👉 @TESTLIDER

Repetitorlik faoliyatim davomida tarix va geografiya fanlarini "kafolatlangan natija" (repetitor/abituriyent huquq va majburiyatlari asosida) tizimi bo'yicha o'qitib kelganman.

O'tgan o'quv yili huquq fanidan imtihonning hali birinchi yili bo'lganligi uchun huquq faniga bu tizimni joriy etmagan edik.

✅ Endilikda HUQUQ fanidan ham "kafolatlangan natija" tizimini yo'lga qo'ymoqchiman.

Shartnomaning mohiyati hamda qoidalari har bir abituriyentga yoki mas'ul shaxsga ko'rsatiladi, tushuntirib beriladi, imzolanadi.

Repetitor: JALOL BOLTAYEV
Telefon: (97) 299-00-66
Manzil: "Arastu" o'quv markazi, 3-qavat, 3-xona
Mo'ljal: "Hyundai" avtosaloni
Telegram kanal: @TESTLIDER

0/7

Shu yerda turib tursin )

Men har doim yangiliklar tarafdori bo'lganman. O'zimni g'oyaviy jihatdan liberal-sotsialist deb hisoblayman.

Lekin chuqur o'rganilmagan fikrimga ko'ra, alifboning o'zgartirilishi to'g'ri qaror bo'lmagandek tuyilyapti. Bu ommaning savodsizlanishiga olib kelishi mumkindek go'yo. Shuningdek, islohotning real zarurati va ilmiy asoslarini ko'rmadik (yoki keng tarqatilmadi). Bilmadim, fikrim keyinchalik o'zgarishi ham mumkin. Hozircha shunday tuyilyapti.

Hammasi o'tkinchi, dunyodan o'tamiz biz ham,
Sovuq yerning bag'rida jim yotamiz biz ham,
Hech chekmangiz g'am,
Bo'lmasin ko'zlaringiz nam,
Hayot davom etadi bizsiz ham.

Bilmayman, oldinda nima bor,
Yozaman yana nechta qator,
Necha yil kutib ishda xatoying,
Balki boshqacha yo'nalishda xato.

Balki ovozim eshitilmay qolar,
Men haqimda yozilmaydi maqola,
So'zlarimga yopishadi xatolar,
Ishlarimdan topishadi xatolar.

Yozilib har xil bayonotlar,
Bo'larman balki yomonotliq.
Nima bo'lganda ham ishonaman:
Baribir chiqadi qanotlar!!!
O'lmaydi biz boshlagan ishlar,
Baribir bo'lar o'zgarishlar,
Odamlar nima desa desin,
Haqiqatni eslab qolar tanishlar...

Ular eslab qoladi niyatimni...
Nima uchun intilganimni...
Qadrlab samimiyatimni...
Unutmas maqsad deb bilganimni...
Nimalarni o'ylaganimni...
Nima uchun kuylaganimni...
Pul yoki boshqa narsalarni INSONLARIMDAN ustun qo'ymaganimni...

Hammasi o'tkinchi, dunyodan o'tamiz biz ham,
Sovuq yerning bag'rida jim yotamiz biz ham,
Hech chekmangiz g'am,
Bo'lmasin ko'zlaringiz nam,
Hayot davom etadi bizsiz ham.

(c) Konsta

Tarix fanidan milliy sertifikat imtihonlari sanasi belgilanibdi.

Test sinovi: 3-dekabr
Ro'yxatga olish: 13—19-noyabr

👉 @TESTLIDER

Kanalimizda agar repetitorlar bo'lsa, aynan repetitorlarga to'g'ri keladigan printer tavsiya qiling.

Wi-fi orqali ulanadigan (ya'ni simsiz), suyuq siyohli printer bo'lsa, yaxshi deb o'ylayman.

Bugun printerim o'z faoliyatini yakunladi. )) Qariyb 6 yil xizmat qildi. Xizmatidan roziman ) Epson M200 edi.

@JalolBoltayev

"Arastu" o'quv markazi.

👉 @TESTLIDER

 Ustoz... Bayramingiz muborak bo‘lsin!
Men uchun eng ulug‘ kasb – O'qituvchilik!

Barcha ustozlarimizni 1-oktyabr – "O‘qituvchi va murabbiylar kuni" bilan tabriklayman.

