🌐Олтинсой туманида инновацион ўқув-амалий марказини ташкил қилинмоқда. Бу билан ёшларни замонавий фан йўналишларига қизиқишини ва интеллектуал салоҳиятини ошириш орқали ёшлар орасида ўзини ўзи банд қилиш механизмини жорий этилади.

*Batafsil*

👉Хитой-Ўзбекистон ҳамкорлигида яратилган коронавирусга қарши ZF-UZ-VAC2001 вакцинаси қандай ишлаб чиқарилади?

✅Вакцинани ишлаб чиқариш жараёни бир нечта босқичлардан иборат.

✅Вакцина ҳужайралар банки минус 80 даража ҳароратда сақланади.

✅Аввал ҳужайралар банкидан маълум миқдорда ҳужайралар олиниб, 125 литрли сунъий муҳитда кўпайтирилади. Сўнгра 1000 литрли реакторларга ўтказилиб, у ерда ҳужайралар озиқлантириш, кислород билан тўйинтириш орқали кўпайишига эришилади. Шундай қилиб вакциналар синтези рўй берадиган ҳужайралар биомассаси етиштирилади.

✅Синтезланган вакцина миқдори етарли бўлгач, вакцинани тозалаш жараёнига ўтилади. Тозалаш жараёни ўта муҳим бўлиб, якуний маҳсулот бирор бир аралашмаларсиз соф ҳолатда бўлиши зарур.

✅Тозаланган оқсилли вакцинага адювант бўлиб хизмат қиладиган алюминий гидрооксиди қўшилади ва қуйиш линиясига жўнатилади.

✅Вакцина бир доза вакцинани ўз ичига оладиган 0,5 миллиграммли флаконларга қуйилади, усти ёпилади ва қадоқланади.

Инновацион ривожланиш вазирлиги томонидан доривор ўсимликларни муайян тупроқ-иқлим шароитларини ҳисобга олган ҳолда маданий ҳолда илмий асосда етиштиришнинг замонавий агротехнологияларини ўрганиш, доривор ўсимликларни тайёрлаш ва қайта ишлаш соҳасига замонавий инновацион технологияларни жорий этиш, чет эл флорасига мансуб бўлган доривор ўсимликлар турларини иқлимлаштириш, нав намуналарини синовдан ўтказиш ва танлаш бўйича илмий стажировкага юбориш юзасидан танлов эълон қилади.

✅2021 йилнинг 8 октябрь санасига қадар илмий стажировка ўташга тавсия қилинувчи номзодлар тўғрисидаги маълумотларни тақдим этилиши сўралади.

​❗️Стажёр-тадқиқотчилар, таянч докторантлар ва докторантларнинг ўзгарган миқдордаги стипендияларини тўлаш билан боғлиқ тўсиқлар олиб ташланди

Ўзбекистон Республикаси Вазирлар Маҳкамасининг «Илмий ва инновацион фаолиятни бошқариш тизимини ташкил этиш чора-тадбирлари тўғрисида» 2021 йил 27 августдаги 545-сон қарори 3-иловаси билан Вазирлар Маҳкамасининг «Илмий ходимлар меҳнатини янада рағбатлантириш чора-тадбирлари тўғрисида» 2009 йил 18 августдаги 233-сон қарори иловаси «Давлат бюджет маблағлари ҳисобига давлат илмий дастурларини амалга оширишда қатнашувчи илмий ва раҳбар ходимларнинг базавий лавозим маошлари миқдорлари» тасдиқланди.

Унга кўра, Ўзбекистон Республикаси Президентининг тегишли фармонлари қабул қилиниши муносабати билан базавий лавозим маошлари ўзгарган тақдирда, Ўзбекистон Республикаси Инновацион ривожланиш вазирлиги ҳамда Бандлик ва меҳнат муносабатлари вазирлигининг илмий ва раҳбар ходимларнинг базавий лавозим маошлари миқдорларини ўзгартириш тўғрисидаги қўшма қарори ишлаб чиқишлари бекор қилиниб, базавий лавозим маошлари ўзгарганда тўғридан-тўғри «Давлат бюджет маблағлари ҳисобига давлат илмий дастурларини амалга оширишда қатнашувчи илмий ва раҳбар ходимларнинг базавий лавозим маошлари миқдорлари» ўзгариши белгиланди.

Бу билан, стажёр-тадқиқотчилар, таянч докторантлар ва докторантларнинг ўзгарган миқдордаги стипендиялари ҳамда уларнинг илмий раҳбар/консультантларига меҳнатига ҳақ тўлаш билан боғлиқ тўсиқлар олиб ташланди.

Бундан ташқари, Вазирлар Маҳкамасининг 2017 йил 22 майдаги 304-сон қарори билан тасдиқланган Олий таълимдан кейинги таълим тўғрисида низомга ўзгартириш киритилди.

Хусусан:

🔹«Фан доктори бир вақтнинг ўзида тўрттадан кўп бўлмаган изланувчиларга илмий раҳбар ва консультант бўлиши мумкин. Сўнгги уч йилда изланувчилари ўз вақтида ҳимоя қилган илмий раҳбар ва илмий консультантларга илмий ёки таълим ташкилотларининг коллегиал органи хулосаси асосида олтитадан кўп бўлмаган изланувчилар бириктирилиши мумкин.

