Otdan tushsayam egardan tushmaslik deyiladi bu 😁

Vazirlikni sudga bergan to‘rt nafar tarix fani o‘qituvchisi va tarixchi-pedagog Jalol Boltayev vazirlik yuziga oyna tuta oldi. Buni e'tirof etmasdan iloji yo'q.

Bu orada pedagoglarga qattiq bosimlar bo'ldi, ularga qo‘ng‘iroqlar qilindi. Ayrimlari hududiy maktabgacha va maktab ta’limi boshqarmasiga chaqirtirildi, ayrim o‘qituvchilarga hatto oila a’zolari orqali bosim o‘tkazilib, da’vo arizani qaytarib olish so‘raldi.

Umuman olganda, mana shunday mazmundagi sud ishlarini yoritib borganim uchun menga ham bir necha bor qo'ng'iroqlar bo'ldi. Faoliyatimni to'xtatish bo'yicha "tavsiyalar" ham berildi.

Eng muhimi, pedagoglar to'xtamadi. Ular oxirigacha borishdi va vazirlik noto'g'ri ish qilganini isbotlab berishdi.

Balki, bunga ayrim mansabdor shaxslarning iqtidordan ketgani ham sharoit yaratib bergandir. Lekin nima bo'lganda ham pedagoglar jasoratiga qoyil qolish kerak.

O'qituvchi degani mana shunday qo'rqmas bo'lishi kerak!

@u_pulatoff

Aslida, Oʻzbekistonning oʻzida oliy taʼlim uchun, boʻlajak tarixchilar uchun tasdiqlangan darslik va qoʻllanmalar, shuningdek, xorijiy olimlarning javoblari hech qanday "ilmiy talqinlar oʻrtasida tafovut" yoʻqligini, bahsli test topshirigʻi uchun asos qilib olingan narsa - har qanday tarixchi biladigan fakt ekanligini tasdiqlab turibdi. Shunchaki maktab darsligida texnik xatolik boʻlishi mumkinligini, Baholash markazi mutaxassislari Oʻzbekistondagi yuz minglab pedagoglarga rasmiy baho berish maqsadida ishlatiladigan test topshiriqlarini shakllantirishga koʻr-koʻrona yondashmasligi kerakligini anchadan beri aytib kelamiz.

Nahotki Baholash markazi mutaxassislari test topshiriqlari mazmunini shakllantirish, toʻgʻri javoblarni bazaga kiritishda oddiy faktlarni tekshirmagan?

Nahotki Baholash markazi mutaxassislari attestatsiyadan keyin shuncha oʻqituvchi murojaat qilganda manbalarni tekshirish, hech boʻlmaganda internetda oddiy soʻrov berib, oʻzi toʻgʻri javob deb belgilagan javob toʻgʻrimi yoki yoʻqligini tekshirish xayoliga kelmagan?

Nega Baholash markazi mutaxassislari sudga murojaat qilgan oʻqituvchilar javobi toʻgʻriligini asoslovchi hech qanday dalil mavjud emas, deb bayonot bergan?

Minglab (balki undan koʻproq) oʻqituvchilarga yetkazilgan moddiy va maʼnaviy zararni (oylik ish haqidagi farq, advokat va sud xarajatlari, vaqt, asab va hokazo) kim qoplaydi?

Tarix oʻqituvchilari-ku, oxirigacha bora olishdi. Har xil sabablar bilan yarim yoʻlda chekinishga majbur boʻlgan boshqa fanlar oʻqituvchilari - vazirlikni sudga bergan ona tili va adabiyot oʻqituvchilari, prezidentga murojaatlar qilgan boshqa fanlar oʻqituvchilari ham haq boʻlsa-chi?

Baholash markazi hali hech qanday murakkab bir fikrlashni talab qilmaydigan, oddiy faktga asoslangan test topshirigʻini toʻgʻri baholay olmagan boʻlsa, qanday qilib respublika boʻylab yuz minglab pedagoglarning bilimi va pedagogik mahoratini toʻgʻri baholay olyapti, deb ishonch bilan ayta olamiz?

