Yuqoridagi savol uchun qo‘shimcha izoh

👉 @TESTLIDER

Ishondingizlarmi endi :)

Ishondim – 🔥
Baribir ishonmadim – ❤️

👉 @TESTLIDER

Men test tuzganimda hech bir ma’lumot qolib ketmaydi

“Satel­lit” atamasi siyosiy ma’noda mustaqil ko‘ringan, biroq amalda kuchli bir davlatga qaram bo‘lgan mamlakatni anglatadi. Lug‘aviy jihatdan “hamroh, yo‘ldosh” degani. Bu xarita 10-sinf “Jahon tarixi” (2022) darsligining 16-mavzusida berilgan.

SSSRga qaram bo‘lgan satellit davlatlar – Polsha, Chexoslavkiya, Ruminiya, Bolgariya, Sharqiy Germaniya.

Yugoslaviya 1948-yilda SSSR bilan siyosiy aloqalarni uzdi. Bunga Iosip Broz Tito bilan Stalin o‘rtasidagi kelishmovchilik sabab bo‘ldi. Bu tarixga “Tito-Stalin ajralishi” deb kirgan. O‘sha davrda hali Varshava shartnomasi ham, O‘IYK ham tuzilmagan, Sharqiy blok to‘liq shakllanib ulgurmagan edi.

1960-yillarga kelib esa vaziyat mutlaqo boshqacha tus oldi. Bu davrga kelib Sharqiy blok allaqachon shakllangan, Varshava shartnomasi va iqtisodiy ittifoqlar faol ishlayotgan edi. Aynan shunday sharoitda Albaniya Sharqiy blokni tark etdi va Varshava shartnomasi tashkilotidan chiqib ketdi.

Xitoy rasmiy jihatdan Sharqiy blok tarkibiga kirmagan bo‘lsa-da, uzoq vaqt SSSR bilan yaqin ittifoqchi bo‘lib kelgan. Biroq 1960-yillarga kelib Xitoy SSSR bilan aloqalarni uzadi.

Bu uzilishning mafkuraviy sababi 1956-yilda o‘tgan KPSSning XX syezdi bilan bog‘liq edi. Unda Stalinning shaxsga sig‘inish siyosati tanqid qilingan. Mao Szedun boshchiligidagi Xitoy rahbariyati esa bu yo‘lni kommunizmdan chekinish deb baholab, SSSR bilan uzoqlasha boshladi.

(c) Jalol BOLTAYEV

👉 @TESTLIDER

Yopiq guruhimga oxirida 20 ga yaqin odam to‘lov qilib qo‘shildi. Ular natija qilsa ham, bu menga tegishli bo‘lmaydi, ya’ni ular mening o‘quvchim hisoblanmaydi. 20 kishi qo‘shilishi bilan qabulni to‘xtatdim. Guruhdagi qolganlar esa boshidan beri o‘qiyotgan o‘quvchilar. Ulardan hech qachon kurs to‘lovidan tashqari ortiqcha to‘lov olinmaydi.

Shundan so‘ng (20 ga yaqin odam qo‘shilgach) ehtimoliy savollarni ochiq manbaga – @TESTLIDER kanaliga joylay boshladim. “Ularning yarmi tushyapti-ku”, deysiz. Xo‘p, qolgan yarmi-chi?

Masalan, “Ramzey Makdonald” haqidagi savolni dekabrdagi imtihondan bir kun oldin kanalda e’lon qilgan edim. Aslida bu ma’lumot yopiq guruhlarimda o‘sha mavzuga kelganimizda doim o‘rgatiladi. YouTube’dagi diagnostik testlarimni ko‘rganlar ham biladi: “Ramzey Makdonald – Makdonald degan fastfud bor, shunaqa eslab qoling”, deb mnemonik usulda o‘rgatib ketganman.

Natija hech qachon “oxirgi hafta”ga bog‘liq bo‘lmagan. Natija – tizimli o‘zlashtirish mahsuli. Aynan shuning uchun har bir darslik bo‘yicha 2000+ test tuzaman. Chunki mavzulashtirilgan testlarsiz “oldin o‘qilmagan” kitobni chuqur o‘zlashtirish deyarli imkonsiz.

