#تعميم

*) امتحان الاشعة العملي النهائي بيكون السبت 23 يناير 2021 .

*) امتحان الاندو النهائي بيكون الإثنين 25 يناير 2021 .

#عبدالرحمن_دائل

#تعميم

*) نزول درجات الاورثو العملي ....

*) د. سليم يبلغكم تحياته ويقول لكم

"الي يشوف أنه مظلوم بالكويز
أنا قد راجعت الدرجات حقه
وضفت له درجة بالأمتحان النهائي

أنا قد زوت الكل بالدرجات
أي واحد بيراسلنا ويراجع
بينقص الدرجة الي ضفتها له "

#عبدالرحمن_دائل

مساء الورد 🌹
Cons 3
نعطيكم شرح مبسط لشيت
Pulpal & peri radicular disease😊

الشيت هدا حلو ومش حلو😂
حلو لانه فيه امراض عالpulp بشرح قصير ومختصر 😍
ومش حلو لان يفكر فينا بأورال باثو 1🙄

حنقسمو الشيت ل3 اجزاء :
● الجزء الاول🍃 :
يحكي ع introduction للشيت
ويحكي ع استجابة الpulp للسوسة
ويحكي ع الاخطاء اللي ممكن يرتكبها الدكتور وتسبب ضرر للpulp

●الجزء الثاني 🍃:
يحكي ع حالة الpulp في ال normal و كيف نشخصوه لما يصيبه التهاب (pulpitis) وكيف نعالجوه .

● الجزء الثالث 🍃:
يحكي عالامراض اللي تصيب
periapical area
يعني حنتكلمو عال
periapical disease😊

#cons3
#souror_tareq
#pulpal_and_periradicular_disease

بسم الله الرحمان الرحيم💖
نشرحلكم مقدمة الشيت
● introduction:
الامراض حيكون عندها اعراض ، ولما انديرو كشف او اختبار للامراض هذي حتعطيني اعراض مختلفة .
فالطبيب والشاطر بالذات لازم تكون عنده دراية بكيفية التمييز بين الامراض هذي عن طريق الاعراض الناتجة من الاختبار او الكشف اللي هو داره .
فالطبيب المفروض يقدر يميز بالاعراض اللي تحصل عليها بين ال
pulpal & periradicular problems
عن اي مرض اخر 😌👌.

غالبا غالبا غالبا يكون الغزو البكتيري للpulp هو المسبب الرئيسي لالتهابه
Major etiologic category 🍃
ركزو عليها النقطه هادي👆🏼
لكن في مسببات تانية تسبب ضرر للpulp زي متلا عندنا حشوة غلط او اصابة فالسن نتيجة (خبطة_طيحه_بونية👊) او نتيجة علاج الاسنان بمواد كيماوية او ليزر او حتى ارتفاع درجة الحرارة او حتى استعمال اشعاع عالسن ممكن يكون سبب لاصابة الpulp بالضرر والتهابه ، فمش البكتيريا بس اضره لكن هي المسبب الرئيسي والغالب يعني حتى
_restorative treatment
_traumatic injury
_non endodontic pathosis
_radiation therapy .
ممن تسبب ضرر للpulp .

نتكلمو توا ع استجابة الpulp للسوسة😎
● response of the pulp to dental caries :

البكتيريا هي المسببة لاغلب امراض الpulp 🔥 معلومة مهمة متنسوهاش
مكتوبة فالشيت بالخط العريض .
Bacteria are responsible for most pulpal disease.
قالك ان السوسة وحتى التهاب السن اللي صاير تحتها غالبا مصدره ميكروبي
Microbial in origin .

طبعا نعرفو ان السوسة اساس تكونها هو تغير ال PH فالفم ونشاط النورمال فلورا normal flura وكل ماكبر الكافيتي امتع السوسه فالسن كل ماقرب الخطر عالpulp ولما يوصله الخطر حيصيرله التهاب ...
ف راس الشر من تكون السوسه والتهاب اللب هو البكتيريا😤 microbial origin

قالك حتي الضرر اللي يصير للpulp تحت الحشوات restorations سببه ميكروبي ومش بسبب سمية الحشوة
لان لما يكون عندي microleakage حتكون البكتيريا وافرازاتها موجودة بين الحشوة والدنتين .
🍁 المهم المصايب كلهم احشوهم فراس البكتيريا بالدرجة الاولى 😅🤣

باه توا البكتيريا هادي اللي سببتلي ضرر لل pulp منو مصدرها الاساسي ؟؟؟؟
مصدرها الاساسي هو السوسة نفسها لان السوسة كتلة بيئية ومعسكر من البكتيريا وافرازاتها 😷😷 فطول ماهي موجودة فالسن حتكون مصدر للبكتيريا وسبب في ضرر الpulp.

