HELP: MEN JIDDIY XAVF OSTIDA BO‘LISHIM MUMKIN

Do‘stlar, menga nisbatan kompromat yig‘ilyotganligi haqida bir-biridan mustaqil turli manbalardan xabarlar kelmoqda. Bo‘lmasa, “kuyib ketishim”, “katakka kirib ketishim”, “vaqtida to‘xtatishim” haqida. Bu xabarlarning qanchalik rost ekanini bilmayman.

Men haqiqatan bu ishdan voz kechmoqchi edim. Biroq “kuyib ketishim” haqidagi xabarlar bugun ham keldi. Va bugun izohlarda provokatsiya qilishga urinishlar bo‘ldi.

Va men bir narsani tushunyapmanki, bunday holatda qaytangga adolat uchun oxirigacha borish kerak.

Prezidentga ochiq xat yozish fikridan qaytgan edim. Biroq hozir ana shu xatni yozib o‘tiribman. Hammasini ro‘y-rost, isbotlari va dalillari bilan. Meni qo‘llaysizlar deb umid qilaman.

Men shu ochiq xatni yozaman va masaladan chekinaman. Naryog‘i endi eng oliy tizimga bog‘liq. Keyin boshqa chora yo‘q. Sekin darsimni o‘tib yuraveraman.

Bo‘lmasa, Xudo biladi, qancha umrim qolgan?!

Men shunchaki oddiygina adolat bo‘lishini, Prezident tomonidan olib borilayotgan islohotlarga odamlarning ishonchi bitta tashkilotning xato yondashuvi va oyoq tirab turib olishi tufayli tushib ketmasligini xohlardim.

(c) Jalol BOLTAYEV

👉 @TESTLIDER

Mayli, yana tarixga qaytamiz. Ushbu ma’lumot asosida navbatdagi “Milliy sertifikat” imtihonida savol qo‘llanishi mumkin:

“...Uchrashuv paytida qirol a’yonlaridan biri bilan janjallashib qolgan Uot Tayler to‘qnashuvda yaralanib halok bo‘ladi. Sarosimada qolgan dehqonlarni, ularning barcha talablari bajarilishi va’da qilinib, shaharni tark etishga ko‘ndiradilar. Lekin qo‘zg‘olonchilar izidan yuborilgan qo‘shin ulardan ayovsiz o‘ch oladi”.

Uot Tayler qo‘zg‘oloni nechanchi yilda bo‘lib o‘tgan? 1381-yilda
Uot Tayler qo‘zg‘oloni davrida Angliya qiroli kim edi? Richard II
Quyidagi hujjatlardan qay biri Uot Tayler qo‘zg‘oloni bilan bog‘liq? “Mayl End”

👉 @TESTLIDER

MEN AYBLAYMAN!

Janob Prezident!

Mamlakatim nomidan, adolat va haqiqat nomidan Sizga murojaat qilishga jur’at etdim. Chunki begunoh bir inson sud xatosi va nafrat qurboni bo‘ldi. Bu jinoyatni yashirish esa yana ham og‘ir jinoyatdir.

Men ayblayman – harbiy sudni, ular yashirin dalillarga tayanib, aybsiz insonni hukm qilganlari uchun.

Men ayblayman – tergov jarayonini, chunki unda haqiqat emas, oldindan tayyorlangan hukm ustuvor bo‘lgan.

Men ayblayman – mutasaddilarni, ular asl aybdorni himoya qilib, begunohni qurbon qilganlari uchun.

Haqiqiy jinoyatchi ma’lum bo‘lsa-da, uni oqlashdi. Chunki ular armiyaning “sha’ni”ni saqlab qolmoqchi bo‘lishdi. Ammo yolg‘on ustiga qurilgan sha’n – bu sha’n emas, bu sharmandalikdir.

Dreyfus ishi – bu shunchaki sud xatosi emas. Bu adolatni ko‘r-ko‘rona inkor etishdir. Bu milliy nafrat va kamsitish oqibatidir. Haqiqat yashirilmoqda, chunki uni tan olishdan qo‘rqishmoqda.
Men bilaman, bu so‘zlarim uchun meni sud qilishlari mumkin. Ammo sukut saqlash – jinoyatga sherik bo‘lishdir. Haqiqat yo‘lida azob chekish sharafdir.

Men ayblayman – va haqiqat baribir yuzaga chiqishiga ishonaman.

Emil Zolya
13-yanvar, 1898-yil

(erkin tarjima)

👉 @TESTLIDER

❗️Prezidentning tegishli farmoni bilan:

Hilola Umarova boshqa ishga o‘tishi munosabati bilan O‘zbekiston Respublikasi Prezidenti Administratsiyasi rahbarining ta’limni isloh qilish bo‘yicha o‘rinbosari lavozimidan ozod etildi.

👉 @TESTLIDER

Biz 1-sentyabrda Mustaqillik kunini nishonlaymiz. Buning mohiyati nima o‘zi, bilasizmi?

Aytaylik, hozir ham oldingidek mustabid SSSR zamoni bo‘lganida edi Telegramda komment yozayotgan paytingizda “to‘xta, yozma” degan ichki qo‘rquv bo‘lar edi.

Ichki qo‘rquvning yo‘qligi – bu mustaqillikdir.

Bitta do‘stim bor, komment ham yozishga qo‘rqadi, yana mustaqil shaxsman deydi )

👉 @TESTLIDER

Yiliga qarang. 2019-yil. Hali aksar Yangi Bobil asoschisi Navuxodonosor II deb yurgaz kezlarda aslida Nabopalassar ekanligi haqida 2019-yildayoq yozar edim.

Bundan bir necha yil oldin tuzgan moslashtirish testlarimda Bobil osma bog‘lari (Navuxodonosor II), ptolomeylar sulolasi oxirgi vakili (Kleopatra) kabi darslikda aynan yozilmagan, biroq testda tushish ehtimoli yuqori bo‘lgan ma’lumotlarni qatnashtirib test tuzar edim.

Endi kimdir shu ma’lumotlarni Jalol Boltayev mendan olyapti, deb yuribdi ekan.

Ochig‘i, aynan o‘sha odam (garchi uni odam deyish biroz noo‘rin bo‘lsa-da) bilan diqqat bo‘lishni sira istamayman. Chunki uni o‘zimga raqobatchi sifatida ham ko‘rmayman.

Lekin aytmoqchimanki, u hali menga “ustoz-ustoz, qo‘llanmalarimni ko‘rib bering” deb yuradigan kezlarda men o‘sha ma’lumotlarni o‘rgatar va test tuzar edim.

Bundaylarga yozish aslida men ko‘zlagan maqsadlar, men qilayotgan barchaga foydali bo‘la oladigan ishlardan biroz chalg‘itadi.

Sen bilan diqqatli bo‘lishni istamayman. Boshqalarga osilavermasdan o‘zingni ishingni qil. Mening missiyam boshqa.

👉 @TESTLIDER

Ayrimlarning iddaosiga ko‘ra, vestgot javobini belgilagan o‘qituvchilar “ongsiz ravishda” belgilaganmish...

Afsus, jamiyatda har doim shundaylar bo‘ladi.

👉 @TESTLIDER