#EHTIMOLIY
#ehtimoliy_sindromiga_chalinganlar_uchun!

Alisher Navoiy o‘zining shaxsiy mablag‘lari hisobidan Hirot, Marv va Mashhad kabi shaharlarda yuzlab me’moriy obidalarni barpo ettirdi. U nafaqat qurilish ishlariga homiylik qilgan, balki ilm ahliga, xususan, iqtidorli talabalarga doimiy moddiy yordam ko‘rsatish tizimini ham yo‘lga qo‘ygan.

a) Alisher Navoiy tomonidan Hirot shahrida barpo etilgan madrasalar yozing (2 ta madrasa).
Javob: “Ixlosiya”, “Nizomiya”

b) Navoiy iqtidorli talabalarning ehtiyojlarini qoplash va ularni rag‘batlantirish maqsadida oyiga qancha miqdorda nafaqa tayinlagan?
Javob: 24 oltin pul

(c) Jalol BOLTAYEV

👉 @TESTLIDER

#EHTIMOLIY
#ehtimoliy_sindromiga_chalinganlar_uchun!

1962-yilning oyida SSSR va AQSH o‘rtasidagi qarama-qarshilik insoniyatni yadro urushi yoqasiga keltirib qo‘ydi. Dunyo tarixiga "Karib inqirozi" nomi bilan kirgan ushbu voqea ikki buyuk davlat rahbarlarining o‘zaro murosaga kelishi bilan yakunlandi.

a) inqirozning eng keskin pallalarida AQSH Prezidenti Jon Kennedi bilan diplomatik yozishmalar olib borgan va sovet raketalarini Kubadan olib chiqishga rozi bo‘lgan SSSR rahbari kim edi?
Javob: Nikita Xrushchev

b) Karib inqiroziga turtki bo‘lgan asosiy omillardan biri – AQSHning SSSR chegaralariga yaqin qaysi davlat hududiga raketalarini joylashtirgani edi?
Javob: Turkiya

(c) Jalol BOLTAYEV

👉 @TESTLIDER

«O‘tgan “Milliy sertifikat” imtihonda tushgan “Aminona” solig‘i qaysi kitobda yozilgan? Juda eski darsliklardayam yo‘q-ku», deyishmoqda. Ushbu ma’lumotlar prof. Akbar Zamonov rahbarligida “O‘zbekiston tarixi” nomi ostida chop etiladigan kitoblarda (va prof. Akbar Zamonovning yana boshqa kitoblarida ham) yozilgan. Hozircha “O‘zbekiston tarixi” turkumida 5 qism nashr etilgan. Biroq u kitoblarning elektron varianti ommaga tarqatilmagan.

👉 @TESTLIDER

Do‘stlar, shu yerdan boshlab #EHTIMOLIY heshtegi ostida #ehtimoliy_sindromiga_chalinganlar_uchun 5 ta yozma “murakkab test” tashladim. Imtihongacha qaysi kanalni kuzatib borish kerakligini bilasiz-a? )

Faollikni oshirsangiz, yana joylab turaman.

👉 @TESTLIDER

#EHTIMOLIY
#ehtimoliy_sindromiga_chalinganlar_uchun!

XX asr boshlarida Turkistonda milliy uyg‘onish harakati yangi bosqichga ko‘tarilib, xalqning ozodlik g‘oyalari matbuot hamda siyosiy tashkilotlar faoliyatida o‘z aksini topdi.

a) Turkiston muxtoriyati hukumatida harbiy vazir lavozimida faoliyat yuritgan shaxs kim?
Javob: Ubaydulla Asadullaxoʻjayev (Ubaydulla Xo‘jayev)

b) mazkur jadid namoyandasi muharrirligida 1914-yil aprel oyida Toshkentda nashr etila boshlagan gazeta nomini aniqlang.
Javob: “Sadoi Turkiston”

(c) Jalol BOLTAYEV

👉 @TESTLIDER

#EHTIMOLIY
#ehtimoliy_sindromiga_chalinganlar_uchun!

XVI asr boshlarida Movarounnahrda yuzaga kelgan ichki siyosiy vaziyat, Shayboniyxonning harbiy yurishlari Bobur hokimiyatining inqirozga yuz tutishiga sabab bo‘ldi.

a) Bobur Samarqand uchun band bo‘lgan paytda fursatdan foydalanib Andijonni egallab olgan amaldorni aniqlang.
Javob: Ahmad Tanbal

b) 1501-yil aprel oyida bo‘lib o‘tgan, Bobur qo‘shinining Shayboniyxondan mag‘lub bo‘lishiga va natijada Samarqandning butunlay boy berilishiga sabab bo‘lgan jang tarixga qanday nom bilan kirgan?
Javob: Saripul jangi

(c) Jalol BOLTAYEV

👉 @TESTLIDER

So‘nggi paytlarda tarix fanlari doktori, professor Akbar Zamonov boshchiligida yozilgan “O‘zbekiston tarixi” turkumidagi asarlar haqida ko‘p so‘rashmoqda. Hozircha ushbu turkum doirasida 5 ta kitob nashr etilgan.

O‘zim ham bu kitoblarni muntazam o‘qib boraman. Ayniqsa, test tuzishda, xususan, puxta va asosli distraktorlar (noto‘g‘ri variantlar) yaratishda juda qo‘l keladi. Umuman, sifatli test tuzishning muhim shartlaridan biri mavzu bo‘yicha keng va ishonchli ma’lumotlarga ega bo‘lishdir.

Masala faqat test tuzish bilangina cheklanmaydi. Masalan, o‘quvchi savol berganida tarixchi javobni taxminga emas, balki aniq va ishonchli manbaga tayangan holda berishi kerak. Mazkur kitoblar aynan shu jihatdan ham foydali manba bo‘la oladi.

Kimga ushbu kitoblar kerak bo‘lsa, ularni @Muarrix_kanali_admini orqali xarid qilish mumkin. Jahongir Jabborqulov – @muarrix_kutubxonasi muallifi – yosh tarixchilarning ilm olishiga va zarur manbalar bilan ta’minlanishiga katta hissa qo‘shib kelmoqda. Bu faoliyat, avvalo, jamiyat uchun foydali tashabbuslardan biridir. Shuning uchun qo‘llab-quvvatlayman!

👉 @TESTLIDER

Attestatsiya. “Vestgot-langobard” ishi bo‘yicha

Xullas, “vestgot” javobini belgilab, 86 ball ololmay, ustamadan quruq qolgan men bilgan aksariyat o‘qituvchilar 9–10-aprelda imtihonga bormoqchi EMAS.

Mantiqan to‘g‘ri. Chunki vazirlik xatosini tan olib, ball qo‘shib berishini rasman aytdi. Demak, ularning toifasi ham tiklanadi, 70 % lik ustamaga ham iladi.

Yuridik jihatdan qo‘rqishga hojat yo‘q. Ball aniq qo‘shiladi. Prezident administratsiyasi oldida bunga va’da berilgan. Xato rasman tan olingan.

Diqqat qiling. Hamma yoppasiga imtihondan qolmasin tag‘in.

👉 @TESTLIDER