قالك ان البكتيريا اللي تنمو فالبيئة الحامضية acidogenic bacteria حتتكون تحت ال biofilm of dental plaque خصوصا لما تكون البيئة مناسبة لنموها وللايض امتاعها ، هدا علاش لازم نحافظو ع درجة الPH امتاع الفم ومنخلوهاش حامضية باش متتكاترش فيها البكتيريا هادي وتكون 👈سوسة 👈 واتسببلي ضرر للpulp.

● Bacteria & their products can reach the pulp from other sources :
مش السوسة بس اللي تكون مصدر للبكتيريا ومنتجاتها ، لكن هي المصدر الرئيسي غالبا ، المهم في مصادر تانية متلا :
_ Annomalous crawn morphology
كراون فيه خلل فالشكل امتاعه وتصميمه غلط متلا ومش good fitting ف حيوفر
accesse way
للبكتيريا باش توصل للسن ومن ثم الpulp.

_fractures & crackes
كسور او شقوق فالسن متلا 🔨
هدا كله حيسبب تراكم البكتيريا فالشقوق وبالتالي وصولها للpulp واديرلي pulpitis.😔

●periodontal disease :
الامراض اللي تصيب الانسجه المحيطة بالسن🦷 حتى هي ممكن تسبب ضرر للpulp كيف؟؟
لان البكتيريا اللي تكون موجودة فال
biofims
المتكون ع سطح الجذر
(in peridontal pocket )
ممكن تفرزلي سموم toxins والسموم هادي تخش للpulp عن طريق القنوات الجانبية lateral canals الموجودة فالجذر او ممكن تخش حتى عن طريق ال dentinal tubules وتسببلي
Pulpitis 😔

●Blood stream (anachoresis)
طبعا الpulp عبارة عن نسيج ضام فيه اوعية دموية يمر من خلالها الدم .. فحتى الدم ممكن يكون متلوث بالبكتيريا ويسببلي التهاب للpulp.
Bacteria in circulating blood may be deposited in the pulp.

● less common pulpal respons: calcification & resorption :
النقطه هادي تتكلم عالاشياء اللي ضررها يكون بسيط عاللب او ممكن الpulp ميستجيبلهاش وميديرش رد فعل ضدها مثلا عندي ذوبان resorption او تكلس calcification فاللpulp ، فنادرا مايسببولي التهاب فيه .


#cons3
#souror_tareq
#pulpal_and_periradicular_disease

●iatrogenic effects on the
dental pulp :
توا الفقرة هادي عبارة عن نقاط ونحسهم مهمات🌹 افهموهم واحفظوهم ، ع فكرة هما حلوات 😍
تحكي الفقره هادي عالاخطاء اللي ممكن يرتكبها الدكتور بدون وعي او بدون اراده منه ولكن للاسف ممكن تسببلي ضرر للpulp او التهاب فيه :
1_ local anasthesia:😊
التخدير الموضوعي ممكن يسببلي نقص في تدفق الدم للpulp بتقريبا 1/2 التدفق الطبيعي لانها معضمها يحتوي ع vasoconstrictors فالمشكله وين؟
انه ممكن نعطو المريض اكتر من جرعة من المخدر ويصيرله
pulpal necrosis😕
نتيجة نقص تدفق الدم فلازم ناخدو بالنا👌.
2_cavity/crawn preration :
هHeat .... الحرارة مشكلة من المشاكل الكبيرة اللي ممكن تواجه الpulp😞 لان الارتفاع البسيط في درجة الحرارة للسطح الخارجي من السن ممكن انه يسبب ارتفاع في درجة حرارة الpulp لدرجه انه يسببله ضرر .😥

الحرارة ممكن تجيني خلال عملية البريباريشن اثناء :
■ cutting dentin ....🌹
وتعتمد كمية الحرارة الناتجة علي
🍃Sharpness of the bur
حدة البير (علاقة طردية)
🍃Amount of pressure exerted on the bur
كمية الضغط عالبير (علاقة طردية)
هدا علاش يقولنا ديرو بريباريشن منغير قوه باش ماتتولدش حراره
🍃Length of time the cutting instrument contacts tooth structure .
طول المدة اللي قعد فيها البير ملامس لسطح السن (علاقة طردية)
.. هدا علاش يقولونا وقفو مره مره متقعدوش متواصلين فالبريباريشن
So the preparation should be interabted not continued to prevent pulp damege .


