Hurmatli @TESTLIDER obunachilari

Kimgadir darrov javob yoza olmay qolishim mumkin. Odatda o‘qituvchi, repetitorlar testologiya, metodika borasida suhbatlashmoqchi bo‘lsa, “telefon qiling” deyman va batafsil, ochiq gaplashaman (men bilan telefonda gaplashganlar buni yaxshi bilishadi).

Abituriyentlar tarixni qanday o‘rganishi kerakligi, qanday holatda natija bo‘lishi mumkinligini so‘rashadi, ularga ham erinmasdan javob yozaman. Oxirgi vaqtlarda audioxabar yuboradigan bo‘ldim (aslida etiket nuqtayi nazaridan tanimagan odamingga audioxabar yuborish juda bir to‘g‘ri narsa emas-u, boshqalarga ham vaqt qoldirish uchun shunaqa qilyapman).

Ammo hammaga ham darrov javob yoza olmasligim mumkin, chunki ko‘plab bunday murojaatlar keladi... Ba’zi do‘stlarimiz xafa bo‘lib yozishmalar tarixini o‘chirib ham yuboradi )).

Bunday qilishga hojat yo‘q (“tarix”ning o‘chirib yuborilishi menga yoqmaydi, ochig‘i).

Yuqoridagi skrinshotlardan ko‘rishingiz mumkinki, bir kirishib ketsam, qoniqarli darajada javob beraman (o‘tgan kuni surxondaryolik 11-sinf o‘quvchisi bilan 1 soatcha suhbatlashibman). Lekin bu juda tez bo‘lmasligi ham mumkin, do‘stlar.

(c) Jalol BOLTAYEV

👉 @TESTLIDER