Xaspo‘shlashga urinmang!

Yustinian I vafot etgach, Leovigild 568-yilda qirol sifatida taxtga o‘tirib, Ispaniya yerlarini qaytarib olish jarayonini boshlagan. 570–572-yillarda Vizantiya nazoratidagi Ispaniya hududlariga hujum qilib, Medina-Sidoniya va Kordova kabi muhim shaharlarni qaytarib oldi. 573-yilda Pireney yarimorolining shimoliy va shimoli-g‘arbiy qismlariga e’tiborini qaratib, Sabariya va Kantabriya hududlarini bo‘ysundirdi. 585-yilda yarimorolning shimoli-g‘arbidagi Svevlar qirolligini tugatib, ularning yerlarini Vestgotlar davlatiga qo‘shib olishi bo‘ldi.

Xullas, Leovigild davrida deyarli butun Ispaniya tortib olindi va vestgotlar hukmronligiga bo‘ysundirildi. Leovigild davrida yarimorolning taxminan 90% i birlashtirildi, ammo Vizantiyaning janubiy qirg‘oqlardagi anklavi Kartaxena shahri saqlanib qoldi. 624-yilda qirol Svintila davrida vizantiyaliklar Piriney yarimorolini butunlay tark etishgan. Ya’ni endi to‘liq desa bo‘ladi (deyarli so‘zini ishlatish ham shartmas).

LANGOBARDLAR-CHI?
Yustinian I vafotidan so‘ng, Vizantiya imperiyasi Italiyani saqlab qolishda qiyinchiliklarga duch keldi. 568-yilda qirol Alboin boshchiligidagi langobardlar Alp tog‘lari orqali Italiyaga bostirib kirdilar.

569-yilda ular Shimoliy Italiyaning markazi – Milanni egalladilar.

572-yilda uch yillik qamaldan so‘ng Paviya shahri taslim bo‘ldi va u keyinchalik qirollikning poytaxtiga aylandi. Alboin davrida Italiyaning taxminan 30-40 % qismi (asosan shimoliy va markaziy qismlari) egallandi.

751-yilda langobardlar Vizantiyaning Italiyadagi so‘nggi yirik tayanchi Ravenna shahrini egalladi. Ya’ni endi to‘liq desa bo‘ladi (deyarli so‘zini ishlatish ham shartmas).

1. https://en.wikipedia.org/wiki/Liuvigild
2. https://www.britannica.com/biography/Leovigild
3. https://en.wikipedia.org/wiki/Alboin
4. https://www.britannica.com/topic/Lombard-people

👉 @TESTLIDER

HELP: MEN JIDDIY XAVF OSTIDA BO‘LISHIM MUMKIN

Do‘stlar, menga nisbatan kompromat yig‘ilyotganligi haqida bir-biridan mustaqil turli manbalardan xabarlar kelmoqda. Bo‘lmasa, “kuyib ketishim”, “katakka kirib ketishim”, “vaqtida to‘xtatishim” haqida. Bu xabarlarning qanchalik rost ekanini bilmayman.

Men haqiqatan bu ishdan voz kechmoqchi edim. Biroq “kuyib ketishim” haqidagi xabarlar bugun ham keldi. Va bugun izohlarda provokatsiya qilishga urinishlar bo‘ldi.

Va men bir narsani tushunyapmanki, bunday holatda qaytangga adolat uchun oxirigacha borish kerak.

Prezidentga ochiq xat yozish fikridan qaytgan edim. Biroq hozir ana shu xatni yozib o‘tiribman. Hammasini ro‘y-rost, isbotlari va dalillari bilan. Meni qo‘llaysizlar deb umid qilaman.

Men shu ochiq xatni yozaman va masaladan chekinaman. Naryog‘i endi eng oliy tizimga bog‘liq. Keyin boshqa chora yo‘q. Sekin darsimni o‘tib yuraveraman.

Bo‘lmasa, Xudo biladi, qancha umrim qolgan?!

Men shunchaki oddiygina adolat bo‘lishini, Prezident tomonidan olib borilayotgan islohotlarga odamlarning ishonchi bitta tashkilotning xato yondashuvi va oyoq tirab turib olishi tufayli tushib ketmasligini xohlardim.

(c) Jalol BOLTAYEV

👉 @TESTLIDER

Mayli, yana tarixga qaytamiz. Ushbu ma’lumot asosida navbatdagi “Milliy sertifikat” imtihonida savol qo‘llanishi mumkin:

“...Uchrashuv paytida qirol a’yonlaridan biri bilan janjallashib qolgan Uot Tayler to‘qnashuvda yaralanib halok bo‘ladi. Sarosimada qolgan dehqonlarni, ularning barcha talablari bajarilishi va’da qilinib, shaharni tark etishga ko‘ndiradilar. Lekin qo‘zg‘olonchilar izidan yuborilgan qo‘shin ulardan ayovsiz o‘ch oladi”.

Uot Tayler qo‘zg‘oloni nechanchi yilda bo‘lib o‘tgan? 1381-yilda
Uot Tayler qo‘zg‘oloni davrida Angliya qiroli kim edi? Richard II
Quyidagi hujjatlardan qay biri Uot Tayler qo‘zg‘oloni bilan bog‘liq? “Mayl End”

👉 @TESTLIDER