■laser beams ....🌹
وايضا الحرارة الناتجه من اشعاع الليزر اللي نسلطو فيه عالسن ممكن تسبب
Pulp damage
فلازم نركزو عالمدة ومنتزاوجوهاش

3_etching dentin/smear layer🍁
عملية الetching يعني لما نستعملو adhisive عالدنتين مش الاينامل فقالك لما يكون سمك (RDT) يعني سمك الدنتين السليم المتبقي
remainant dentin thickness
اقل من 300m.ml🍁 ممكن يصيرلي Pulpal damage لما ندير etching.

وحتى الsmear layer 😳 و هي الغبرة المتطايره خلال عملية البريباريشن واللي تتكون من انسجة السن والكاريس وممكن بقابا حشوه ، وطبعا حيكون فيها حتى بكتيريا، فهي حتكون مضره للسن فلازم انضفو السن كويس من الطبقه هادي بعد منكملو البريباريشن لان بقاءها ع سطح السن او تحت الحشوه ممكن تسببلي في recurrent caries 🙂 .

4_ vital tooth bleatching:🤗
ممكن يكون استعمال
hydrogen peroxide
سبب في تكون الحرارة.

هكي نكونو كملنا اول جزء من الشيت😊 بسيط وحلو لو فهمتوه حتقدرو تحفظوه 😍 شوية وانزل شرح الجزء الثاني .
موفقين يارب🌹❤
#cons3
#souror_tareq
#pulpal_and_periradicular_disease

الجزء التاني من شيت
Pulpal & periradicular disease
يتكلم علي الpulp وكيفية تشخيصه في حالة اصابته بالالتهاب وكيفية علاجه 🤗

الpulp في حالته الطبيعية يكون
Asymtomatic
يعني مفيشي اعراض
Respond normaly to pulp testing
يعني تكون عنده استجابة طبيعية لما نديروله اختبار حيوية اللب الالكتروني
Electrical pulp tester (EPT)
والسن تكون خالية من السوسه
Free of caries
وايضا مفيهاش عيب فالتكوين
Free of developmental defect
ومفيهاش شقوق no crackes

ولما نشوفوها في الx_ray يعني radiographically :
تكون الانسجة والعظم حوالين الجذر طبيعية
Normal periradicular tissues
و سمك الpdl يكون طبيعي مع
Intact lamina dura .

في حالة اصابة السن بالضرر بأي عامل من العوامل اللي ذكرناهم قبل حيصيرله التهاب يسمى pulpitis.🤗
وفي منه نوعين :
1_reversable pulpitis🍁
2_irreversable pulpitis🍁
وهدا فيه منه نوعين symtomatic و asymtomatic .

نحكو توا ع اول نوع
● Reversable pulpitis :

1_🍃 عنده عدة اسماء منها
focal reverable pulpitis _ pulp hyperemia.
يعني التهاب متموضع وفيه فرط في الدم.

2_ 🍃السبب امتاعه
dentinal hypersensitivity
او pulp irretation.

3_🍃ممكن يكون بدون اعراض asymptomatic او فيه اعرض خفيفه ومؤقته
Miled/moderat/transient symtoms.
عكس الirreversabale اللي اعراضه تكون sever حادة جدا ومدتها اطول prolonged .🙂

4_🍃يكون الpulp حساس للتغيرات في درجة الحرارة خصوصا الحاجة المسقعه وللحلو
Sensitivity to thermal changes (cold)&(sweet).
عكس ال irreversable يكون حساس اكتر للheat .

5_🍃 لان الpulp قاعد حي vital فحيكون فيه pain to tactil stimulation وفي الم خلال المضغ
pain on chewing .

6_🍃 الميزة اللي عند الreversable pulpitis واللي تميزه عن ال irreversable pulpitis هي انه الالم يوقف لما انحو العامل المسبب ليه يعني
Pain subsides with removal of the irretant or stimuluse.😊
عكس الirreversable اللي حتى لو نحينا العامل المسبب للالم حيقعد الالم لحوالي 20/30 ثانية .😔

7_ه🍃dentinal hypersensitivity is form of reversable pulpitis
يعني واحد عنده حساسية اسنان (اللي نعرفوها كلنا) ف هادي نوع من التهاب السن التراجعي reversable .
8_🍃 لما ناخدو x_ray للسن حنلقوها normal ومفيس خلل في الانسجة😍 .

