Haqiqat deb kurash, mayli, muhim emas yengishing,
Muhim mardlar qatorida haq deb otga minishing.

👉 @TESTLIDER