Kim nima desa ham, yuqoridagi savollar – O‘ZIM TUZGAN SAVOLLAR. Albatta, yana kimdir ham shunga o‘xshash savol tuzgan bo‘lishi mumkin (aytaylik, DTMdagilar). Lekin men haqimda “nimaningdir ortidan soqqa qildi”, deb o‘ylayotganlar qattiq adashadi. Ochig‘ini aytsam, shu paytgacha menga kimdir 1000 dollar tutqazgan emas. Va shunisi aniqki, men shu paytgacha hech qachon “tushirib beraman”, “bir kunda natija qildiraman” degan va’dalar bilan bir so‘m topmaganman. Qariyb o‘n yillik repetitorlik faoliyatim davomida kurs to‘lovidan tashqari bir tiyin ham talab qilmaganman.

Men odamlar orasida “oxirida natija qildirib beradigan repetitor” degan profil yaratishni istamayman. Chunki haqiqatan bunday qilolmayman. Faqatgina ehtimoliy savollarni yoki kurs oxiridagi diagnostik testlarni yodlab imtihonga kirib ko‘ring – qaysi darajaga yetishingizni o‘zingiz ko‘rasiz (va yaxshiroq o‘qish kerak ekan, deb kursga qayta kirasiz).

Men har bir kitob bo‘yicha kamida 2000+ ta test tuzaman. Oflaynda bu majburiy, onlaynda esa jiddiy tavsiya o‘laroq uyga vazifa sifatida beriladi. Onlaynda ham imkon qadar ishlattirishga harakat qilaman: o‘quvchini “majburlayman”, o‘qituvchini esa sharoitini (oila, maktab) inobatga olib “tavsiya” qilaman. Aksariyat ishlaydi, ayrim o‘qituvchilar “Forms test” yoki “Quiz test” bilan cheklanadi. Lekin men testsiz natija qildira olmayman. Ayniqsa, boshlang‘ich darajadan mavzulashtirilgan testsiz o‘zlashtirishning imkoni yo‘q, deb hisoblayman.

Shu sabab o‘quvchilarim “zo‘r, kechagi ehtimoliylardan ko‘p savol tushdi” deb yozganida, “hali xulosa qilishga shoshilmang”, deb ko‘p yozdim. Natija oxirdagi harakatga bog‘liq, degan xayol – xato. Boshidayam, o‘rtasidayam, oxiridayam sifatli materiallar bilan tizimli o‘qish kerak.

Kursimga kirmoqchi bo‘lganlar shuni oldindan bilib kirsin: bu yerda har bir kitob bo‘yicha minglab testlar ishlanadi. Bu yo‘l oson emas, lekin real natija faqat shu yo‘l bilan keladi.

Men har bir kitob bo‘yicha 2000+ test tuzaman, har bir ma’lumotni tahlil qilib tuzaman. AYNAN SHUNING UCHUN HAM menga natija qildirish uchun ortiqcha narsalar umuman kerak emas.

(c) Jalol BOLTAYEV

👉 @TESTLIDER

So‘nggi 5 ta imtihonda eng yuqori natijalar Jalol BOLTAYEV kursida

📌 E’tibor bering! So‘nggi 5 ta imtihonda eng yuqori natijalar aynan Jalol BOLTAYEV kursida qayd etildi. Kurs doirasida eng yuqori ball to‘plagan o‘quvchilarga noutbuk berilishi ham va’da qilingan. Yaqinda YANGI NOUTBUK keladi!

• 12-oktyabr – REKORD (“Milliy sertifikat”) – Durdona (11-sinf, samarqandlik) – 83,87 ball (A+)

• 1-dekabr – REKORD (“Milliy sertifikat”) – Oyjamol (10-sinf, andijonlik) – 85,21 ball (A+) – birinchi urinish

• 22-fevral – REKORD (“Milliy sertifikat”) – Sevinch (10-sinf, xorazmlik) – 87,22 ball (A+) – birinchi urinish

• 23, 24-may – TOP (“Milliy sertifikat”) – Dildora Jumaniyozova (xorazmlik, o‘qituvchi, repetitor emas) – 90,00 ball (A+) – birinchi urinish

• 5, 6-dekabr – TOP (“Milliy sertifikat”) – Saboxat Atamuradova (xorazmlik, o‘qituvchi, repetitor emas) – 90,21 ball (A+) – birinchi urinish

Bu natijalar xamir uchidan patir. So‘nggi “MS” imtihonidagi 3 ta 90+ natija, olimpiadada eng yuqori natijalar, 189 ballar qaysi kursda ekanligini bilasiz-a? :)

👉 @TESTLIDER