9_🍃 تحت الميكروسكوب يعني
Histopathologicaly
حنلقو عندنا vasodialation
وبالتالي نقص في blood flow وممكن يصير زيادة فالتركيز hemoconcentration وتصيرلي thrombosis جلطة فالوعاء الدموي الصغير امتع السن ويموت العصب 😥.
وحنلقو صاير خروج للRBCs وWBCs من الوعاء الدموي يعني صاير
Extravasation of RBCs & diapedesis of WBCs .😊
وممكن نلقو عندنا reparative dentin متكون باش يعوض الدنتين المفقود .💪

🌹🌹🌹 therapy ......

1_لازم نحافظو ع نظافة الفم كويس باش نوقفو نمو السوسه
Good oral hygien to preven development of caries.
2_ لازم نمشو نديرو حشوة بسرعه لو تكون عندنا cavity من السوسة (حفرة)
Early filling once caries cavity has formed.
3_نديرو معجنون اسمه
hyper sensitization past
في مناطق اللي فيهم gingival recession لانه حيكون الجذر متعري :
Desensitization of the cervical area of the tooth when ther's gingival recession.
4_في حالة deep cavity نديرو varnish او cement متلا كالسيوم هيدرواكسيد او direct pulp caping باش يخدمو ك liner قبل الحشوه ويحمولي ال pulp .
5_ في حالة ال
dentinal hypersensitivity
يعني الاسنان الحساسة مجرد انه انحو المسبب حتتنحى الحساسية يعني
Just remove the noxious stimulus .😊

ملخص العلاج هو انه ممكن ادير :
•good oral hygien
•direct pulp caping
•filling
•crawn
___________
توا نحكو علي
● irreversable pulpitis :

1_إلتهاب اللب الغير تراجعي حتكون اعراضة حادة sever وmore intense
2_السن قاعدة تستجيب للEPT يعني vital
Tooth still respond to EPT.
3_ الالم يكون حاد ومستمر حتى بعد ازالة العامل المسبب يستمر لحوالي 20_30 ثانية
Continuous or prolonged pain even after removal of stimulus.
4_يتولد الالم بشكل ذاتي يعني مش ضروري يكون فيه مسبب فمرات المريض ينوض فالليل يتوجع عادي بدون سبب يعني Spontaneous pain .
5_الالم حيخلي المريض فايق او ممكن يفيقه من النوم لانه حاد هلبا .
pain keeps the patient awake or awake him/her.
6_ الالم يزيد لما المريض يرقد او يتكى او يغير وضعية جسمه
Pain increas when the patient laies down or change in body position.

#cons3
#souror_tareq
#pulpal_and_periradicular_disease

7_السن تستجيب للheat خصوصا والالم يتحول بالcold هدا نسموه عرض كلاسيكي يعني المريض ياخد حاجه سخونه يحس بألم ياخد حاجه مسقعه يخف عليه الالم
Painfull response to heat that's relieved by cold is a classic symptom.
8_حتكون السن normal فالx_ray
9_ فالحالات المتأخرة ممكن يكون فيه micro abcess يعني ال
pulp undergoes lequefaction & necrosis .
البلب بيموت يحتضر خلاص 😭😥

🌹🌹🌹therapy ......

1_ الحالة هادي تعتبر حالة طارئة emergency case لان المريض يوصل للعيادة تاعب سنه تسطر ومش راقد الليل والالم حاد .😳😥😥
فلازم يكون الدكتور عنده خطة علاجية emergency treatment plane في دماغه واتية وطبعا نتيجة لخبرته 😍😍 وضروري يطبقها عالمريض قبل ميخليه يروح before dischage مش يقوله هاك مضادات حيوية خودهم وكان متت تعالالي 🙄🙄
لان الirreversable pulpitis ميصبرش ممكن الحالة تتفاقم ويخش في pulp necrosis واحتمال يفرز bus ويتحول ل abcess وينتفخ وجهه ومن مشكله لمشكة😱😱😱
So pulpitis will not pass with an abtibiotic prescription 👌👌
قالهالكم حتى دكتور زياد 👆🏼

