Chatda testda mendan kamroq ishlashi mumkin, lekin har jihatdan mendan kuchliroq o‘qituvchi, mendan kuchliroq tarixchi, mendan ko‘proq narsa biladi deb Muhriddin degan do‘stimni aytgan edim :)

Va, umuman olganda, 15 yillik o‘qituvchilar bor, ular testda masalan 70 ball olib chiqishi mumkin, biroq 86 ball olganlardan 10 baravar pedagogik qobiliyati yuqoriroq bo‘lishi mumkin.

👉 @TESTLIDER

... O‘tkan kunlarini yozgan o‘g‘lini
Bilmay otib qo‘yar Yunusobodda.

(c) Xayrulla Hamidov

👉 @TESTLIDER

FAQAT USTOZLAR GURUHI

Bir nechta ustozlardan alohida – faqat o‘qituvchilar uchun mo‘ljallangan guruh ochish taklifi kelib tushdi. Sababi – ayrim ustozlar o‘quvchilar bilan birga savol-javob qilinadigan muhitda o‘zini noqulay his qilar ekan.

Agar faqat o‘qituvchilardan iborat alohida guruh tashkil etilsa, qancha ustoz qo‘shilish istagini bildiradi?

Kamida 100 nafar aniq qatnashuvchi bo‘lsa, bunday guruhni ochish mumkin.

👉 @TESTLIDER

Quyidagi guruhlarni ochish rejamda bor:

1. Faqat o‘qituvchilar guruhi – narxi biroz qimmatroq bo‘lishi mumkin;
2. O‘qituvchilar va o‘quvchilarning umumiy guruhi – standart narx
3. Yozda imtihon topshiradigan o‘quvchilar uchun guruh – alohida narx
4. 10 talik test uchun o‘quvchilar guruhi – alohida narx

1 va 2 aslida kurs materiali, mazmuni jihatdan farqlanmaydi. Ishtirokchilar qatlami jihatdan farqlanadi.

👉 @TESTLIDER

Jamoamizga qo‘shilish uchun imkoniyat

Do‘stlar, yana bir muhim e’lonim bor. Yuqoridagi guruhlarimda tahsil olgan o‘qituvchilardan bir nafari keyingi fasldan boshlab jamoamga qo‘shilish imkoniyatiga ega bo‘ladi.

Ochig‘i, jamoamga faqat o‘z guruhlarimda o‘qigan ustozlarni taklif qilaman. Chunki ular mening ishlash uslubimni, tizimimni va xarakterimni yaxshi tushunadi. Bu esa jamoaviy ishda muhimdir.

Hozir jamoamiz ikki kishidan iborat – Mardon ustoz va men. Mardon ustoz men uchun juda qadri baland inson. Eskiii davrlardagi “Fevralchilar” guruhimda o‘qigan.

Men uchun eng muhim mezonlardan biri – sog‘lom fikrlash. Bundan tashqari mendan aqlliroq jihatlari bo‘lishi kerak. Eng asosiysi esa – kurs a’zolarini o‘z o‘quvchisidek ko‘rishi kerak.

Mardon ustozda shu fazilatlarning barchasi mujassam. Hatto aytish mumkinki, bundan ham ortig‘i bor (bularning hech birini Mardon ustozga men aytmaganman, o‘zi shunday inson).

Keyingi faslda jamoaga qo‘shilish imkoniyati aynan shunday mezonlarga javob bera oladigan ustozlar uchun ochiq bo‘ladi.

👉 @TESTLIDER

🔥“REPETITOR” TEST TO‘PLAMI

• 6–9-sinf darsliklari asosida
• 2017–2019-yilgi darsliklar bo‘yicha

Kitob mualliflari:
Akbar ZAMONOV – tarix fanlari doktori, professor, KIUT univeristeti tarix kafedrasi mudiri (maktab darsliklari muallifi)
Sharofiddin NURMUHAMMADOV – TAFU tarix va ijtimoiy fanlar kafedrasi katta o‘qituvchisi
Jalol BOLTAYEV – “Apro” baholash loyihasining ijtimoiy fanlar testologi, repetitor

Kimlar uchun:
• Tarix fani imtihonlari (kirish imtihonlari, attestatsiya, “Milliy sertifikat” va h.k.)ga tayyorlanuvchilar uchun
• Tarix fanidan sifatli va to‘g‘ri test tuzishni (testologiyani) o‘rganishni istaganlar uchun (bunda faqat ishlab chiqish emas, tahlil qilib chiqish kerak (masalan, “nima uchun bu savol tuzilgan?”, “Nima uchun bunday variantlar qo‘yilgan?” deb...).