Oilangizda xotirjamlik, hayotingizda sog‘lik, baxt, ishingizda rivoj doimo hamroh bo‘lsin!

ⓒ Jalol BOLTAYEV

👉 @TESTLIDER

Bizga nima muhim: darsliklardagi quruq raqamlarni yodlaydigan avlod kerakmi yoki fikrlaydigan avlod kerakmi? Mana shu narsani ham aniqlab olishimiz kerak.

(c) Komil Jalilov

Professor Baxtiyor Mengliyev yaxshi taklifni ilgari suribdilar...

To'liq qo'shilmayman-u, mantiqli fikr ekanligini e'tirof etaman. Ayniqsa, to'rtinchi xatboshidan boshlangan fikrlar juda o'rinli.

O'quvchilarga berilayotgan uy vazifalari maqsadli bo'lishi uchun ta'limning o'zi maqsadli bo'lishi kerak: har bir fanni nima uchun o'qityapmiz, qanday ko'nikmalarni rivojlantirmoqchimiz — shu savollarga aniq javoblar bo'lishi kerak. Bu savollarga aniq javob bo'lmagandan keyin, asosiy e'tibor shaklbozlikka, topshiriq "qiziqarli" ko'rinishiga qaratilaveradi.

📝 Komil Jalilov — London universiteti (UCL) bitiruvchisi, taʼlim boʻyicha ekspert.

***

👉 @TESTLIDER

Bu odam bir vaqtlari sobiq DTMda ham ishlagan. "Baholash nazariyasi asoslari (testologiya, pedagogik o'lchovlar)" nomli kitobi bor. Shu kitobni o'qib chiqishingizni tavsiya etaman.

Ta'lim bo'yicha kuchli mutaxassislardan biri.

#huquq

8-sinf O‘zbekiston davlati va huquqi asoslari darsligidagi topshiriq (93-sahifa)

Saylovlarda qatnashish – birlamchi navbatda huquq normasi. Keng ma’noda nafaqat huquq normasi, shuningdek axloqiy mas’uliyat hamdir. Huquqiy, demokratik davlat fuqarosi o‘z ovozi orqali jamiyat va davlatning kelajagiga ta’sir eta oladi. Munosib nomzodni tanlash va unga ovoz berish fuqaroning axloqiy mas’uliyati hisoblanadi.

Soliqlarni o‘z vaqtida to‘lash – birlamchi navbatda huquq normasi. Keng ma’noda soliqlarni o‘z vaqtida to‘lash axloq normasi hamdir. Biz to‘lagan soliqlar davlat byudjetini tashkil etadi. Davlat, masalan, soliqdan keladigan mablag‘ orqali ijtimoiy jihatdan himoyaga muhtoj qatlamga yordam beradi. Shuning uchun ham huquqiy, demokratik davlatlarda soliqlarni o‘z vaqtida to‘lash axloqiy mas’uliyat hamdir. Huquqiy, demokratik davlatda har bir inson soliq to‘lash orqali o‘z davlatining iqtisodiy rivojlanishi, infrastrukturasi, ta’limi va boshqa sohalariga hissa qo‘shadi.

Ota-onalarga g‘amxo‘rlik qilish – farzandning ota-onasiga g‘amxo‘rlik qilishi kerakligi jamiyat tomonidan, avvalo, axloq normasi sifatida qabul qilinadi (ayniqsa, bizning jamiyatda). Shuningdek, ota-onaga g‘amxo‘rlik qilish ko‘pgina davlatlarda huquq normasi hamdir. Jumladan, Konstitutsiyamizning 80-moddasida “Voyaga yetgan mehnatga layoqatli farzandlar o‘z ota-onalari haqida g‘amxo‘rlik qilishga majburdirlar”, deya belgilab qo‘yilgan.

Axloq haqida nisbatan kengroq tushunchaga ega bo‘lish uchun: https://en.wikipedia.org/wiki/Morality

Topshiriqdagi xulq-atvor normalarini siz qanday ajratdingiz? Izohlarda qoldiring, derdim-u, muhokama guruhi ochmaganman-da 🙂

👉 @TESTLIDER — repetitor Jalol Boltayev sahifasi

e'tirozlar bo'lsa, shaxsiyga yozishingiz mumkin ))