باه كيف لازم نعالجوها الحالة هادي ؟؟
طبعا العلاج يختلف ع حسب السن لو جذر واحد single rooted او متعددة الجذور multi rooted ..
•🍃multi rooted teeth ...
نديرولها pulpotomy with cresatin
للي مايعرفش الpulpotomy فهي ان نحنطو البلب امتع الجذر المتضرر ونخلو البلب السليم امتع باقي الجذور كيف ماهو هذا غالبا يديرو فيه للصغار الchildren لان مرات الجذر مزال مكملش تكوينه والبلب هو اللي بيساعده يتكون لان بيغذيه فلازم يخلو السليم ويحنطو المتضرر وهدا عكس الpulpectomy اللي هي عملية استئصال البلب يعني ينحوه مرة وحدة من السن .

•🍃single rooted teeth ...
نديروله ازالة كلية للبلب pulpectomy

Total extraction of the pulp (RCT).
__________

●pulp necrosis :
السبب امتاعه untreated pulpitis

1_ فالحالة هادي الpulp مات الله يرحمه😭 no vitality
2_ السن متحس بشي no sensitivity
3_ ومتستجيبش حتى للEPT
ماتت شن تبو منها يعني🙄🙄
4_المريض ممكن تكون عنده رائحة كريهة foul odor في حالة وجود abcess وهكي .
5_السن ممكن تكون tender to percution علاش رغم انه قلنا معادش تحس ، هدا لان فيه abcess تحتها فالطرق عليها يسبب الم فالنسيج المحيط بيها المريض يحسابه الاحساس من السن لكن الالم نتيجة وجود القيح .
6_ممكن يكون عندي periradicular pathosis وممكن لا مش شرط في حالة تفاقم الحالة ممكن يكون فيه امراض .
7_نلقو الpulp necrosis هلبا في مرضى الsickle cell animia لان يكون عندهم انسداد للاوعية الدموية بكرات الدم الحمراء المنجلية
Reported in sickle cell animia wher ther's blokage of pulp micro_circulation by sickle erythrocyte.
8_ الpulp necrosis لما يكون معاه بكتيريا يسمي غرغرينه .
Pulp necrosis with Super imposed bacteria infection called (gangrene).

ال necrosis فيه منه نوعين هما :
🍁dry necrosis
ممكن يسبب امراض
periradicular pathosis

🍁lequifactive necrosis
اقل احتمالية انه يسبب امراض
Periradicular pathosis

🌹🌹🌹 therapy .....
نديرو علاج عصب 🤗
endodontic therapy (RCT)

#cons3
#souror_tareq
#pulpal_and_periradicular_disease

هدا شرح الجزء الثالث من شيت
Pulp & periradicular disease🍁
اللي يتكلم عن الامراض اللي تصيب المنطقة حوالين الجذر .

ممكن يكون السبب امتاعها :
• Endodontic☘ :
يعني المرض سببه جاي من السن نفسها متلا لما تتفاقم حالة الpulpitis
ويتكون abcess ويتجمع تحت السن ممكن يسببلي
acute apical periodontitis
او ممكن يسببلي حتى ذوان للعظم
Bone resorption .

•peridontal origin ☘:
ممكن يكون سبب المرض هو الانسجة الداعمة للسن periodontium لما يصيرلها التهاب وغيره .

•secondary to acclusal trauma☘
يعني ممكن يكون سببه من ال acclusion نفسه او ممكن من الortho او ممكن عندي حشوه عالية high restoration
فلما المريض يعض عليها حيضغط الroot عالانسجة اللي تحته وعلي العظم ويحس المريض بالالم.
•combination of several etiologic factor☘:
ممكن يكون السبب مجموعة من العوامل ومش عامل واحد فقط .
____________
Classification of the lesions of endodontic origin :
تصنيف الامراض اللي تصيب المنطقة حوالين جذر السن periapical area اللي سببهم خلل في السن نفسها:
1_acute apical periodontitis🌻.
التهاب حاد للمنطقة اللي حوالين قمة الجذر .
2_acute alvealar abcess🌻.
الخراج العظمي الحاد
3_chronic apical periodontitis🌻.
التهاب مزمن للمنطقة اللي حوالين قمة الجذر .
4_reactivation of chronic apical periodontitis🌻.
اعادة تنشيط الالتهاب المزمن للمنطقة اللي حوالين قمة الجذر .
________
🍁Normal periradicular area ....
انسجة المنطقه هادي في الحالة الطبيعية يكون مفيهاش احمرار او انتفاخ او التهاب والسن تكون مفيهاش اعراض لما نطرقو عليها
asymptomatic to percussion & pulpation
ومفيش ذوبان للعظم والانسجة الضامه تكون طبيعية والpdl مش مرتخية ولا مشحوطة .
Normal periradicular area should be exhibit normal appearing osseous stracture with an intact lamina dura.

