"لما تلقينا البلاغ مبارح عن فاجعة الحافلة وسقوطها بمياه نهر العاصي خفت كتير من الخبر، أبداً خوفي ما كان مصدره من النزول بالمياه وعمليات البحث لا، لكن لأنه العدد كان كبير وبيطلّب مننا زمن كبير بالاستجابة في حال كانوا الأطفال بقلب المي، ولما وصلنا للمكان المشهد كان كتير قاسي وصعب، صرخات الأمهات والآباء على أطفالهم كسرتلي ضهري، الأطفال مرمين بأكتر من مكان منهم متوفين ومنهم مصابين خايفين كتير من الشي يلي صار، بدأنا نبحث تحت المي ووصلنا لعمق حوالي 5 أمتار وانتشلنا عدة جثث من المي، يمكن هي الحادثة ذكرتني بفاجعة شبيهة صارت السنة الماضية في منطقة حمامات الشيخ عيسى بريف جسر الشغور لما توفوا 5 أشخاص من عائلة واحدة، إن شاء الله ما تتكرر متل هيك حوادث أبداً لأنها فواجع كبيرة وقاسية على قلوبنا كلنا"سامر عبجي، متطوع في #الخوذ_البيضاء

توالي موجة الحر سيطرتها على الأجواء الصيفية، في معظم المناطق السورية مع استمرار الطقس الحار بالتأثير على البلاد اليوم الجمعة 7 حزيران.
تكون حركة الرياح هادئة خلال ساعات نهار اليوم وتتراوح بين 10 و25 كم/ساعة، لتنشط مع ساعات العصر والمساء على أجزاء من شمال غرب ووسط وجنوب البلاد.
وتكون هبات الرياح أكثر نشاطاً في ريف حمص الجنوبي مع رياح تلامس 60كم/ساعة.
درجات الحرارة المتوقعة اليوم الجمعة 7 حزيران حسب توزع المناطق:
🔷المنطقة الساحلية:32
🔷المنطقة الشمالية الغربية:42
🔷المنطقة الوسطى:43
🔷المنطقة الجنوبية:42
🔷منطقة مرتفعات دمشق الغربية:28
🔷منطقة الجزيرة:45
#الخوذ_البيضاء

في القلب حُرقة وفي النفس غصّة والعيون تدمع حزناً وألماً، فقد طفلته في حادثة "فاجعة الحافلة" تحار النفس بين البكاء على ما فات والأمل لمن بقي حياً يقاسي جراحه.
#الخوذ_البيضاء
#فاجعة_الحافلة

"شعور صعب وقاسي عشناه مبارح بفاجعة سقوط الحافلة يلي فيها طلاب وأهاليهم ومعلمين، بنهر العاصي عند منطقة عيون عارة، كنا بقلب النهر وتحت المي عم نبحث عن أي طفل ممكن يكون وقع بالمي وكل شغلة نشوفها من بعيد عم تتحرك بالمي نفتكرها حدا من المصابين ولازم ننقذه، يمكن هي من لهفتنا لننقذ هدول الناس قبل ما يفوت الأوان، زعلنا كتير على وفاة 7 مدنيين كان الموت أقرب مننا إلهم لكن بنفس الوقت الحمدلله قدرنا ننقذ الناس يلي كانوا مصابين وبتمنالهم الشفاء العاجل وبعزّي أهلنا المدنيين ذوي الضحايا بالمصاب الكبير يلي حلّ علينا كلنا"
عامر أوقتين، متطوع في فرق الإنقاذ المائي في #الخوذ_البيضاء

حاملاً ذلك الطفل المصاب، تثاقلت الخطى عليه، متعباً منكسراً في حضرة الكارثة.
#فاجعة_الحافلة
#الخوذ_البيضاء

رسومات وذكريات تركنها خلفهن، اجتمعوا ليفرحوا بنهاية السنة الدراسية لتتحول رحلة الفرح إلى حزن ومأساة.
#فاجعة_الحافلة
#الخوذ_البيضاء

وفاة فتى 17 عاماً غرقاً في مياه نهر الفرات في مدينة جرابلس شرقي #حلب، اليوم الجمعة 7 حزيران، انتشلت فرق الإنقاذ المائي في الدفاع المدني السوري جثة الفتى وسلمتها لمشفى جرابلس وفق الإجراءات المتبعة.
#الخوذ_البيضاء