🔹Илмий унвони бўлган фан номзоди ёки фалсафа доктори (PhD) бир вақтнинг ўзида иккитадан кўп бўлмаган изланувчиларга илмий раҳбарлик қилиши мумкин. Сўнгги уч йилда изланувчилари ўз вақтида ҳимоя қилган илмий раҳбарларга таълим ёки илмий ташкилотнинг коллегиал органи хулосаси асосида учтадан кўп бўлмаган изланувчилар бириктирилиши мумкин.

🔹Хорижий фуқароларга ёки фуқаролиги бўлмаган изланувчиларга ўрнатилган меъёрдан ортиқ илмий раҳбар ёки консультантлар тайинланиши мумкин.»

Мазкур қарорнинг аввалги таҳририда фан докторларига бир вақтнинг ўзида учтадан кўп бўлмаган изланувчиларга илмий раҳбар ва консультант қилишлари, илмий унвони бўлган фан номзоди ёки фалсафа доктори (PhD) илмий раҳбарлик ёки илмий консультант фаолияти самарадорлиги таҳлили асосида Коллегиал орган тавсиясига кўра бир вақтнинг ўзида фақат икки нафар таянч докторантга ва мустақил изланувчига илмий раҳбар этиб бириктирилиши мумкин эди.

Давлат бюджетидан илмий ва таълим ташкилотлари аккредитациядан ўтган ихтисосликлар бўйича олий таълимдан кейинги таълим институтларининг самарадорлик кўрсаткичларига асосан тақсимланган қабул квоталаридан ортиб қолган ўринлар Инновацион ривожланиш вазирлиги томонидан қайта тақсимланади.

Олий таълимдан кейинги таълим институтларига кириш имтиҳонлари ва суҳбат жараёнларини видео кузатув остида (онлайн трансляция) ўтказиш чоралари кўрилади.

Таянч докторантурага кириш имтиҳонлари бўйича топшириладиган биринчи фан (мутахассислик ёки чет тили) умумий балининг 50 фоизидан кам балл тўплаган талабгорлар кейинги босқичга ўтказилмайди

Бу билан кириш имтиҳонлари ва суҳбат жараёнлари шаффофлиги таъминланиши, шунингдек, салоҳиятли талабгорлар сараланиши белгиланмоқда.

▶️@mininnovation

АОКА Сурхондарё вилоят бошқармасига янги раҳбар тайинланди

2019 йилдан Сурхондарё вилояти ҳокимининг матбуот котиби – ахборот сиёсати масалалари бўйича маслаҳатчиси лавозимида ишлаб келаётган Тўраев Заҳириддин Низомиддинович Ўзбекистон Республикаси Президенти ҳузуридаги Ахборот ва оммавий коммуникациялар агентлигининг Сурхондарё вилоят бошқармаси бошлиғи лавозимига тайинланди.

З.Тўраев 1978 йилда Денов туманида туғилган. 2000 йилда ҳозирги Тошкент давлат шарқшунослик университети, 2014 йилда Ўзбекистон Республикаси Президенти ҳузуридаги Давлат бошқаруви академиясини тугатган. Маълумоти бўйича мутахассислиги – шарқшунос, давлат бошқаруви.

Фаолияти давомида у Ўзбекистон миллий телерадиокомпанияси муҳаррири, Сурхондарё вилояти “Ишонч” телевидениеси бўлим бошлиғи, Сурхондарё вилояти телерадиокомпанияси бўлим бошлиғи, бош муҳаррири, директор ўринбосари, директори, Термиз давлат университети бўлим бошлиғи, Сурхондарё вилояти ҳокимлиги Ахборот-таҳлил гуруҳи етакчи мутахассиси лавозимларида ишлаган.

❗️Шавкат Мирзиёевнинг «Янги Ўзбекистон Стратегияси» номли китоби чоп этилди

Президент Шавкат Мирзиёевнинг «Янги Ўзбекистон Стратегияси» номли китоби чоп этилди. Унда Янги Ўзбекистон ва Учинчи Ренессансни қуриш бўйича қилинаётган ишлар ва миллий тараққиёт истиқболлари ҳақида фикр юритилади.

Китоб муқаддима, 7 бўлим ва хотимадан иборат.

Бўлимлар қуйидагича номланган:

🔸 «Янги Ўзбекистон стратегияси»;

🔸 «Халқпарвар давлат»;

🔸 «Миллий иқтисодиётни ривожлантириш»;

🔸 «Адолатли ижтимоий сиёсат»;

🔸 «Маънавий тараққиёт»;

🔸 «Хавфсизлик ва ташқи сиёсат»;

🔸 «Ўзбекистон ва умумбашарий муаммолар».

