ابتسامة خجولة من مخيمات التهجير تنتظر مستقبلاً أفضل، يمحي فيه السوريون كل تفاصيل مأساة لم تكن وليدة اليوم، ولم تقتصر على كارثة الزلزال المدمر بل تمتد في عمق الألم، منازل هدمها الزلزال وأخرى هدمتها وأفرغتها آلة حرب نظام الأسد وروسيا وكان السوريون هم ضحاياها.
#الخوذ_البيضاء #زلزال_سوريا #سوريا

تواصل فرقنا أعمالها في إزالة بعض ركام المنازل التي دمرها #الزلزال، وفتح الطرقات في قرى ملس وعزمارين في ريف #إدلب لتسهيل حركة المدنيين في المنطقة.
#الخوذ_البيضاء #زلزال_سوريا

صوت الحياة كان أقوى من كلشي، بوحدة من عمليات البحث والإنقاذ بمدينة اعزاز بأول يوم من كارثة الزلزال المدمر يلي ضرب مناطق شمال غرب سوريا يوم الاثنين 6 شباط، كان في بيت من طابقين وقعان على الأهالي يلي ساكنين فيه وكانت أصوات الاستغاثة من كل مكان عم تنسمع، ولهلأ بعدها ببالي، بدأنا عملنا وانتشلنا أكثر من شخص من الأنقاض وكمان أنقذنا شخص كان على قيد الحياة وبوسط صوت الهتاف بإخراج شخص على عايش سمعت صوت من تحت الأنقاض كمان وصوت نفس مرهق وتعبان وكملنا عملنا بنفس الموقع يلي سمعنا الصوت فيه حتى تبين ألنا أنه في طفلة تحت الأنقاض، وقدرنا نوصل ألها وأنقذناها الحمدلله عايشة وعم تتنفس بصعوبة وركضنا فيها عالمشفى بالمدينة.هاد اليوم ما ممكن يروح من ذاكرتي لأنه يوم كارثي بكل معنى الكلمة، يوم في ألم وفي أمل على حد بعض.
أيمن عبود أثناء عملية إنقاذ طفلة على قيد الحياة في مدينة اعزاز.
#الخوذ_الببضاء #زلزال_سوريا

"المشهد هون محزن كتير، من تحت أنقاض هي البناية بمدينة حارم انتشلنا 4 أطفال متوفين، الطفل يلي شايله أنا كان حاضن أخوه الكبير، وكانوا بمدخل البناية عم يحاولوا يهربوا من بيتهم وقت الزلزال".
عبد اللطيف سليمان، متطوع في #الخوذ_البيضاء
📌: مدينة حارم غربي #إدلب، الخميس 9 شباط.
#زلزال_سوريا

في حضرة الكارثة كنّا على قيد الأمل، وسابقنا الزمن بحثاً عن صوت الحياة من تحت الأنقاض بعد الزلزال.
"ومن أحياها فكأنما أحيا الناس جميعاً"
#زلزال_سوريا #سوريا #الخوذ_البيضاء

يا "قمجون"...كانت أحلى مرة بسمع فيها لقبي يلي بينادوني فيه رفقاتي…يا الله شو صرت حبه بتعرفوا ليش…بتتذكروا الطفلة #شام يلي أنقذناها بأرمناز وكانت عم تغني للشام، صارت تناديني فيه ونحنا عمننقذها بعملية استمرت 6 ساعات،..بهديك اللحظة حاولت أخفي دموعي لحافظ على هدوء الطفلة، شعور الفرح ما بينوصف، إنقاذ شام كان بمثابة عمر جديد ألي وحياة جديدة كنت كتير متفائل.
بس أنا اليوم بدي خبركم خبر حزين كتير… خبر بيكسر الضهر…شام بوضع حرج بالمشفى، وبحاجة للدعاء ويمكن…شام وكتير مصابين بالزلزال، بيعانوا من حالة طبية اسمها متلازمة الهرس..وهي الحالة بحاجة لرعاية طبية متقدمة، دعاؤنا لشام بالسلامة ولكل المصابين.
#زلزال_سوريا #سوريا #الخوذ_البيضاء

تعرض طفلٌ صغيرٌ للسقوط في خزان ماء أرضي في منزل عائلته في قرية بليون جنوبي #إدلب، اليوم الخميس 16 شباط، أسعفته فرقنا إلى المشفى ليتبين أنه توفي غرقاً داخل الخزان.
#الخوذ_البيضاء

إصابة 7 مدنيين بجروح ورضوض، جراء حادثي سير وقعا في ريف إدلب، اليوم الخميس 16 شباط، أحدهما في قرية المسطومة بين دراجتين ناريتين، ونجم عنه إصابة رجل واحد أسعفته فرقنا إلى المشفى، بينما كان الآخر على طريق إدلب - باب الهوى بالقرب من قرية كفريحمول، بتصادم سيارتين وأدى لإصابة 6 مدنيين بينهم 3 نساء وطفلين.
استجابت فرقنا وتأكدت من عدم وجود مصابين آخرين وقدمت المساعدة اللازمة.
#الخوذ_البيضاء

اندلعت 3 حرائق في ريف #حلب، اليوم الخميس 16 شباط، اثنان منها في منازل المدنيين بمدينة جرابلس شرقي #حلب، أحدهما بسبب المدفأة والآخر سببه ماس كهربائي، بينما كان الحريق الثالث في محل معدٍ للسكن في مدينة اعزاز شمالي #حلب دون معرفة أسبابه.
أخمدت فرقنا وبردت الحرائق وتأكدت من عدم وجود مصابين.
#الخوذ_البيضاء

هزة أرضية جديدة ضربت بعض مناطق شمال غربي #سوريا اليوم الخميس 16 شباط، وشعر بها معظم أهالي المنطقة.
وتشهد مناطق شمال غربي #سوريا هزات ارتدادية قوية إلى متوسطة بعد الزلزال المدمر الذي ضرب المنطقة في 6 شباط.
نذكر أهلنا المدنيين بإرشادات الحماية وطرق الإخلاء الآمن للأبنية لضمان سلامتهم.
#الخوذ_البيضاء #زلزال_سوريا