Bu ustozlar bu davr boʻyicha mutaxassis emas

Vazirlik o‘z o‘qituvchilari usridan sudda "yutgan" bo‘lsa ham, haqiqat oldida yutqazdi.

Tarix fani o‘qituvchilari attestatsiyaga tushgan testni g‘irt noto‘g‘ri tekshirildi, deya vazirlini, Pedagoglarni baholash markazini sudga bergan edi.

O‘sha davrda osmonda yurgan vazirlik rahbariyati istalgan haqiqatni ham tan olmasdan tikkalay oqni qora, deb turib olgan edi va sud vazirlik foydasiga hal qilgan edi.
Shundan keyin ham tarixchilar hammasi qo‘lini siltab, hayf sizlarga, degan bo‘lsa ham tarixchilarning birgina mardona vakili Jalol Boltayev ortga chekinmadi. U mazkur testni to‘g‘ri-noto‘g‘ri ekanligini isbotlash uchun Ispaniyaning eng nufuzli OTMlariga va Top100 dagi Pensilvaniya universitetiga so‘rovnomalar yubordi.
U yerdagi dunyoning eng nufuzli olimlari vazirlik testi g‘irt xato tekshirilganini isbotlovchi javob xatlarini yubordilar.

Shundan keyin Jalol yana sudga berganda bu safar, biz tarixiy voqelikka aralashmaymiz, o‘zlaring hal qilinglar, degan sud. Qoyile, sud hal qilmasa kim hal qilarkan bunday ishlarni?

Xullas, Jalol yana to‘xtab qolmasdan endi O‘zbekiston Prezidentiga ochiq xat yozadi.
Orada, tarixchilarning baxtiga Hilola Umarova ishdan olinib, uning o‘rniga dunyoqarashi keng kadr Ilhom Siradjev qo‘yiladi. Mazkur ish bilan Prezident administratsiyasi shug‘ullanadigan bo‘ladi.
Shundan keyin ishlar ijobiy tomonga o‘zgarish boshlanadi: masʼullarga ushbu masala yuzasidan yig‘ilish qilish topshirig‘i beriladi va u o‘tkazdiriladi, masʼul vakillar tomonidan murojaatchilar vakili o‘rtasida "Tanaffus" podkastida bu masala muhokama qilish taklif etiladi, shanba kuni bu debat suratga olinadi. Podkast juda katta bahs bilan bo‘lib o‘tdi, 2 soat davom etgan "jang" natijasida Jalol Boltayev o‘qituvchilar tomonidan juda yaxshi chiqish qildi. Shaxsan meni boshim og‘rib yurdim kechgacha bu baxsdan. Chunki juda ilmiy baxs edi, men ham shu mavzuga kirib ketdim, har ikki tomonning nima aytayotganini mayda ikir-chikirigacha tushinib turdim, tarixchi bo‘lmasam ham. Bugun chiqadi podkast, albatta ko‘ring, daxshatli chiqqani aniq.

Xullas, topshiriq jiddiy bo‘lgani aniq, o‘tkazilgan podkastdan va yig‘ilishdan keyin, muhimi dunyoning Top OTMlari bergan zulosalaridan bu safar qochib qolishga ko‘zi yetmagan, shu paytgacha meniki haq, deb oyoq tirab turgan Pedagogik bilimni baholash markazi rahbariyati podkast chiqob ulgurmasdanoq, yakshanba kuniyoq o‘qituvchilarga tushgan o‘sha testni har ikki javobni belgilagan o‘qituvchilarga 2 baldan qo‘shib berishini maʼlum qilgan!

Juda qiziq holat, haqiqat egiladi, bukiladi, lekin sinmaydi!
Menda bu keysdan keyin baʼzi fikrlarim bor.

