Jovi Xasanov – inson sun’iy intellektdan hozircha ustun ekanini amalda ko‘rsatib kelayotgan rassomlardan. Bu rassomni doim kuzatib boraman. 14-fevral munosabati bilan Bobur Mirzo siymosini shunday tasvirlabdiki, surat sun’iy generatsiyadan ko‘ra jonliroq chiqqan.

Men ham rassomchilikka ixtisoslashgan maktabda o‘qiganman. Professional rassom bo‘lib ketmadim, ammo o‘sha ta’lim va muhit har sohada kreativ fikrlashimga zamin yaratgan. Hozir ham ijodkorlarni kuzatib boraman.

Ha, aytgancha, mana 14-fevralni odamlar qanday o‘tkazyapti, senlar (2009 lar) esa gul ko‘tarib yuribsan :)

👉 @TESTLIDER

Langobardlar masalasi

Exxe, aslida javob 16-fevralgacha yuborilishi kerak edi. Bugun Prezident portalini tekshirib ko‘rsam, muddat 3-martgacha uzaytirilgan. Bu haqda esa hech qanday rasmiy ogohlantirish berilmadi.

RTM tarixchisi Zuhayriddin Bozorov Telegram orqali yozgan xabarlarimni o‘chirib tashlagan.

Qizig‘i va achinarlisi, AQSH va Ispaniyaga yuborilgan murojaatlarga qisqa muddat ichida javob olgan edim.

Dastlab masala bo‘yicha Baholash markazi direktori Dilrabo Davidova bilan bog‘lanishga harakat qildim. Uni bu adolatsizliklardan bexabar deb o‘ylagan edim. Keyinchalik masaladan xabardor ekaniga ishonch hosil qildim.

Shundan so‘ng MMTV vaziri E’zoza Karimova bilan bog‘lanishga urinib ko‘rdim. Avvaliga u ham vaziyatdan bexabar deb taxmin qilgandim. Ammo hozir bunday emas, degan fikrga kelyapman. Chunki ta’lim sohasiga umuman aloqasi bo‘lmagan ayrim idoralar ham masaladan xabardor ekan, vazir bexabar bo‘lishi mantiqan ishonchsiz tuyilyapti.

Hozircha Prezidentning o‘qituvchilarga va tarix ilmiga qilinayotgan bu adolatsizlikdan xabari yo‘q, degan taxminda turibman.

👉 @TESTLIDER

Xaspo‘shlashga urinmang!

Yustinian I vafot etgach, Leovigild 568-yilda qirol sifatida taxtga o‘tirib, Ispaniya yerlarini qaytarib olish jarayonini boshlagan. 570–572-yillarda Vizantiya nazoratidagi Ispaniya hududlariga hujum qilib, Medina-Sidoniya va Kordova kabi muhim shaharlarni qaytarib oldi. 573-yilda Pireney yarimorolining shimoliy va shimoli-g‘arbiy qismlariga e’tiborini qaratib, Sabariya va Kantabriya hududlarini bo‘ysundirdi. 585-yilda yarimorolning shimoli-g‘arbidagi Svevlar qirolligini tugatib, ularning yerlarini Vestgotlar davlatiga qo‘shib olishi bo‘ldi.

Xullas, Leovigild davrida deyarli butun Ispaniya tortib olindi va vestgotlar hukmronligiga bo‘ysundirildi. Leovigild davrida yarimorolning taxminan 90% i birlashtirildi, ammo Vizantiyaning janubiy qirg‘oqlardagi anklavi Kartaxena shahri saqlanib qoldi. 624-yilda qirol Svintila davrida vizantiyaliklar Piriney yarimorolini butunlay tark etishgan. Ya’ni endi to‘liq desa bo‘ladi (deyarli so‘zini ishlatish ham shartmas).

LANGOBARDLAR-CHI?
Yustinian I vafotidan so‘ng, Vizantiya imperiyasi Italiyani saqlab qolishda qiyinchiliklarga duch keldi. 568-yilda qirol Alboin boshchiligidagi langobardlar Alp tog‘lari orqali Italiyaga bostirib kirdilar.

569-yilda ular Shimoliy Italiyaning markazi – Milanni egalladilar.

572-yilda uch yillik qamaldan so‘ng Paviya shahri taslim bo‘ldi va u keyinchalik qirollikning poytaxtiga aylandi. Alboin davrida Italiyaning taxminan 30-40 % qismi (asosan shimoliy va markaziy qismlari) egallandi.

751-yilda langobardlar Vizantiyaning Italiyadagi so‘nggi yirik tayanchi Ravenna shahrini egalladi. Ya’ni endi to‘liq desa bo‘ladi (deyarli so‘zini ishlatish ham shartmas).

1. https://en.wikipedia.org/wiki/Liuvigild
2. https://www.britannica.com/biography/Leovigild
3. https://en.wikipedia.org/wiki/Alboin
4. https://www.britannica.com/topic/Lombard-people

👉 @TESTLIDER