Kechagi “Milliy sertifikat” diagnostik testimizdan namuna

👉 @TESTLIDER

Tarixiy sulolani aniqlang.
Ushbu sulola tarixda eng uzoq hukm surgan turkiy sulolalar ichida ikkinchi o‘rinda turadi. Sulolaning kelib chiqishi XIII asr birinchi yarmida O‘rta Osiyoga kelib o‘rnashgan qabilaga borib taqaladi. Ushbu sulola o‘rta asrlarda shimolda Ili daryosi va Orol dengizidan janubida Fors qoʻltigʻiga qadar, sharqda Xitoy va Hindistondan gʻarbda Qora dengizga qadar ulkan maydonni egallagan davlatni boshqargan.
A) usmoniylar B) qoraxoniylar
C) shayboniylar D) temuriylar

***
Hurmali obunachilar, ushbu savolning javobi “temuriylar”. Bu savolda testologiya (yoki tarixiylik) jihatidan hech qanday xatolik yo‘q. Tarixiy tafakkuringizni ishga solib, darsliklardagi ma’lumotlarni ham eslab, biroz muhohaza yuritilsa, savolning javobi yaqqol namoyon bo‘ladi.

Savolni tahlil qilamiz:

A variantidagi “usmoniylar” javobi mutlaqo to‘g‘ri kelmaydi. Savolda sulolaning kelib chiqishi O‘rta Osiyoga borib taqalishi aytilgan. 7-sinf “Jahon tarixi”dan bilamizki, usmoniylar sulolasi Kichik Osiyoda shakllangan.

B javobidagi “qoraxoniylar” ikkilantirishi mumkin. Lekin bu sulola ancha oldinroq tashkil topgan. 7-sinf “O‘zbekiston tarixi”da XI–XII asrlarda Xoqoniya davlati kuchayib, “Qarluq-Qoraxoniylar” davlati nomini olganligi haqida ma’lumot ham keltirilgan. Ya’ni savoldagi chegaralardan tashqari davr nutqayi nazaridan ham “qoraxoniylar” javobi to‘g‘ri kelmaydi.

C variantidagi “shayboniylar” javobi ham biroz ikkilantirishi mumkin. Shayboniylar sulolasiga ham XIII asrda Jo‘jining o‘g‘li Shaybon tomonidan asos solingan. Shayboniylar sulolasi hukm surgan davlatlar savolda so‘ralgan sulolaning o‘rta asrlarda hukmronlik qilgan davlati chegaralariga to‘g‘ri kelmaydi.

Endi D variantidagi “temuriylar” javobini ko‘rib chiqamiz:
“Ushbu sulola tarixda eng uzoq hukm surgan turkiy sulolalar ichida ikkinchi o‘rinda turadi”. Haqiqatan, temuriylar sulolasi 1370–1858-yillarda hukm surgan. To‘g‘ri, O‘rta Osiyoda temuriylar sulolasi XVI asr boshlarida yo‘q bo‘lib ketadi. Biroq, 1526-yilda temuriy Zahiriddin Muhammad Bobur Hindistonni zabt etib, yana bir bir temuriylar davlatini barpo etadi. Tarixchi olimlar tomonidan boburiylar sulolasi ham temuriylar sulolasi sifatida e’tirof etiladi. Shu tariqa temuriylar sulolasi “tarixda eng uzoq hukm surgan turkiy sulolalar ichida ikkinchi o‘rinda turadi” (1-o‘rinda usmoniylar: 1299–1922-yillar, 620 yildan ziyod; 2-o‘rinda temuriylar: 1370–1858-yillar, 480 yildan ziyod).

“Sulolaning kelib chiqishi XIII asr birinchi yarmida O‘rta Osiyoga kelib o‘rnashgan qabilaga borib taqaladi”. 7-sinf “O‘zbekiston tarixi”dan bilamizki, Amir Temur barlos urug‘idan bo‘lgan. Barloslar Chingizxon hujumlari (XIII asr) davrida O‘rta Osiyoga kelib o‘rnashganlar. Bu fakt.

Siz ham “Amir Temur mo‘g‘ullardan-mo‘g‘ullardan emas, Chingizxon avlodi-avlodi emas”, degan “mahalliy bahs”larni eshitgan bo‘lsangiz kerak. Men bu haqda biron nima demayman. Lekin barloslar XIII asrda O‘rta Osiyoga kelib o‘rnashganligi fakt. Yuqoridagi mavzu sizga qiziq bo‘lsa, olimlar ishtirokidagi professional podkastlarni tavsiya etaman: «Qurultoy» (YouTube)

“Aynan bu jumlalar darslikda yo‘q-ku” degan gap eng yemagan argument. Ko‘rib turganingizdek, darsliklardagi ma’lumotlardan foydalanib, biroz mulohaza yuritib, tarixiy tafakkurimizni ishga solib to‘g‘ri javobni topib oldik (hali savoldagi “chegaralar”ni aytmasa ham...). “Diagnostik test”imizda faqat 1 ta savol “100 % faktik” va faqat xotiraga asoslangan edi (“mobad” haqidagi). Bu savolni qo‘yishimizning ham yetarlicha sababi bor edi. Bu haqda keyinroq aytaman.

(c) Jalol BOLTAYEV – tarixchi repetitor, testolog.

👉 @TESTLIDER

Yana navbatdagi, yangi onlayn guruhimizni ochyapmiz. Darslar 10-apreldan boshlanadi. “Quadro” jamoasining barcha ustozlari – Bahrom Hikmatov, Ilyosxo‘ja Bekmirzayev, Azizjon Alijonov, Husanboy Xoldorov, To‘lqinbek Ro‘zmatov va men – Jalol Boltayev dars beradi. Natijaga yo‘naltirilgan ta’limni xohlasangiz va tizimimizga mas’uliyat bilan yondasha olsangiz, qo‘shiling.