في حالة وجود مرض فالمنطقة هادي حيتغير اللي قلناه هدا كله .
نبدو بأول مرض 😊😊😊😊
●acute apical periodontitis🌹:
1_هو عبارة عن التهاب حاد في المنطقة اللي حوالين جذر السن و سببه ممكن يكون :
•pulpal pathosis☘
خلل في السن نفسها مثلا pulpitis تفاقمت حالته ومعالجناشي وكونلي abcess وطلع من الlateral canals وسبب التهاب فالمنطقه هادي .
وممكن يكون
•traumatic occlusion or high restoratio☘
مريض مداير حشوه عالية يعني مرتفعة عن مستوى الacclusion الطبيعي فلما يعض عليها يصير ضغط عالapical area ومع تكرار الضغط هدا يصيرلي التهاب حاد فالمنطقة.
وممكن يكون سببه
•orthodontic treatment☘
مريض مركب تقويم غلط او مثلا فيه ضغط كبير ناتج من الاورثو خصوصا في حالة الintrusion وهي لما تكون عندي سن مرتفعه شوية ع مستوى الاكلوجن ونبو انزلوها لوطة شوية فالقوى الناتجة عن العملية هدي ممكن تسبب ضغط عالعصب امتع السن وبالتالي يموت او حتى ضغط العظم وادير التهاب حاد فالمنطقه هادي.
•craked teeth & vertical root fracture ☘
سن مشقوقة او جذر متكسر وشرحت فالمنشور السابق انه الشقوق هادي ممكن تتراكم فيها البكتيريا وبالتالي تسبب ضرر للpulp وللانسجة المحيطة بيه لما تطلع سمومها عن طريق ال lateral canals.

•maxillary sinusitis☘
التهاب الجيوب الموجودة فالماكسيلا ممكن تسبب في انتقال الميكروبات منها لمنطقة الperiapical .
_____
2_الانسجة فالحالة هادي متتأثرش بالتغيرات في درجة الحرارة يعني مفيش الم 😍
Thermal changes not induce the pain .
3_المريض يحس انه السن مرتفعه شوية
Tooth slightly elivated in it's socket
لان صاير تجمع للedema تحت السن
فالمريض يحس بالم لما يعض
Tenderness whil bitting or percussion.
4_ لو معالجناش الحالة حتتفاقم ويصير ذوبان للعظم نتيجة زيادة ال abcess
If not treated may couse resorption to surronding bone.
5_لما يكون فيه abcess وبكتيريا فالحالة هدي نسموها
Acute periradicular abcess
او
Acute dento_alvealar abcess

🌹🌹🌹therapy.....
🍁 لو كان السبب acclusal trauma
فالدكتور يصححله الاكلوجن او الحشوة عن طريق
selective acclusal grinding.

🍁لو كان السبب pulp pathosis
فنديرو استئصال للعصب
Pulpectomy followed by RCT
ولو السن حالتها حاله😱 نخلعوها
Tooth extraction.
___________
#cons3
#souror_tareq
#pulpal_and_periradicular_disease

●chronic apical periodontitis🌹:
1_ التهاب مزمن فالمنطقة اللي حوالين قمة الجذر والسبب الاساسي اللي تنتج منه يكون pulp necrosis👉 ركزو عليها❤

2_ الحالة هادي تكون ع هيئة ليجن بدون اعراض
asymtomatic periradicular lesion at periapex & at the portal of exit
ونسموه🌹 (periapical granuloma) لان جاي جيهة الapix امتع الجذر.

او نلقوها في جنب الجذر
on the side of the root
في الاسنان اللي فيهم lateral canal
ونسموه🌹 lateral granuloma.

3_متعلق بالسن الnonvital.

4_السن تكون
slightly tender to percussion

5_وتكون السن مرتفعه شوية من الsocket زي في الacute .
6_حنلقى عندي thickning in pdl تحت الميكروسكوب.
7_ويكون عندي نسيج محبب
proliferation of granulation tissue
اللي هو حيكونلي الgranuloma.

