Oldin 70 % lik ustamaga erishgan ba’zi ustozlar “qonunchilikdagi bo‘shliq” tufayli atay past ishlab chiqishni reja qilishgan ekan. Menga shu masalada murojaat qilganlarga bunday qilmaslikni tavsiya bergan edim.

O‘sha bo‘shliq tufayli vujudga kelgan tushunmovchilikka hozircha izoh berilmadi.

👉 @TESTLIDER

“HAQ OLINUR, BERILMAS”

Xullas, bugun kursimda imtihon topshirganlarning katta ko‘pchiligi xursand: ko‘pchilik 70 foizlik ustama oldi, katta ko‘pchilik toifaga o‘tdi.

O‘tgan attestatsiya imtihonida tarixchilarning o‘z haq-huquqini talab qilishi, Baholash markazining xatosini (xatolarini) ochiq-oydin ko‘rsatib, isbotlab berishi o‘z ta’sirini kuchli tarzda o‘tkazdi.

Menga “kimdir” “o‘qituvchilarimiz asli xalqaro testologiyaga tayyormas, shoshqaloq” degandi (garchand “xalqaro testologiya” aslida boshqacha bo‘lsa-da)...

P. S. Lekin bu yechimmi? Yo‘q, hali bu ham yechim emas. “Oson” degani valid (yaroqli, sifatli) degani emas, bu boradagi batafsil fikrlarimni noyabr oyida bo‘ladigan podkastda eshitasiz.

(c) Jalol BOLTAYEV

👉 @TESTLIDER

Xato qilmasanglar bo‘lmaydi-da sizlarni-a, ko‘ngillaring joyingga tushmaydi...

Ko‘rgan savollarim ichida muammoli savollar bor. Lekin bittasi rad etib bo‘lmas darajada xato tuzilgan ekan. Mayli, keyinroq aytaman, 29-oktyabrdan keyin.

👉 @TESTLIDER

Baholash markazining yana bir yondashuvdagi xatosi

O‘qituvchilarning aytishicha, “Janubi-g‘arbiy harbiy okrugga kiruvchi hududlarni aniqlang”, degan mazmundagi savol tushibdi. Variantlar quyidagicha: 1) Farg‘ona, Andijon; 2) Surxondaryo, Navoiy; 3) Buxoro, Qashqadaryo; 4) Jizzax, Samarqand.

To‘g‘ri javob sifatida noilojlikdan aksariyat o‘qituvchilar “2, 3” ko‘rsatilgan variantni belgilashgan.
Ammo bu yerda muhim jihat bor: Navoiy viloyati bugungi kunda Janubi-g‘arbiy okrug tarkibiga kirmaydi, u Markaziy harbiy okrugga kiradi. Manba: https://lex.uz/mact/-4763701

Ha, kitobda boshqacha yozilgan. Savolda “2018-yil holatiga ko‘ra” degan joyi ham yo‘q, aytaylik. Agar shunday deb yozilgan taqdirda ham baribir testologiya qoidalariga zid bo‘lardi. Chunki xalqaro testologiya me’yorlariga ko‘ra, eskirgan ma’lumotlar test mazmuniga kiritilmasligi kerak (bu mening shaxsiy fikrim emas, bu testologiyadagi mezon). Lekin hech bo‘lmasa (o‘zini oqlashlari uchun), shunday joyi ham yo‘q.

Xuddi shunday mazmundagi savollar “Milliy sertifikat” imtihonlarida ham qo‘llangan. Ammo u yerda kitobdagi eskirgan ma’lumot emas, amaldagi holat to‘g‘ri javob sifatida qabul qilingan. Bu BMBAning shaxsiy tashabbusi emas, balki testologiyaning tamoyiliga mos yondashuv hisoblanadi.

Nimayam derdik...
Test topshiruvchilarning katta qismi Baholash markazi belgilagan “to‘g‘ri javob”ni “topishgan”. Ya’ni noilojlikdan yaqin javobni olishgan. Qisqasi, 99 % “topgan”, lekin Baholash markazi yondashuvda yana xato qilgan.

Testologiya va mantiq qoidalariga rioya qilishmoqchi bo‘lishsa, mana shu savol bo‘yicha apellyatsiya berganlarga istisnosiz ball berilishi kerak, deb o‘ylayman (garchi 1 ta odam bo‘lsa ham, yuqorida aytganimdek, bu savolni ko‘pchilik noilojlikdan “topishgan”. Lekin noto‘g‘ri savolning to‘g‘ri javobi bo‘lmaydi aslida).

Assalomu alaykum!

👉 @TESTLIDER

O‘tgan gal “vestgot-langobard”lar bilan bog‘liq “xato savol” tushib, 84 ball bo‘lib qolgan bitta ustozni bilaman. Bu galam “okrug” bo‘yicha “xato savol” tushib, yana 84 ball bo‘lib qolibdi. Omadni qarang!

P. S. Agar ustozlar aytgandek tushgan bo‘lsa, savol haqiqatan xato.

👉 @TESTLIDER

👉 @TESTLIDER