Birinchidan, nega shu paytgacha sudgacha apellyatsiyalarda shu narsani jiddiy qarab, o‘qituvchilar foydasiga hal qilishmagan attestatsiya masʼullari? Yoki o‘qituvchilarga 2 ball berish shunchalik qiyinmi, shu bilan ular boyib ketadimi?

Ikkinchidan, nega sudga bergandan keyin ham haqiqatni tan olishmadi masʼullar?

Uchinchidan, mazkur testlar va attestatsiya boshida turgan masʼul rahbarlar lavozimiga loyiqlik masalasi endi ham asosiy kun tartibiga qo‘yilishi kerak, o‘qituvchilarni hurmat qiladigan, o‘z ishiga professional kadrlarni bu lavozimlarga qo‘yish shart!

To‘rtinchidan, shu ish bo‘yicha 8-9 oydan

... Davomi keyingi postda


@domlajon
t.me/domlajon

Eslatma! Nima uchun xorijiy olimlarga chiqildi: jarayon davomida o‘zbek olimlari – Tursunboy Salimov, Aqchayev, Sulaymonovalarning asarlari TAN OLINMADI!

Ya’ni marhum olim Tursunboy Salimov ham ko‘rga hassadek qilib, “Vestgotlar Ispaniyadagi Vizantiya yerlarini tortib oladi” deb yozib qo‘yibdi.

Kechagi ikki tarixchi – Asxat Beyqo‘ziyev va Jaloliddin Annayev – ixtisosligi Ispaniya tarixi bo‘lgan xorijiy olimlarning xulosalarini keltirganimizni “ideallashtirish” debdi. A, o‘zbekcha manbalarni nima der ekan? 🤣

Davomi.


... To‘rtinchidan, shu ish bo‘yicha 8-9 oydan buyon sarson bo‘lgan,  sudga bergan o‘qituvchilarga moddiy va maʼnaviy zararini undirib berish kerak.

Vazirlik o‘z aybi tufayli shuncha ishlardan keyin, 2 balni berish bilan qutulib qolmasligi kerak,  bu oddiygina 2 ball emas edi,  bu vazirlikning o‘qituvchilarni qanchalik hurmat qilishi vag‘hurmat qilmasligini,  qo‘llashi yoki qo‘llab-quvvatlamasligini ko‘rsatib bergan katta keys edi.

Bu ishda vazirlik uyatli darajada yutqazdi,  tarixchilarning o‘sha 4 nafar vakili,  ayniqsa,  oxirgacha o‘ziga turli bosimlar qilinsa ham chekinmagan,  o‘zi attestatsiyaga kirmagan bo‘lsa ham hamkasblik solidarnosti,  kasbiy sodiqligi tufayli oxirgacha kirashgan Jalol Boltayev qahramonlarcha g‘olib bo‘ldi.
Bilamiz, xotiramiz qisqa, lekin tarixchilar xotirasi yaxshiroq deb o‘ylayman, o‘ylaymanki ular o‘z vakili Jalolni bu ishini unitishga haqi yo‘q. Bugun-erta chiqadigan "Tanaffus" podkastda unig haqiqat uchun qanchalik jon kuydurivchi ekaniga guvoh bo‘lasiz.

Fursatdan foydalanib, bu ishni o‘qituvchilar foydasiga hal qilgan Prezident administratsiyasiga, xususan bu ishni tub burilish yasagan shaxsan IlHOM SIRADJEVGA o‘qituvchilar nomidan minnatdorchilik bildiramiz. (Chunki avvalgi rahbariyat bo‘lganida har qanaqasiga ham yana tarixchilar yutqazaverar edi, xalqaro sudga bersa ham...)

Rahmat kattakon!