🌹🌹🌹therapy ......
قلنا ان ال
chronic apical peridontitis
حيكون في صورة
granuloma or cyst☘👈
فالعلاج عبارة عن
RCT or extraction of tooth.
__________
●granuloma🌹
القرانيولوما عبارة عن كتله ،
🍃المنطقة الخارجية منها outer zone عبارة عن CT نسيج ضام من الكولاجن فايبرز .
🍃المنطقة الداخلية منها inner zone تتكون من ET نسيج طلائي هو ال
Granulation tissue.
تحت الميكروسكوب حنشوفوه الليجن هدا يتكون من :
1_inflamatory granulation tissue.
2_new formed capillary.
3_proliferation of fibroblast.
4_delicat collagen fibers
5_peripheral CT capsule
6_infeltration of chronic inflammatory cells :
•lymphocyte
•plasma cells
•macrophage
•multinucleated giant cells
•ER of malassez

قالك لما نخلعو السن غالبا نلقوها لاصقة فالapex امتع الجذر.

فالx_ray حتبان كمنطقو سودة radiolucent محادطة بخط ابيض radio_opaque يمثل العظم المحيط بيها ونقدرو نميزوها بوضوح فالصورة .
Peripheral granuloma apear as radiolucent well circumscribed area difintely determined from surrounding radio_opaque line of seclerotic bone.🤗

وهادي هي الgranuloma مدوخوش روحكم بيها هدا تركيبها 🤗
___________
●cysts
نجو توا لcysts ومعناها الاكياس
حتى هدا ليجن غالبا مفيشي اعراض
Asymptomatic
نلقوه عبارة عن انتفاخ swelling .
للاسف الضغط امتاعه ممكن يسبب فقد للسن المصابه او حتى اللي جنبها
Their pressue may cause loosening of the diseased tooth or those adjacent.
🙁😭لو ماعالجناش الحالة ونحينا الكيس هدا ممكن نلقوه يكبر ويتمدد علي حساب العظم يعني يصير ذوبان للعظم .
If not treated the cyst can be expand at the expense of the mandibular & maxillary bone.

ممكن نلقو الcyst هدا لاصق فالapex امتع جذر السن المصابه او حتى جذر الاسنان المجاورة ليها ويسببلهم ذوبان للسطح الخارجي امتع جذورهم
External resorption of their roots.😥😥
🌹🌹🌹 قالك الcyst منقدروش نميزوه بالصورة بس x_ray ، نقدرو نميزوه فقط تحت المجهر .. فالصورة مرات نحسابوه حتى قرانيوما .
The distinction cannot be made radiographically, but only histologically.

🌹🌹🌹therapy.....
🍃Non surgical treatment :
اول حاجه نجربو نديرو علاج
( غير جراحي) عن طريق ان نديرو RCT ونعالجو السن لو مزال فيها امل😂 ونكترو مراجعات للمريض ونصوروه باش نشوفو لو فيه تحسن ولو الكيس صغر وتنحى اولا .
🍃surgical treatment:
نديرو (علاج جراحي) لو ملقيناش تحسن
من العلاج الغير جراحي او فيه اعراض جديدة طلعت عالمريض اثناء العلاج الغير جراحي ، في الحاله هادي لما نديروله عملية وانحو الcyst.🤗
Surgical treatment is indicated only after traditional non surgical therapy has failed or if new symptoms develop.

طبعا اهني في ليبيا اغلب الدكاتره معندهمش صبر 😁😁 يدير جراحه ويخلع السن بالcyst امتاعها ويريح راسه بلا check_up بلا بلوووط😂

#cons3
#souror_tareq
#pulpal_and_periradicular_disease

دهشت وحق ربي من الكتيبه😂😂😂
لكن يلا المهم ننجحو ونصفوو😍😍

اللي بنشرحه توا من ص7من لوطة
لعند ص9
الدكتورة سطربت عليهم وخلاص 😥😥
مفهمتش هل هما مش مهمات او هي مبتش تتعمق فيهم ، المهم اني حنشرح الموجود فالشيت وخلاص 🌹

نتكلمو علي
● reactivation of chronic apical periodontitis🌹:

نسمو فيه 🍃 phoenix abcess🍃
وهو نتيجة لانتكاسة صايره ل
Chronic apical periodontitis.

