1-partiya – 4:2
2-partiya – 2:0
3-partiya – 3:2

Keyingisi kim, zo‘ri bormi? Yirik hisoblarda yutgim kelmadi 😁

👉 @TESTLIDER

Shunday ish qilingki, odamlar koʻchirgisi kelaversin )

Bu haqda bir kafe misolida yorqin keys bor: Xorazmdagi “Otash kabob” degan kafe yaxshigina yangilik qildi. Keyin boshqa kafelar ham oʻsha ishni qilishni (aniqrogʻi, koʻchirishni) boshladi (albatta, sal-pal oʻzgartirib).

Lekin baribir xalq oʻsha innovatsiyani koʻrganida “Otash kabobniki kabi” deyishyapti. Oʻylashimcha, bu “Otash kabob”ning oʻsha kiritgan yangiligini jiddiy agitatsiya qila olganiga borib taqaladi. Agar agitatsiyani yaxshi qilolmaganida oʻsha innovatsiyani uning nomi bilan emas, koʻchirganlar nomi bilan bogʻlashardi. Chunki “Otash kabob” kichikroq kafe. Eng yomoni – “Otash kabob”ning oʻzi kiritgan narsani “Otash kabob koʻchiribdi-ku” deyishlarida edi. Lekin bunday boʻlmadi.

(c) Jalol BOLTAYEV

👉 @TESTLIDER

#testologiya

Savol: yuqoridagi testda testologiya jihatidan xato javoblarda bir variantning qoʻyilishi maqbul hisoblanmaydi (muammoli). Oʻsha qaysi variant va nima uchun maqbul hisoblanmaydi?

Men atayin testologiya jihatidan maqbul hisoblanmasa-da, shu variantni kiritganman (shu savolni beraman deb 🙂)

Savol ushbu qo‘llanmadan tuzilgan: https://t.me/TESTLIDER/3853

Javob: Belarus 1955-yilda SSSR tarkibida bo‘lgan, shuning uchun u mustaqil davlat sifatida Varshava shartnomasida qatnasha olmaganligi aniq. Yaʼni Belarusni xato variant sifatida qo‘yish tarixiy va mantiqiy jihatdan noto‘g‘riroq bo‘ladi. Bu yerda sharqiy blokdagi mustaqil subyektlarni qoʻyish maqbulroq boʻladi.

P. S. Yaqin oylarda bir reja qilyapman. Testologiyaga qiziquvchilar uchun bitta kurs tashkil qilaman (bepul yoki pulli. Aniq bilmayman, bepul qilsam kerak. Lekin bepul qilsam, kurs koʻrinishida emas, haftalik marafon koʻrinishida qilaman. Testologiya boʻyicha 10 yillar davomida oʻrganganlarimni, albatta, bitta marafonda yoki 2–3 oylik kursda to‘laqonli oʻrgatishning iloji yoʻq. Ammo shundayam manfaatli boʻladi).

👉 @TESTLIDER

TEZKOR TARQATING!

🔥 MILLIY SERTIFIKAT – 2025

• Juda muhim test!
• Ertaga 22:30 dan @TESTLIDER'da tahlil qilinadi.
• Ehtimoliy, namunaviy, sifatli 💯

(c) Jalol BOLTAYEV

👉 @TESTLIDER

Oflaynda minimum talab sifatida 95 % qoʻyganman. Qayta-qayta ishlash imkoniyati bor (nechanchida 95 % chiqqani muhim emas. Toʻgʻri, 60–90 % oraligʻida ishlaydiganlar ham bor...

“Milliy sertifikat”da yuqori natijalar (100/1000 emas) uchun odamlarni manipulyatsiya qilib pul ishlash emas, oʻqitish, mualliflik test tuzish kerak (qachongacha yetti uxlasangiz ham tushingizga kirmaydigan testni koʻrganingizdan soʻng uyoq-buyogʻini oʻzgartirib test qilib yo qoʻllanmangizga kiritib yurasiz...). Keyin, ikkinchidan, natija/kafolat faqat sinov (diagnostik) testlarga emas, har bir narsaning sifatli boʻlishini talab etadi.

Oflaynda ogʻizda emas, qogʻozda kafolat beriladi. Bu tizimni onlaynga ham koʻchirish harakatidaman. Hozirgi holatda ham onlayn kursimni samarali deb hisoblayman. Biroq onlaynda eng yomoni – “AXBOROT XURUJI” ekan (bu haqda hali yozaman).

Oʻzbekistonda mualliflik huquqi va etiketi ham haminqadar.

👉 @TESTLIDER

DIQQAT! DIQQAT! DIQQAT

Bugun @TESTLIDER'da videochatda tahlil qilinadigan testlar:
✅ “Milliy sertifikat”
✅ “Tarix-olimp-2023”
✅ “Tarix-olimp-2024”

⏰ Soat 20:00 da boshlanadi.

👉 @TESTLIDER

“So‘nggi Milliy sertifikat” va maxsus vebinar an’anaviy tarzda @TESTLIDER kanalida o‘tkaziladi.

Yuqorida obunachimiz faqat 1 ta variantni nazarda tutyapti.

Vaholanki, men tuzgan mana bu variantlarni ishlab chiqish (yoki ko‘rib chiqish) imtihonda sizga ancha “FOYDALI” bo‘ladi.

