في إطار تعزيز ثقافة الحماية المجتمعية ودعم الأطفال، نفّذ فريق التوعية في الدفاع المدني السوري جلسة توعية متخصصة حول مفاهيم الحماية والسلامة، تضمنت أنشطة ترفيهية هادفة، في مدرسة الصم والبكم بحي الوعر في مدينة حمص، استهدفت الجلسة طلاب المدرسة وكادرها التعليمي، وركّزت على إيصال المفاهيم الأساسية للحماية من المخاطر بطريقة مبسطة وتفاعلية، تراعي احتياجات التواصل الخاصة.
#الدفاع_المدني_السوري #سوريا #حمص

"عملنا بفتح الطرقات وإزالة الأنقاض بالمدن والبلدات السورية، عم يرسم طريق جديد من الأمل لأهلنا المدنيين ويساعدهم بالعودة لبيوتهم، عم شوف بعيونهم الفرحة، وتغمرني السعادة وقت شوف سيارة محملة مواد بناء عم تدخل عالحارات، أو عائلة راجعة على بيتها، هي لحظات ما بتتعوض بتزيد من حماسي واندفاعي للعمل، لكون أنا وزملائي عم نرسم أول سطر من فصل جديد لسوريا وتعافي أهلنا المدنيين فيها".
المتطوع غسان عثمان خلال عمليات فرقنا لفتح الطرقات في حي البياضة بمدينة حمص.
#الدفاع_المدني_السوري #سوريا #حمص #تعافي

"كأحد سكان ريف إدلب، بشوف أعمال فتح الطرقات وإزالة الأنقاض خطوة مهمة ومصيرية بالنسبة لنا، وما رح نكون قادرين لوحدنا نتحمل هالكمّ الضخم من الركام والتعب، لكن هالجهد الجماعي نظّف شوارعنا وأعاد للحارات روحها، وساعدنا لنقدر نوصل على بيوتنا لنعيد ترميمها من جديد، والأهم من هيك، خلّصنا من خطر الحشرات والزواحف يلي كانت ممكن تأذي أولادنا وأهلنا، بتمنى ترجع تتعمر كل مناطقنا وترجع الحياة لها من جديد."
العم عبد المحسن الأزون من أهالي بلدة معرشورين خلال حملة بث الأمل.. ترحيل الألم الخدمية، التي يعمل عليها الدفاع المدني السوري بالتعاون مع مجلس محافظة إدلب ووزارة الأشغال العامة والإسكان، وإدارة منطقة معرة النعمان لإزالة الأنقاض وفتح الطرقات في ريف معرة النعمان الشرقي.
#الدفاع_المدني_السوري #سوريا #إدلب #تعافي