Ayrim insonlarni ilmli sifatida hurmat qilaman. Lekin hurmat – ko‘z yumish degani emas.

Ko‘z o‘ngimizda bo‘layotgan holatlarga sukut qilish – undan ham og‘irroq.

Tez orada bu masala kengroq ochiladi.

Gonduras xalqini larzaga keltiramiz. Tarafingizni belgilab oladigan vaqt keldi.

O‘zbekistonda hammasi tinch...

👉 @TESTLIDER

Milliy kurashimizda ikki atama bor ekan: “Halol” va “Xarom”. Agar kurashda nohaqlik bo‘lsa, odamlar “Xarom, xarom, xarom” deb 3 marta qichqirarkan.

Xarom, xarom, xarom.

👉 @TESTLIDER

«Kundalik-optimal» tizimi

“Kundalik-optimal” turkumidagi test to‘plamlari ustida qariyb 10 yildan beri ishlayapman. Bu to‘plamlar o‘quvchining bilimini bosqichma-bosqich mustahkamlash, ma’lumotni xotirada zich joylashtirish va eng muhimi, tushunib o‘zlashtirishga xizmat qiladi. Natijada o‘zlashtirish darajasi sezilarli darajada oshadi.

Ushbu to‘plamlardan faqat qog‘oz (bosma) kitob shaklda foydalana olasiz. Elektron varianti tarqatilmaydi. Bu nashriyot bilan tuzilgan shartnoma talabi. Men ham, nashriyot ham elektron tarqata olmaydi. Sotib olish uchun @spectrum_nashriyoti'ga murojaat qiling.

Tez orada 8-sinf darsliklari asosida tayyorlangan yangi “Kundalik-optimal”larim nashrdan chiqadi.

👉 @TESTLIDER

Har qanday imtihon tizimi bunday ishlaydi: agar qing‘ir yo‘llar orqali 500 nafar odam “natija” qilsa, demak, aynan shuncha halol mehnat qilgan 500 nafar odam o‘sha qing‘irlik evaziga o‘z natijasidan mahrum bo‘ladi.

👉 @TESTLIDER

“«Ichkarida» serialining yangi mavsumi bir qancha qismlardan iborat bo‘ladi, har bir yangi qism oldingisidan yanada qiziqarliroq, yanada shovqinliroq bo‘ladi”, – deyishmoqda turk kinoijodkorlari.

👉 @TESTLIDER

ChatGPT, Gemini, Claude kabi sun’iy intellektlardan “ehtimollar nazariyasiga ko‘ra, agar ikki nafar mutlaqo mustaqil shaxslar tarix faniga oid ma’lumotlar ichidan bir-biridan bexabar holda 50 tadan savol tuzsa, ularning 33 tasi aynan bir xil chiqishi ehtimoli qanchaga teng?” deb savol berib ko‘rdim.

Uchalasi ham mazmunan bir xil javob berishdi: “Bu holatda 50 tadan 33 tasining bir xil chiqish ehtimoli astronomik darajada kichik. Bu deyarli IMKONSIZ degani”.

👉 @TESTLIDER

50 tadan 33 ta savol tushgan

Birinchidan, 50 ta savol tahririyat qo‘lida mavjud audioyozuvlarda tonggi soat 4:00 dan boshlab o‘qib eshittirilgani qayd etilgan. Balki ushbu 50 ta savoldan tashqari yana boshqa savollar ham aytilgan bo‘lishi ehtimoldan xoli emas. Tonggi soat 4:00 da savollar o‘qila boshlaganining o‘ziyoq jiddiy shubha uyg‘otadi. Buning ustiga, audioyozuvlarga ko‘ra, ushbu yopiq guruhga kirish narxi 1000 AQSH dollari bo‘lgan. Oddiy taxmin yoki umumiy tayyorgarlik uchun hech kim bunday mablag‘ to‘lamaydi.

Ikkinchidan, ayrim sodda odamlar bu savollar faqatgina 4-aprel kuni emas, balki, asosan, 4, 5-aprel kunlari tushganini aytib, bu holatni “tabiiy” deb o‘ylashmoqda. Ammo bu mohiyatni umuman o‘zgartirmaydi (ha, savollarning 31 tasi 4, 5-aprel kunlari tushgan).

Keling, oddiy misol bilan tushuntiraman: siz va men bir-birimizdan mutlaqo mustaqil holda tarix fanidan 50 tadan savol tuzamiz. So‘ng imtihon 1 kunda emas, 3 kunda o‘tkaziladi deb tasavvur qilamiz. Endi savol: shu ikki mustaqil ro‘yxatdan 33 ta savol aynan bir xil chiqishi mumkinmi? Xohlasangiz, sinab ko‘ramiz?

Imtihonning 1 kun, 2 kun yoki 3 kun bo‘lib o‘tgani bu yerda ahamiyatga ega emas. Muhim jihat – ikkita mustaqil odam tuzgan 50 ta savol ichida 33 tasining aynan bir xil chiqishi.

Uchinchidan, savollarning 4, 5-aprel kunlari tushgani bu holatni oqlamaydi. Aksincha, oldindan bir necha kunlik savollar bazasi mavjud bo‘lganligidan dalolat berishi mumkin.

👉 @TESTLIDER

E’tibor shaxsga emas, tizimga qaratilishi kerak

Bir narsani to‘g‘ri tushunish kerak: bu yerda gap qaysidir shaxslar haqida ketmayapti. Gap – tizim haqida ketmoqda. Ayrimlar “audioni kim o‘qigan?”, “audiofayllarni ham eshitaylik” degan savollarni ko‘tarmoqda. Huquqda prezumziya degan tushuncha bor – dalillar avvalo tegishli tartibda vakolatli idoralarga taqdim etiladi va ular tomonidan o‘rganiladi. Audiofayllar ham aynan shu tartibda tegishli idoralarga berilgan.

Umuman olganda, bu masalada kim o‘qigani yoki kimning ovozi ekani asosiy masala emas. Asosiy savol: qanday qilib 50 ta savoldan 33 tasi aynan imtihonlarda tushib qoldi?

Yoshi katta ustozlardan ko‘p eshitganman: ba’zan o‘rtada arzimas foyda orttiraman deb, kichik odamlar “firibgar” nomini olib qoladi. Aslida esa eng katta foydani ko‘rganlar ko‘pincha javobgarlikdan chetda qolib ketadi.

Umuman olganda, masala “katta baliq”da ham, “kichik baliq”da ham emas. Imtihonlar har jihatdan adolatli o‘tsin – maqsad shu!

Balki, bu gal hammasi “bosdi-bosdi” bo‘lib ketar. Biroq, hech bo‘lmasa, jamoatchilik nazoratini his qilishadi, keyingi gal shaffof bo‘ladi.

👉 @TESTLIDER

Ona tilichi repetitor Davron Akbar bu borada 2 ta juda kuchli post yozibdi, o‘qib ko‘ring:
1. https://t.me/RenessansStudy/7465
2. https://t.me/RenessansStudy/7467

Qaytgunimcha, aqlli qiz, aqlli bola bo‘lib o‘tirib turinglar, bir joyga ketyapman.

👉 @TESTLIDER