@domlajon
t.me/domlajon

“Biroq sud tomonidan da’vo talablarimiz rad etilishiga qaramay, tarixchi-pedagog Jalol Boltayevning Prezident virtual qabulxonasiga yo‘llagan murojaatidan so‘ng vazirlik attestatsiya natijalarini qayta ko‘rib chiqib, ularni o‘zgartirish to‘g‘risida qaror qabul qildi. Mazkur holat dastlabki baholash natijalari asossiz va noto‘g‘ri bo‘lgani, aynan shu xato natijalar sabab tarix o‘qituvchilariga ma’naviy zarar yetkazilgani hamda ularning qonuniy huquq va manfaatlari buzilganini tasdiqlaydi”, — deydi advokat.

“Shu bois baholash markazi tomonidan attestatsiya natijalari rasman o‘zgartirilganidan so‘ng yetkazilgan ma’naviy zarar, vakillik xarajatlari hamda boshqa zarur sarf-xarajatlarni undirish yuzasidan amaldagi qonunchilikka muvofiq sudga murojaat qilish rejalashtirilgan”, — deya qo‘shimcha qildi Umarjon Jumaniyazov.

Pedagoglar oʻzlariga yetkazilgan maʼnaviy va moddiy zararni qonun yoʻli bilan undirishga qaror qilganliklari - toʻgʻri qadam. Faqat haqiqat yoʻlidan qaytmaydiganlargina demokratik, farovon jamiyatni qura oladigan avlodni tarbiyalashi mumkin.

Va oʻsha savol kun baribir tartibida: Baholash markazi respublika boʻylab yuz minglab pedagoglarning bilimi va pedagogik mahoratini qay darajada toʻgʻri baholayapti?

“Attestasiyada “xom ballar” asosida o‘qituvchilar haqida qaror chiqarish – bu shunchaki “lotereya” — Komil Jalilov

Ta'lim bo'yicha ekspert Komil Jalilov pedagoglar attestatsiyasi borasida Maktabgacha va maktab ta'limi vaziri E'zoza Karimova hamda Baholash markazi direktori Dilrabo Davidovaga ochiq murojaat yo'lladi.

Uning fikricha, "langobardlar - vestgotlar" keysidan keyin Baholash markazining attestatsiya jarayonlaridagi har bir qadami sinchkov nazorat ostida bo'ladi va nafaqat markazning, balki vazirlikning ham reputatsiyasiga jiddiy ta'sir qiladi. Biroq, amaldagi attestatsiya tizimi o‘qituvchining xotirasini va asabini sinaydigan, har safar katta mojarolarga sabab bo‘ladigan jarayonga aylanib qolgan. Komil Jalilov o'qituvchilarni baholashga amaldagi yondashuvni adolatsizlik va shunchaki “lotereya” deb atadi.

Shu sababli, u attestatsiya tizimi testologiyaning fundamental talablariga, standartlariga javob berishiga ishonch hosil qilinmaguncha attestatsiya jarayonlarini to‘xtatib turish taklifini berdi.

Xo'sh, Komil Jalilov E'zoza Karimova hamda Dilrabo Davidovaga qilgan ochiq murojaatida yana qanday takliflarni ilgari surdi? Batafsil saytimizda o'qing.

Batafsil — https://xalqtaliminfo.uz/post/1540

Ta'limga oid eng so‘nggi yangiliklarni @xalqtaliminfo'da kuzatib boring.

Telegram l Instagram l YouTube

Qiziq, hozirgina izohlarda boshqa odamga, aniqrog‘i, darslik mualliflaridan biri Nurhayot Hakimovga yozilgan gapga Laziz Haqqulov tomonidan javob berib yuborildi va darhol o‘chirib tashlandi.

Laziz Haqqulov ancha paytdan beri menga nisbatan antisimpatiya uyg‘otishga harakat qilib keladigandek tuyiladi. Akkauntida ismi va familiyasidan boshqa ma’lumoti ko‘rsatilmagan (agar ism-familiyasi haqiqiy bo‘lsa undayam).

Oldinroq ham shunga o‘xshash voqea yuz bergandi.