كتير حالات بتصادفني لأطفال فقدوا آبائهم أو تدمرت منازلهم و حتى فقدوا أحد من أصدقائهم بالمدرسة، الأطفال بحاجة لرعاية بصحتهم النفسية قبل كل شي، خاصة في ظل الظروف القاسية يلي عم تمر فيها، وبدوري أنا وزميلاتي بهاد اليوم قدمنا نشاط ترفيهي للأطفال لنخفف عنهم جزء بسيط من الضغوطات يلي مروا فيها خلال الفترة الماضية، منها حملة القصف الهمجية من قبل روسيا والنظام على المدن والبلدات في الشمال السوري، وكارثة الزلزال الاخير يلي كان وجع إضافي عليهم."
المتطوعة سريا في
#الخوذ_البيضاء
#اليوم_العالمي_للطفل

"تكاتفنا مع بعض هو الأمل بأنه نرسم لأطفالنا شكل جديد لحياتهم ومستقبلهم القادم، بعيد عن الحرب والقصف والدمار، ظروف قاسية عم يمروا فيها الأطفال بسبب كابوس القصف والتهجير يلي مرافقهم، والشي يلي زاد الأمر صعوبة أكتر كارثة الزلزال يلي مر علينا خلال الفترة الماضية وزاد أعداد الأطفال المهجرين ويلي عايشين بواقع فقدوا فيه كل حقوقهم وانطمست أحلامهم ولازم نحن نساند الأطفال ونكون عون ألهم، ونحاول نخفف عنهم أثر الصدمات يلي عم يتعرضوا إلها."
#اليوم_العالمي_للطفل
عفراء، متطوعة في #الخوذ_البيضاء

إصابة شابين بجروح ورضوض جراء انحراف دراجة نارية كانا يستقلانها على طريق بليون - معراتة في جبل الزاوية بريف #إدلب، اليوم الاثنين 20 تشرين الثاني، قدمت فرقنا لهما الإسعافات الأولية ومن ثم نقلتهما إلى النقطة الطبية القريبة لمتابعة العلاج.
#الخوذ_البيضاء

حملات توعية مستمرة تقدمها فرقنا في المدارس حول التصرف السليم وقت الكوارث، وطرق الإخلاء الآمن بعدها، الاهتمام بتدريب مبادئ السلامة والأمان هو ضمان لنقل التوعية لأكبر قدر ممكن من المدنيين فهم حلقة نصل من خلالها إلى كل منزل ونضمن بها سلامتهم التي تعني لنا سلامة المستقبل.
من تدريب الأطفال في مدرسة قرية بزابور جنوبي #إدلب.
#الخوذ_البيضاء

"مبارحة كان مطر غزير كتير، ما قدرنا نوصل لمدرستنا بسبب رومات المي يلي شكلتها الأمطار، كل فترة تتكرر هي الحالة مع بداية فصل الشتاء بسبب المطر يلي تغطي أرض المخيم وتسكر بعضها، ساكن مع عائلتي وأولاد عمي بمخيم تل الكرامة من 5 سنين بعد ما تهجرنا من ضيعتنا الخلخالة في ريف حلب، عشنا وعم نعيش أيام صعبة و قاسية …. لكن مافي قدامنا غير نصبر، وعندي أمل كبير أني بيوم من أيام رح نرجع لبيوتنا ونزور مدرستنا القديمة"
بسام معمر، فتى في الثالثة عشرة من العمر مهجر ويقيم في مخيم تل الكرامة في ريف# إدلب الشمالي، منعته الأمطار يوم أمس الأحد 19 تشرين الثاني، من الوصول إلى مدرسته بسبب انقطاع الطريق جراء العاصفة المطرية.
#الخوذ_البيضاء