Exo bilan eshitilmabdi. Qisqacha aytganda, men emas, onam ikkalamiz o‘qishga kirganmiz, onam tufayli shu natijaga erishdim, deyapti.

Mendayam shunday. Onam tufayli hamma narsa.

👉 @TESTLIDER

Attestatsiya imtihonlariga tayyorgarlik ko‘rishda yana bir xatolik bo‘ldi: aksar o‘qituvchilar “10 kunda natija qildiraman”, “1 oyda konktet natija”, “kitob o‘qimaysiz, qo‘llanma o‘qiysiz” degan havoyi gaplarga ALDANIB QOLISHDI.

Samarali natija qilishning eng ishonchli usullaridan biri tizimli ravishda, sifatli mavzulashtirilgan test ishlab tayyorgarlik ko‘rishdir.

👉 @TESTLIDER

“Vestgot” javobini belgilaganlarning barchasiga ball beriladi. Ammo ayrimlar menga yozib, ball berilmadi, deb aytishmoqda. Bunday holatlarning sababi shundaki, o‘sha savol aslida ularga tushmagan.

Masalan, Hamrayev Ergash 2025-yil 8-may kuni o‘tkazilgan imtihonda “vestgot” savoli tushganini, 70 % ustamani ololmaganini, bizni doimo qo‘llab-quvvatlashini bildirgan edi.

Keyinchalik aniqlanishicha, “Vestgot” savoli unga umuman tushmagan ekan. Shu sababli bu savol uchun ball qo‘shilmagan.

2025-yil 8-mayda juda ko‘plab o‘qituvchilar 70 % lik ustama ololmagan. Respublikadagi 60 % o‘qituvchi attestatsiyadan yiqilgan. Ochig‘i, aksariyat onlayn kurslar, jumladan, men ham tuzuk natija qilolmagan edim o‘shanda. Gap ustozlarda emas, savollarda edi.

Biroq undan keyingi imtihonlarda, xususan, so‘nggi attestatsiya imtihonida ham yaxshi natija qildik.

👉 @TESTLIDER

Barcha yosh repetitorlarga tavsiya: o‘quvchingiz (xoh o‘qituvchi, xoh o‘quvchi) yaxshi natija qilishi uchun sifatli qilib, mavzulashtirilgan test tuzing yoki shunday test ishlating (boshqaniki bo‘lsa ham, sifatlisini topib).

To‘g‘ri, har kitobdan 2000+ test tuzish qiyin. Biroq kimdir sizga ishondimi, qilishga majbursiz (yoki yuqorida aytganimdek, boshqa muallifniki bo‘lsa-da, sifatlisini topib, ishlattiring).

Men hozir huquqdan kurs o‘tmayman, chunki materialni yaxshi qilib olishim kerak. Hozircha faqat material ustida ishlayapman.

Ha, aytgancha, “sud tufayli murakkab bo‘ldi” degan gaplar 100 da 100 mantiqsiz.

Maqsad shaxsni qoralashga qaratilgan, bo‘lmasa, bunday ig‘voni tarqatayotganlar statistikaga qarardi: 2025-yil 8-mayda respublikadagi 60 % odam attestatsiyadan yiqilgan (manba). Shundan so‘ng kurashilgan.

Lekin ular butun umr shu gapni chaynab o‘tishadi, maqsad ma’lum.

👉 @TESTLIDER

“Master huquq” tarixchisi Shuhrat Yandashov bilan juda qizg‘in suhbatlar ketyaptiyey. 😁

Hozirgina jonajon shahrim – Urganchga qaytdim. Toshkent safari yakunlandi. Toshkentda bizni iliq kutib olgan, mehmon qilgan barcha do‘stlarimizga samimiy tashakkur aytaman!

Xudo xohlasa, Xorazmga yo‘lingiz tushsa, o‘zim kutib olaman, xorazmliklar ham mehmondo‘stligini amalda ko‘rsatamiz. 🙂

Aslida bugun ishga chiqmoqchi edim, lekin uy sog‘inchi ustun keldi. ) Bugun biroz dam olib, ertadan yana ishga qaytaman.

