Haqiqatan shunday... Testologiya nuqtayi nazaridan “oson” va “murakkab” tushunchalari boshqacharoq bo‘ladi. Biroq xalq tili bilan aytganda, haqiqatan bugungidek oson attestatsiya imtihoni bo‘lmagan.

👉 @TESTLIDER

2025-yil 8-may kuni bo‘lib o‘tgan attestatsiya imtihonini eslang.

Mening viloyatim – Xorazmda o‘sha paytda atigi 4–5 nafar o‘qituvchi 86 ball to‘play olgan edi. Oddiy statistikaning o‘zi ham ko‘rsatib turibdi: hozir Xorazm MMTB rahbariyatining kanalini kuzatsangiz, ancha o‘qituvchilar 90+ natija qilib tashlashgan.

Aslida testni “oson” yoki “murakkab” deb baholashdan oldin, u avvalo to‘g‘ri (valid) bo‘lishi kerak. 2025-yil 8-maydagi testlarning aksariyatiga esa bu mezonni qo‘llash qiyin edi. Savollar juda mayda detallarga, ahamiyati past bo‘lgan ortiqcha faktlarga asoslangan, javob variantlari esa bir-biriga nihoyatda yaqin tuzilgan edi. “So‘z o‘yinlari” ham ko‘p edi. Xullas, savollar sifati talab darajasida emas edi. O‘sha paytda hatto tajribali repetitorlar uchun ham 80+ natija olish oson bo‘lmagan. Muammo repetitorlarda emas, savollarning sifatida edi.

Shundan so‘ng 4 nafar tarix o‘qituvchisi sudga murojaat qildi, e’tirozlar bildirildi. Keyingi imtihonlarda esa 70 % lik ustamaga erishganlar soni 5–6 baravar oshdi. Hozir ham 2025-yil 8-maydagi kabi bitta viloyatda atigi 4–5 nafar emas, 5–6 baravar ko‘p o‘qituvchilar 70 % lik natijani qo‘lga kiritayotganini ochiq manbalardan ham kuzatish mumkin (@T_Nurmetov – Xorazm MMTV).

Xulosa qilib aytganda, ayrimlarga raqamlar bilan isbotlab bersangiz ham, baribir ig‘voni davom ettiraveradi. Maqsad qanday qilib bo‘lmasin, Jalol Boltayevni yomonotliq qilish.

Xudo ko‘rib turibdi. Kecha 100 dan ortiq odam lichkamga yozdi – ya’ni “vestgot” savoli tufayli ularga ball qo‘shilgani, aksariyati 70 % lik ustamaga erishgani va toifasini oshirganini aytishdi. Chin dildan minnatdorchilik bildirayotganlarini yozishmoqda. Shuning uchun ichi qoralikni bas qilishni iltimos qilaman.

Shu bilan birga hozirgi holatda ham Baholash markazi testlarini “juda zo‘r” yoki “yorib tashlashibdi” deb aytmoqchi EMASMAN. Tuzilish va mazmun jihatidan oldingiga nisbatan yengillashtirilgan, juda mayda va keraksiz detallar (ma’lumotlar)dan qochilgan, “so‘z o‘yinlari”dan chekinilgan, biroq baribir yondashuvda hanuz ko‘proq xotiraga asoslangan savollar ustunlik qilmoqda.

Keyin yana bir qiziq holat bo‘ldi. Kimdir yozibdi: “o‘tgan safar 94 ball olgan edim, siz tufayli bu safar 86 ball ham ololmadim”, deb. Vaholanki, o‘tgan safar u 60 ball olgan edi, natijasini o‘zim ko‘rganman. Menda turibdi ham. Shunchaki o‘zining “haq”ligini isbotlash uchun fantastik ma’lumotlarni ham bemalol to‘qib qo‘yaverdi. Eng qizig‘i, bu safar aksincha, avvalgidan ko‘proq ball olgan bo‘lsa-da 😁

👉 @TESTLIDER

O‘sha meni ayblayotganlar, keling, kursimga a’zo bo‘ling 😁

Keyingi imtihonda, nasib, 86 ball olasiz! Menda topshiriqlar tizimli. Metodika bor. Shunda ko‘rasiz asl haqiqat qandayligini... Tizimli o‘qimasangiz, Xudo ko‘rsatmasin, keyingi imtihonda ham natija chiqmasa, yana meni ayblab yuraverasiz!

👉 @TESTLIDER

Bugun attestatsiya imtihonida qo‘llangan yangicha qolipdagi testni men allaqachon «Kundalik-optimal» testlarimda ham berib kelayotgan edim. Bunday qolipdagi savollar aynan “tahlil” darajasiga mansub testlar hisoblanadi.

Bir paytlar Eyler–Venn testlarini tuzganimda, “bunday testlar tushmaydi”, deyishgan edi – keyinchalik «MS»da aynan shu turdagi savollar tushdi. Grafikli testlar tushmaydi, deyishdi – tushdi. Chuqur tahlilga asoslangan testlar tushmaydi, deyishdi – tushdi. “Agar” qolipidagi savollar tushmaydi, deyishdi — mana, bugun attestatsiya testida tushib turibdi. 🙂

Biz to‘g‘ri yo‘ldamiz!