في #اليوم_العالمي_للطفل، نؤكد على حق كل طفل في حياة آمنة ومستقبل مشرق، ونعمل جاهدين لتأمين بيئة آمنة وتعليم وحياة كريمة لهم، رغم كل التحديات التي نواجهها، وحرب النظام وروسيا التي قتلت وهجرت ملايين الأطفال، نستلهم من الأطفال قوتنا وأملنا في بناء مستقبل أفضل، ونتعهد بالاستمرار في دعمهم وحمايتهم.
#الخوذ_البيضاء

كتير حالات بتصادفني لأطفال فقدوا آبائهم أو تدمرت منازلهم و حتى فقدوا أحد من أصدقائهم بالمدرسة، الأطفال بحاجة لرعاية بصحتهم النفسية قبل كل شي، خاصة في ظل الظروف القاسية يلي عم تمر فيها، وبدوري أنا وزميلاتي بهاد اليوم قدمنا نشاط ترفيهي للأطفال لنخفف عنهم جزء بسيط من الضغوطات يلي مروا فيها خلال الفترة الماضية، منها حملة القصف الهمجية من قبل روسيا والنظام على المدن والبلدات في الشمال السوري، وكارثة الزلزال الاخير يلي كان وجع إضافي عليهم."
المتطوعة سريا في
#الخوذ_البيضاء
#اليوم_العالمي_للطفل

"تكاتفنا مع بعض هو الأمل بأنه نرسم لأطفالنا شكل جديد لحياتهم ومستقبلهم القادم، بعيد عن الحرب والقصف والدمار، ظروف قاسية عم يمروا فيها الأطفال بسبب كابوس القصف والتهجير يلي مرافقهم، والشي يلي زاد الأمر صعوبة أكتر كارثة الزلزال يلي مر علينا خلال الفترة الماضية وزاد أعداد الأطفال المهجرين ويلي عايشين بواقع فقدوا فيه كل حقوقهم وانطمست أحلامهم ولازم نحن نساند الأطفال ونكون عون ألهم، ونحاول نخفف عنهم أثر الصدمات يلي عم يتعرضوا إلها."
#اليوم_العالمي_للطفل
عفراء، متطوعة في #الخوذ_البيضاء