@TESTLIDER’da post chiqishi bilanoq birinchilardan ochib qaraydi va “dislike” bosadi 😁. Meni jiddiy kuzatadi.

Bugun bir marketolog do‘stim bilan ko‘rishib, ancha suhbatlashdik. Iyun oyidan birgalikda yangi loyiha boshlamoqchimiz. Tarixga daxldor. Qanaqa bo‘ladi, o‘xshaydimi-o‘xshamaydimi, rivojlanadimi, bilmadim... Lekin rozi bo‘ldim. Chunki mavzu o‘zimgayam qiziq bo‘ldi. Xudo xohlasa, iyun oyida boshlanadi. Qo‘llavorasizlar... Bu loyiha YouTube, Instagram, Telegramda o‘z sahifalariga ega bo‘ladi. Boshlanishida “juda sifatli” kontentlar taqdim eta olamiz, deb va’da berolmayman. Chunki bu boshlanishi...

Marketologiya haqida ham suhbatlashdik. O‘shandan bir parcha:
“Agar diniy manipulyatsiya (umuman, manipulyatsiya) obunachi yoki qiymatni karrasiga oshirib bersa ham – bunga rozi emasman”.

🎲 “«Qadimgi dunyo tarixi». 22–28-mavzular”
@TESTLIDER kanali asoschisi, testolog Jalol Boltayev testi
🖊 30 ta savol · ⏱ 30 soniya

🎲 “«Qadimgi dunyo tarixi». 29–32-mavzular”
@TESTLIDER kanali asoschisi, testolog Jalol Boltayev testi
🖊 30 ta savol · ⏱ 30 soniya

Ushbu testni 24:00 gacha ishlang!

​#darslikka_izoh #arxiv

Savol:
6-sinf “Qadimgi dunyo tarixi”da quyidagi jumlalar bor:
Mil. avv. XII asrda Janubiy Yunoniston (Lakonika) hududiga doriylar qabilasi bostirib kirdi.
Ko‘p odam Janubiy Yunonistonning yana bir nomi Lakonika deb tushunadi. “Janubiy Yunonistonning boshqacha nomi Lakonika” deyilsa, bu to‘g‘rimi?

Javob:
Yo‘q, to‘g‘ri emas. Janubiy Yunonistonning boshqacha nomi Lakonika emas. Lakonika Janubiy Yunonistondagi yirik viloyatlardan biri, xolos. U ham Janubiy Yunonistondagi Messeniya, Arkadiya kabi viloyatlardek bir tarixiy viloyat. Keyinchalik u yerda doriylar tomonidan Sparta shahar-davlatiga asos solingan. Bu xuddi “O‘zbekistonning boshqacha nomi Xorazm (yoki Toshkent, Navoiy, Buxoro va h. k.) desa bo‘ladimi?", deyotganga o‘xshaydi. Janubiy Yunonistonni “Peloponnes” desa bo‘ladi (Peloponnes – yarimorolning nomi). Darslikda ham xato berilmagan! Qavs ichidagi Lakonika doriylarning mil. avv. XII asrda Janubiy Yunonistonning qaysi hududiga bostirib kirib, u yerda o‘z shahar-davlatlariga asos solganini anglatish uchun berilgan.
Biron-bir so‘z yonidagi qavs ichida berilgan so‘z har doim ham uning boshqacha nomi bo‘lavermaydi. Xaritani ko‘rishingiz mumkin.

👉 @TESTLIDER – Jalol BOLTAYEV