***

Urganchdan Toshkentgacha bo‘lgan 1100 km yo‘lni bosib o‘tganim bekor ketmaydi, deb umid qilaman!

👉 @TESTLIDER

Xoin bo‘lolmadim, kechiring ona

Yoshlikdan topdim men go‘zal tarbiyat,
Qoshimda qalbingiz erur parvona.
Afsus, qilolmadim tuzuk bir xizmat,
Xoin bo‘lolmadim, kechiring ona!

Saroylarda she’rlar o‘qib xalqimga,
O‘zimni ko‘rsatsam bo‘lardi yona.
Lek so‘nggi lahzada g‘amgin qalbimga,
Xoin bo‘lolmadim, kechiring ona!

Ko‘rdim ne hofizni g‘amgin kuylatgan,
Shoirlar shohlarga bo‘lmish hamxona.
Laycha it misoli dumin o‘ynatgan,
Xoin bo'lolmadim, kechiring ona!

Tentirab aynigan muhitda sassiz,
Sizga faqat tashvish berdim mardona.
Endi qasrlarda yashay olmassiz,
Xoin bo‘lolmadim, kechiring ona!

Munis qo‘lingizda gulmas, qadoqlar,
Mendan ko‘rganingiz faqat g‘amxona.
Men deya otamning sochida oqlar,
Xoin bo‘lolmadim, kechiring ona!

Boshqalar singari g‘ururlanmassiz,
Ehtimol, dardingiz to‘lmish haryona.
Bir kuling, do‘stlarim ichida yolg‘iz,
Xoin bo‘lolmadim, kechiring ona!

Qo‘limdan tortqilar o‘ziga shuhrat,
Zayliga yurgizmoq istar zamona.
Shunda ham Allohga hamd bo‘lsin faqat!
Xoin bo‘lolmadim, kechiring ona!

Yig‘lamang, siz mag‘rur dunyoga boqing,
Hech kim bilmas hali kimda tantana,
Quvnoq suratlarim barini yoqing!
Xoin bo‘lolmadim, kechiring ona!

Endi voz kecholmam, aslo bu hisdan,
Garchi dunyo erur bir mehmonxona.
Netay, shu ta’limni olganman sizdan,
Xoin bo‘lolmadim, kechiring ona!!!

Xayrulla Hamidov

👉 @TESTLIDER

Surxondaryoda direktor 2 mln so‘m pora olgani uchun 4 yilga qamalibdi. Buyoqda esa 1 kunda (aniqrog‘i, 1 kun ham emas, soat 4:00–8:00 oralig‘ida) 170 ming AQSH dollari ishlash imkoni bor )

Baxtga qarshi (yoki baxtlarigami, bilmadim) ayrim nufuzli shaxslarning bizning oldimizda hurmati bor.

👉 @TESTLIDER

Urganch innovatsion universitetiga ishga kirdim. Shu paytgacha o‘zim ish so‘rab qayergadir borib ko‘rmaganman. Bu safar ham shunday bo‘ldi. UrIUda ishlaydigan, meni universitetda o‘qitgan ustozlarimdan biri ishonch bildirib, chaqirtirdi. Qani, oliy ta’lim sohasida ham ishlab ko‘raylik-chi...

Lekin oldindan aytib qo‘yay, mening bitta aybim bor: ora-sirada faqatgina haqiqatni gapirib qo‘yaman, byurokratiyaga chidamayman :)

Demak, ayni damda o‘z ishlarimdan tashqari ikkita joyda ishlayapman: Data xalqaro maktabi va Urganch innovatsion universiteti.

👉 @TESTLIDER

🔥 Yangi guruhda darslarimiz 5-maydan boshlanadi.

Bu safar muhim bir jihatga aniqlik kiritaman: o‘zgarishlar asosan tizimlashtirish va boshqaruvda.
Material bazasi esa o‘zgarmaydi. Chunki u allaqachon sinovdan o‘tgan va natija berib kelmoqda.

Onlayn ta’lim bir nechta asosiy bo‘lakdan iborat: material, metodika, tizimlashtirish, nazorat va boshqaruv.
Shulardan aynan tizimlashtirish va boshqaruv qismi kuchaytirilmoqda.