يعني جانا قبل
chronic apical periodontitis
وبعدين رجع تاني ع هيئة
phoenix abcess
حيكون عنده اعراض زي امتع ال
Acute alvealar abcess🙁
وللامانه منعرفش شن هما الاعراض لان الدكتوره مشرحتش بالتفصيل واني مقريتش معلومات من النت عليها😥😥

والسبب امتع المرض هدا بإختصار هو د بكتيريا ممكن تكون جاية من الRCS
وممكن من مواد ملوثة استعملهم الدكتور للمريض وممكن درنا RCT ومنظفناش كويس قناة السن فالبكتيريا بعد فترة سببتلي انتكاسة
متنسوووش فالفقرة هادي👇👇
☘ the exacerbation of asymtomatic chronic apical periodontitis has been termed a 🍃phoenix abcess🍃.
________

●acute periradicular abcess🌹:
عبارة عن التهاب ناتج من الpulp nerosis وكونلي abcess راه الحالة متفاقمة اهني والمريض هامل روحه
لين وصل للمرحله هادي اللي هي ممكن ينتفخ فيها وجهه او رقبته.
1_ حيكون raped onset يعني المريض يرقد اليوم وغدوا ينوض وجهه منفوخ يقول خيرني شن صارلي😱😱😱
فالليجن هدا يتطور بسرعه ولازم نعالجوه بسرعه ...🤗
2_ المريض حيحس بألم حتى لما نطرقو عالسن
pain & tenderness to percussion.
3_ حيصير افراز للpus من السن والمريض حيحس بيه وبطعمه😝😵

طبعا حدوث تكسر للعظم نتيجة تكون الabcess ممكن يصير وممكن لا.
وحتى الانتفاخ فالوجه او الخد ممكن يصير وممكن ميصيرش .

4_الexudate الخراج ممكن ينحسرلي فالعظم ويسبب انتفاخ موضعي فالانسجة الخد او اللثة ، ومرات يمتد فتجاويف الوجه ويسبب cellulitis.
The exudate can be confined to the alvealar bone, cause localized swelling of soft tissue, or extend into fascial spaces (cellulitis).🤗

🌹🌹🌹therapy.....
1_ ازالة العامل المهيج
remove the irretant
2_نديرو تصريف للخراج
Provide drainage to abcess

العلاج عبارة تنظيف السن من بقايا العصب الميت (طبعا لو السن مزال كويسه ومش متكسره ومتهالكه)
وانظفو السن من البكتيريا ولازم انديرو drainage تصريف للقيح من السن
او انديرو incision من الsoft tissue
يعني نديرو جراحه و ندخلو طوبو
هدا حيساعد بانه :
1_يزيل الضغط عالانسجة والسن
Relieves pressure
2_ يزيد تدفق الدم
Increase vascular flow
3_ازالة الافرازات والبكتيريا والقيح
Evacuates the purulent exudate

فالحالة هادي راه المضادات الحيوية بروحهم مش حل لازم نديرو تصريف للpus وازالة السن لو احتاج الوضع.

المضادات الحيوية نعطوها ل:
Medically compromised patien
مريض عنده انخفاض في جهازه المناعي
Patient with increased tempratur
مريض عنده ضغط متلا.
_________
●chronic periradicular abcess🌹:
التهاب مزمن مفيشي اعراض asymtomatic
نلقو فيه sinuse tract ومرة مرة يصيرلي تفريغ للpus عن طريق القناة هادي ... بشكل متقطع
Intermittent discharge of pus through the sinus tract.🤨
• الليجن هدا يشيروله حتى بإسم
Chronic suppurative apical periodontitis ..🌻🌻🌻
لانه فيه pus
🌹🌹🌹 therapy....
RCT or extraction is required.
نديرو علاج عصب لو السن كويسة
او نخلعوها لو متكسره ومفيهاش امل.
_________
●condencing osteitis🌹:
Proliferative inflammatory response to an irritant.
هو عبارة استجابة مناعية لالتهاب ناتج عن مهيج و يصير فيها زيادة كثافة العظم
Increase in radiopacity.
🍃 الحالة asymtomatic يعني مفيهاش اعراض ومتحتاجش لعلاج مجرد مرة مره نديرو مراجعه وكشف followup ... الا لو كان فيه الم وقتها يصير تدخل طبي.

موفقين يارب😍🌹🤗

#cons3
#souror_tareq
#pulpal_and_periradicular_disease

Dental plaque 1
#periodontology

-2- Formation of dental plaque

-3- Classification of dental plaque

-4-Microbial complexes

-5-

_6_

-7-