Kitobni qanday xarid qilish mumkin?
Kitob do‘konlaridan so‘rang. Muqovani ko‘rsating.

📚 Jalol BOLTAYEV kitoblari

👉 @TARIX_OMBOR guruhida TARIX faniga oid barcha kerakli materiallar joylangan. Qoʻshiling!

Attestatsiya testida qatnashmaganim uchun bu test haqda gapirishim mumkinmas emish, endi bu gapni topib kelishibdi )

Siz ko‘rib turgan kitob tarix fanidan chiqqan RESPUBLIKADAGI ILK TEST TO‘PLAMI hisoblanadi. 2000-yillardan beri hozirgacha chiqib kelmoqda. Men hammuallifman.

Testologiyani ilmiy nuqtayi nazardan tushunaman, chunki testologiyani ilmiy doirada o‘rganib, tadqiq qilib kelaman.

Xullas, gapirsa gap ko‘p. O‘zimning kimligimni anglatish uchun 2 ta misol keltirdim, xolos. Aqli bor odam shundan ham tushunib oladi.

Mayli, “obro‘sizlantirish kampaniya”ngiz ishini qilaversin, hamma bir kun javob beradi.

Testologiya haqida gapirish uchun eng haqli insonlardan biriman respublikadagi.

👉 @TESTLIDER

Qarang, hozirgina telefon qilib aytishyapti: yana shunday gaplar tarqatilmoqda ekan, emishki, kimyo va biologiya fanlaridan savollar “murakkablashib ketgani”ga men va o‘qituvchilarning haq-huquqi uchun kurashgan ustozlar aybdor emish. Go‘yoki aynan shuning uchun testlar qiyinlashtirilgan emish.

Afsuski, hozir ham aynan shu “fikr”ni targ‘ib qilish bilan band bo‘lib o‘tirishibdi. Shuning uchun masalaga shaxsiy munosabatlardan emas, faktlardan kelib chiqib qaraylik.

2025-yil 8-may kuni o‘tkazilgan attestatsiyani eslang. O‘sha imtihonda o‘qituvchilarning 60+ % 60 balldan o‘ta olmagan edi. Ko‘plab viloyatlarda esa atigi 4–5 nafardan o‘qituvchi talab etilgan natijani qayd eta olgan. Aynan mana shu holatdan keyin jiddiy muhokamalar va kurashlar boshlangan. Natijada o‘sha 8-may testini tuzganlarga keyingi testlarni tuzish topshirilmagan.

Endi tasavvur qiling: agar hozir ham testlar o‘sha 8-maydagi kabi darajada tuzilganida vaziyat qanday bo‘lardi? Axir o‘sha paytda savollar eski darsliklardan, yillar davomida o‘qitilib kelinayotgan mavzulardan tuzilgan bo‘lsa ham hatto tajribali repetitorlar ham savollarda qiynalgan edi-ku.

Har qanday “MEN O‘QITUVCHIMAN” degan odamga “respublikadagi 60 % o‘qituvchi bilimsiz” degan narsa alam qilmaganmi axir o‘sha payt?

Yana bir masalaga ham aniqlik kiritib qo‘yish kerak: avval “ustingdan yozib beraman” degan gapni aniq aytgan edi, hozir esa bu fikrdan qaytibmish (aytmadim bu gapni debmiyey, shunaqaroq). O‘zi biladi, menga farqi yo‘q. Mening haqorat qilganim haqida gapiryapti-yu, lekin menga nisbatan aytilgan tuhmatlar haqida lom-mim demagan. Holbuki, boshida tuhmat bo‘lmaganida, masala bunchalik keskinlashmagan bo‘lardi. Men hatto bu masalani shaxsan hal qilish uchun telefon ham qilgan edim.

O‘tgan kuni ham aytdim senga: men Xorazmdaman. Xorazmga kelib turasan-ku, o‘sha paytda menga telefon qilsang, chiqaman. Sen bilan ochiqchasiga gaplashishga hamisha tayyorman. Lekin bir narsa qiziq? Nega darding men bo‘lib qoldim. Charchamadingmi xalqqa meni yomonotliq qilaverib, tuhmat qilaverib.

👉 @TESTLIDER