Nimalar bor:
• “Kundalik-optimal” – yuqori sifatli mavzulashtirilgan testlar
• Forms testlar – murakkabroq testlar
• Quiz testlar – yuqori sifatda
• Chuqurlashtirilgan savol-javoblar

Nimalar o‘zgaradi:
– Ichki jarayonlarni tartibga solish
– O‘quvchi nazorati va natijalar monitoringi ancha tizimli bo‘ladi

Narx: 150 ming so‘m (1-oy)

Yana ayrim yangiliklar bor – tez orada aytiladi.

To‘lovni amalga oshirib, chekni @jalolboltayev_kurs'ga yuborasiz.

Ertaga Quyosh sharqdan chiqadi. 7 larda, jaa 7 larda bo‘lmasa, 8 larda. Aniq chiqadi. Meni aytdi deysizlar hali!

👉 @TESTLIDER

Do‘stlar, natijalar bugun-erta-indin chiqib qolar... Ko‘nglingizni to‘q qilib turing. Qachon chiqishidan qat’i nazar natija endi o‘zgarib qolmaydi.

Ja bunchalikka bormaslar axir endi, har holda imtihondan so‘ng natijani o‘zgartirib bo‘lmas...

👉 @TESTLIDER

O‘qituvchining vazifasi mavzudagi BARCHA MA’LUMOTNI “yetkazish”mi?

Bir guruhda «8-sinf “Jahon tarixi” darsligidagi hamma ma’lumotni 45 daqiqada o‘quvchiga yetkazib bo‘lmaydi» degan gap chiqdi.

Avval bu fikrga do‘stim Muhriddin vazmin tarzda argumentlar bilan javob berdi. Lekin unga “men 16 yillik o‘qituvchiman” degan gap bilan javob berib, oxiri bloklab qo‘yishdi. Holbuki, u hech kimni haqorat qilmagan, faqat aniq argumentlar bilan fikr bildirgan edi.

Keyin men ham aralashdim. Chunki bu yerda “norozilik” xato argument ustiga qurilgan: o‘qituvchining vazifasi – darslikdagi hamma ma’lumotni birma-bir yetkazish emas. Maktabdagi darsning maqsadi ham bu emas. Hech qayerda bunday talab yo‘q. Dars – o‘quvchiga asosiy narsani anglatish jarayoni.

Oxirida esa qiziq holat bo‘ldi: barcha yozganlarim o‘chirildi, faqat o‘zlariga ma’qul joylari qoldirildi. Bu esa ochiq muhokama emas, bir tomonlama yondashuv bo‘lib qoladi.

Eng og‘riqli joyi – biz tarixchilar, ya’ni fikr yuritishi kerak bo‘lgan odamlar, ba’zida fikrga yopiq bo‘lib qolyapmiz. Axir biz odamni emas, fikrni muhokama qilyotgan edik.

Ha, aytgancha, aynan ushbu darslik muallifi bilan tortishib yurgan odamman men. Jahon tarixi darsliklariga e’tirozlar yetarlicha. Biroq “o‘qituvchining vazifasi mavzudagi hamma ma’lumotni yetkazish” deb o‘ylash ham JUDA-JUDA KATTA XATO (boz ustiga “men 16 yillikman” degan “argument” bilan o‘zini e’tirof etayotgan o‘qituvchi shunday fikrlasa...). Biz shuni tushuntirayotgan edik ularga.

***

Shuningdek, darslik test tuzish uchun yozilmaydi.

👉 @tarixchi_qarashlari

Rasmiy ma’lumot: “Vestgot-langobard” savoli 1200+ o‘qituvchiga tushgan. 300+ o‘qituvchi “langobard” javobini, 900+ o‘qituvchi “vestgot” javobini belgilagan.

Oldin aytganimdek, bu savolda qaytangga mutlaq ko‘pchilik (75 %) “vestgot” javobini belgilagan.

900+ o‘qituvchi orasida oyligi, toifasi oshganlar bor, ishga qayta tiklanganlar ancha...

👉 @TESTLIDER