Qabulda: @Xoldorov_Husanboy

👉 @TESTLIDER

⚡️HURMATLI FARG‘ONA VILOYATI TARIXCHILARI!

📌 4-APREL
⏰ SOAT — 9:00 da
📍BAG‘DOD TUMANI, "NOBEL O‘QUV MARKAZI" binosida

— Yaqinda o‘tkaziladigan (7-aprel, yakshanba kuni) Tarix fanidan milliy sertifikat imtihoniga tayyorgarligingiz darajasini aniqlash uchun zo‘r imkoniyat taqdim etamiz!

— Tarix fanini o‘qitish xususida o‘ziga xos auditoriyaga ega ikki ustoz Hikmatillo Qurbonov va Azizjon Alijonovlar tomonidan "MILLIY SERTIFIKAT» DIAGNOSTIK testi tashkillanmoqda!

⚡️ Ushbu diagnostik testda qatnashish orqali siz bilimingizni sinovdan o'tkazishingiz va mustahkamlashingiz, shuningdek, ehtimoliy bo'lgan savollarga ega bo'lishingiz mumkin.

💳 Ushbu test sinovida ishtirok etish narxi — 40, 000 so'm! To'lov ikki xil usulda amalga oshirilishi mumkin!
— Naqd va klik orqali...

✅ Karta: 8600130989995131 (Azizjon Alijonov nomida)

🔥FARG‘ONALIK TARIXCHILAR GURUHIGA ULANIB OLING:
👉 https://t.me/+9bHjkzJzIElkODhi

Umumiy sovrin 1 200 000 so‘m bo‘lgan tanlov (test) sizni kutmoqda...

👉 @TESTLIDER

💎 «QUADRO» jamoasi ustozlari tomonidan 5-aprelda, bu «sertifikat yili» uchun so‘nggi «MILLIY SERTIFIKAT» diagnostik testi tashkillashtirilmoqda! Bu gal yuqori o‘rinlar uchun 1 mln 200 ming so‘mlik sovrin ham ajratilgan.

✅ 7-apreldan oldin:
• «Milliy sertifikat» savollari qolipini ko‘rib olasiz;
• ehtimoliy testlarni ishlaysiz;
• tayyorgarlik darajangizni sinab ko‘rasiz;
•💵pul yutib olishingiz mumkin.

✅ Test yakunlangach, test tahlili ham bo‘lib o‘tadi, unda test ishlash taktikasi va sirlari, nimalarga e‘tibor berish kerakligi tushuntiriladi.

😀 Keyin «QUADRO»ga rahmat aytasiz :)

Ro‘yxatdan o‘tish uchun:
@Xoldorov_Husanboy
To‘lov: 40 ming so‘m

👉 @TESTLIDER

Rash modeli asosida hisoblash tartibi

E’tibor bering. Siz B+ darajasini olsangiz ham yaxshi ballga ega bo‘lishingiz mumkin.

Masalan, 64,9 ball (B+ daraja) oldingiz, sizga imtihonda 92,86 ball beriladi.

60 ball (bu ham B+ daraja) olsangiz – 85,70 ball. Yomon emasdek.

A+ (70–75 va undan yuqori) va A (65–65,9) esa tabaqalashtirilmagan tarzda MAKSIMAL ball beradi.

Yuqoridagi gaplarim faqat 1-blok uchun.

Rash modelida eng yuqori ball shartli ravishda 75. Aslida undanam yuqori bo‘lishi mumkin. Bu auditoriyaga bog‘liq.

👉 @TESTLIDER

«“Qamariddin”dan tushdi», «eski darsliklardan tushdi», «konstitutsiyadan tushdi», «darslikdan tashqari tushdi», deb apellyatsiya berish foydasiz.

Qonunchilikkka ko‘ra, test topshiriqlari muayyan darsliklardan emas, o‘quv dasturlari asosida tuziladi.

Bu gapga meni yomon ko‘rib o‘tirmang. Qonunchilikda va testologiyada* shunday, agentlik rasmiylari ham xuddi shunday javob berishgan.

*Testologiyada shunday, ya’ni test muayyan o‘quv darsliklari bilan cheklanmaydi. Test tuzishda o‘quv dasturlari doirasidagi istalgan adabiyotdan foydalanilishi mumkin. Lekin testologiya bo‘yicha test talabgorning faqatgina xotirasini sinamasligi kerak.

(c) Jalol Boltayev

👉 @TESTLIDER

👉 @TESTLIDER – Jalol BOLTAYEV sahifasi

Mana bu diagnostik testda yangi 7-sinf “O‘zbekiston tarixi” darsligidan bitta “mobad”ni qo‘yganga shuncha malomat qilgandingiz 🥲, “yangi darslikdan tushmaydi-ku”, “100 % faktik-ku”, “bu ma’lumotni o‘qimagan bo‘lsak, umuman topib bo‘lmaydi-ku”, deb... Bu shunday tipdagi 1 ta savol edi... Qolganlarida mantiqiylik va/yoki tarixiylik mavjud edi.

Savol “100 % faktik” va faqat xotiraga asoslanib, “murakkab” bo‘lishidan ko‘ra mantiqiy va/yoki tarixiy-mulohazali bo‘lib, “murakkab” bo‘lgani yaxshi.

Har ikkala joyda murakkab so‘zini qo‘shtirnoq ichida yozganimning sababi bor...

(c) Jalol Boltayev

👉 @TESTLIDER