"مع أول يوم من امتحانات الشهادتين الأساسية والثانوية، كنّا مع الطلاب في المراكز الامتحانية لتقديم المساعدة في حال حدوث أي طارئ، وكنت كتير سعيد بإصرارهم وهمتهم القوية، كلنا كنا طلاب ومنعرف كمية الضغوطات والتوتر يلي يتعرض لها الطالب هي الفترة، وخصوصي مع حالة عدم الاستقرار يلي عايشينها من سنين والتهجير وغيره من صعوبات، اليوم عم يثبتوا طلابنا للعالم كله أنهم قادرين على تجاوز كل التحديات والمضي في رحلة تعليمهم وتأسيس مستقبلهم، وأكيد دعم الأهالي المستمر عم يساعد في هدا الشي، وبنوه لطلابنا الأعزاء بضرورة المحافظة على صحتهم خلال فترات الفحص من خلال النوم لساعات كافية وعدم التوتر، وتناول وجبات طعام منتظمة والتنشيط المستمر عبر ممارسة الرياضة، أتمنى النجاح للجميع ومستقبل يحققوا فيه كل يلي يتمنوه."
"محمد هماش" - متطوع في #الخوذ_البيضاء

"التقدم للامتحان يمكن أصعب شعور عالطلاب، ولو كانت المادة سهلة، نحن كفريق الإسعاف، واقفين عند باب المدرسة النموذجية في مدينة الدانا، لنعزز الأمان ونكون جاهزين لأي حالة طارئة ممكن تصير مع الطلاب أثناء أو بعد الامتحان.
وبعد دخول الطلاب للقاعات بمدة وصلنا بلاغ عن حالة تعرض طالبة لضيق تنفس في مكان تقديم امتحانها في المدرسة المحدثة القريبة من مكان وجودنا في مدينة الدانا شمالي إدلب، وفوراً توجهنا للمكان ولما وصلنا كانت عم تتنفس بصعوبة شديدة، قدمنالها الإسعافات الأولية وأسعفناها للمشفى، والحمد لله، صارت بألف خير، هذا العمل اليوم يعطيني إحساس بالفخر برسالتنا بالحياة يلي ما تقتصر فقط على إنقاذ الأرواح إنما حماية المستقبل للأجيال القادمة"
حسن الجع، متطوع في #الخوذ_البيضاء

"كل الناس تشعر بالراحة النفسية لما تشوف الأشجار ومناظر الطبيعة الجميلة، وغير المنظر الجمالي يلي يشعرنا بالأمان هي توفرلنا هواء نقي وتخفف من الحر والشوب يلي عم نعيشه، لهيك لازم نحن نعتني فيها لتقدر تعطينا الهواء والأجواء اللطيفة والراحة النفسية، اليوم عم نسقي هي الأشجار لأنه شوب كتير وهي متلنا بحاجة للماء لتقدر تقاوم الحر وتبقى عايشة"
إياد شمس الدين، متطوع في الدفاع المدني السوري أثناء سقاية أشجار النخيل في منصّف الطريق بمدخل مدينة دارة عزة غربي #حلب.
#الخوذ_البيضاء

اندلع 12 حريقاً اليوم الاثنين 24 حزيران، في شمال غربي #سوريا، منها اثنان حراجيان في قرية الحنبوشية غربي إدلب، وفي قرية سوركي بناحية راجو في ريف عفرين، وحريق في أرض محصودة في قرية النحل بالقرب من بلدة محمبل في الريف نفسه، وحريق في أشجار مثمرة بمدينة الأتارب، و 3 حرائق في الأعشاب اليابسة في سردين والبردقلي في ريف #إدلب، وجنوبي مدينة أخترين شمالي #حلب، وحرائق أخرى متفرقة.
فرقنا أخمدت هذه الحرائق وبردتها واقتصرت أضرارها على المادية.
#الخوذ_البيضاء