(c) Jalol BOLTAYEV, testolog

👉 @TESTLIDER

OʻzSSR XKS, OʻzSSR MIQ, Ministrlar Soveti, Oliy Sovet Prezidiumi, Oliy Sovet... Chalkashib ketyapsizmi? Maqolani oʻqing!

Aksariyat O‘zbekiston SSRning sobiq rahbarlari haqida yetarlicha to‘g‘ri tasavvurga ega boʻlmasligi mumkin. Internetda tarqalgan ro‘yxatlar, maqolalar va videolarda ko‘pincha bir necha mashhur shaxslarning nomi tilga olinadi, lekin aslida ularning aksariyati o‘sha davrdagi siyosiy tizimning faqat muayyan qismida ishtirok etgan, xolos. Tarix haqiqatiga chuqurroq nazar tashlasak, O‘zbekiston SSRda rahbarlik tizimi murakkab boʻlgan.

O‘zbekiston SSR yoki umuman SSSR rahbarlari haqida gap ketganda, avvalo, o‘sha davr siyosiy tuzilishini tushunish muhim. Sovet Ittifoqi tashkil topgan ilk yillarda yagona yetakchi lavozim mavjud bo‘lmagan. Masalan, Vladimir Lenin davlatni Xalq Komissarlari Soveti raisi (hozirgi ekvivalenti – Bosh vazir) sifatida boshqargan. Shu sababdan Ittifoq tarkibidagi respublikalarda ham Xalq Komissarlari Soveti raisi asosiy rahbar hisoblangan. O‘zbekistonda bu lavozimni 1937-yilgacha Fayzulla Xo‘jayev egallagan.

Biroq 1924-yilda Leninning vafoti bilan Sovet Ittifoqida hokimiyat muvozanati o‘zgaradi. Stalin Kommunistik Partiya Markaziy Komiteti bosh kotibi lavozimidan foydalanib, davlatni nazorat qilishni boshlaydi. Bu jarayon asta-sekin markazdan respublikalarga ham ta’sir qiladi va natijada O‘zbekiston SSRda ham partiya rahbarining roli keskin oshadi. Shu bilan birga O‘zbekiston SSR Oliy Soveti Prezidiumi raisi ham rasmiy jihatdan davlat rahbari maqomida qolaveradi.

Shu tariqa 1920–1930-yillarda O‘zbekiston SSRda uchta yuqori lavozim shakllangan:
• O‘zbekiston SSR Kommunistik partiyasi Markaziy Qo‘mitasi bosh/birinchi kotibi,
• O‘zbekiston SSR Xalq Komissarlari Soveti raisi,
• O‘zbekiston SSR Oliy Soveti Prezidiumi raisi.

Faqatgina Nikita Xrushchyov Kommunistik partiya birinchi kotibi sifatida o‘z hokimiyatini mustahkamlab, davlat boshqaruvini to‘liq partiyaning qo‘liga o‘tkazgandan soʻng 1960-yillarda butun Sovet Ittifoqida bo‘lgani kabi O‘zbekistonda ham partiya birinchi kotibi mutlaq yetakchiga aylangan.

1925–1937-yillarda O‘zbekiston SSR siyosiy boshqaruvi uch shaxs – Fayzulla Xo‘jayev (Xalq Komissarlari Soveti raisi), Yo‘ldosh Oxunboboyev (Oliy Soveti Prezidiumi raisi) va Akmal Ikromov (Kommunistik partiya Markaziy Komiteti bosh kotibi) tomonidan yuritilgan.

Shuningdek, bugungi kun voqeligi bilan aytganda, O‘zSSR Xalq Komissarlari Soveti “Vazirlar Mahkamasi”, O‘zSSR Markaziy Ijroiya Qo‘mitasi esa koʻproq “parlament” funksiyalariga ega boʻlgan.

OʻzSSR XKS keyinchalik Ministrlar Sovetiga, undan keyin 1990-yilda Vazirlar Mahkamasiga aylantirilgan. Uning raisi 2005-yilgacha Islom Karimov boʻlgan.
✅ Yaʼni OʻzSSR XKS → OʻzSSR Ministrlar Soveti → OʻzSSR Vazirlar Mahkamasi

OʻzSSR MIQ oʻrnida esa keyinchalik Oliy Sovet Prezidiumi tashkil etilgan. Prezidium – bu Oliy Sovetning doimiy ishlovchi organi edi. Oliy Sovet har doim faoliyat yuritmagan, faqat sessiyalar vaqtida yig‘ilgan. Davlat boshqaruvi uzluksiz davom etishi uchun Prezidium doimiy ishlovchi tuzilma bo‘lib xizmat qilgan. 1991-yilda siyosiy jarayonlar fonida Prezidium tugatilib, to‘g‘ridan to‘g‘ri Oliy Sovet faoliyati boshlangan.
✅ Yaʼni OʻzSSR MIQ → OʻzSSR Oliy Sovet Prezidiumi → OʻzSSR Oliy Soveti

(c) Jalol BOLTAYEV

👉 @TESTLIDER

Rangli formatda printerdan chiqarib oling! “Sertifikat” uchun muhim qoʻllanma!

Oʻzbekistondagi rahbar lavozimlar (1)
Batafsil va chiroyli tuzganman. Bu qo‘llanmani tuzish uchun naq 5 soat sarflaganman (grafik ishlov berish, ma’lumotlarni tekshirish va h.k. tufayli).

(c) Jalol BOLTAYEV

👉 @TESTLIDER