Батафсил: https://www.gazeta.uz/uz/2021/09/09/book/?utm_source=push&utm_medium=telegram

Каналга обуна бўлинг
👉 @gazetauz_uzb

⚡️ЎзЛиДеП 10-съезди қарор қилди: Шавкат Мирзиёев Ўзбекистон президентлигига номзод сифатида тасдиқланди

Ўзбекистон Республикаси Сайлов кодексининг 64-моддасига мувофиқ, ЎзЛиДеП партиясидан Ўзбекистон Республикаси Президентлигига 1957 йилда туғилган, Ўзбекистон Республикаси Президенти, Тошкент шаҳрида яшовчи Шавкат Миромонович Мирзиёев номзод этиб кўрсатилди.

Делегатлар бир овоздан номзодни тасдиқлашди.

https://t.me/aoka_uz

✅Инновацион ривожланиш вазирлигида «COVID-19. Вакцинация - эришилган ютуқлар, истиқболдаги режа ва мақсадлар» мавзусидаги конференция ўтказилди

✅Ўзбекистонда коронавирусга қарши эмлашдан кейин биронта ҳам ўлим ҳолатлари қайд этилмаган

✅Г20 давлатлари коронавирусга қарши вакциналардан фойдаланиш мумкинлиги бўйича мажбуриятларни қабул қилишди

✅Чилида олти ёшли болалар орасида Sinovac вакцинасидан фойдаланишга рухсат берилди

✅Перуда «Спутник V» коронавирусга қарши вакцинасини ишлаб чиқаришни бошлашади

✅Biocad компанияси коронавирусга қарши янги вакцинани синовдан ўтказишни бошлади

👉Шу ва бошқа хабарлар ҳақида батафсил Ўзбекистон Республикаси Инновацион ривожланиш вазирлиги ҳузуридаги Илмий-техник ахборот маркази томонидан тайёрланган COVID-19 га қарши вакциналарнинг ишланмалари бўйича дайжестда ўқинг (08.09.2021 ҳолатига кўра):

https://online.pubhtml5.com/fkya/kquk/

🔻 ЎзАнинг телеграм каналларини кузатиб боринг

Ўзбекча | O`zbekcha | Русская | Илм-фан | Тезкор

​​📣📣📣“Milliy darajada ilm-fan va ta'lim sohasida plagiatning oldini olish, mintaqaviy mamlakatlar va Yevropa Ittifoqi tajribasi” mavzusida
DAVRA SUHBATI

O‘zbekiston Respublikasi Prezidentining 29-oktabr 2020-yildagi № PF-6097-sonli “Ilm-fanni 2030-yilgacha rivojlantirish konsepsiyasini tasdiqlash to‘g‘risida”gi farmoniga binoan, O‘zbekiston Respublikasi Innovatsion rivojlanish vazirligi tomonidan ilm-fan va ta’lim sohasida plagiatning oldini olish ustida qator chora-tadbirlar amalga oshirilmoqda.

Mavjud vaziyat, mamlakatda ilmiy maqolalarni plagiatga tekshirish hamda har bir tashkilotga foydalanish imkoniyatini beruvchi milliy ilmiy -texnik ma'lumotlar bazasini (markaziy repozitariy) shakllantirishni talab etadi. Bundan tashqari, har bir hujjat tekshirilgandan so'ng markaziy repozitariyga o'tishini ta’minlashi lozim.

Ushbu muammolarni yechish, hamda ularning oldini olish maqsadida Innovatsion rivojlanish vazirligi huzuridagi Ilmiy-texnik axborot markazi tomonidan "Milliy darajada ilm-fan va ta'lim sohasida plagiatning oldini olish, mintaqaviy mamlakatlar va Yevropa Ittifoqi tajribasi" mavzusida davra suhbati o'tkazilmoqda.

Davra suhbati ma’ruzachilari:

Iskakov Rinat Maratovich – Kimyo fanlari doktori, Satbayev universiteti dotsenti va professori

Kenesov Bulat Nurlanovich – Kimyo fanlari doktori, dotsent, Qozog'iston fizik -kimyoviy usullari tadqiqot va tahlili markazi direktori

Ali Taxmazov - plagiat.pl loyihasining ijrochi direktori

Aleksandr Biryukov - Springer Nature kompaniyasining Rossiya, MDHdagi strategik loyihalar va jurnallar bo'yicha vitse -prezidenti (Geydelberg, Germaniya)

Yana Palinkas – Springer Nature kompaniyasining amaliy fanlar bo’yicha assotsiatsiyalashgan nashriyotchisi

Tixonkova Irina Aleksandrovna - Clarivate kompaniyasining axborot -tahliliy resurslar bo'yicha xalqaro eksperti

📆 10-sentabr 2021 yil

⏰ soat 14:30

📍 Innovatsion rivojlanish vazirligi binosida

Davra suhbatiga ulanish uchun havola

​​❗️Диққат

🌐Ўзбекистон Республикасида халқаро илмий лабораториялар яратиш ва илмий-тадқиқот ва тажриба-конструкторлик ишларни амалга ошириш учун халқаро танлов ўтказиш тўғрисида эълон

🟢Танлов ташкилотчиси: Ўзбекистон Республикаси Инновацион ривожланиш вазирлиги.
Дастлабки аризаларни топшириш муддати: 2021 йил 31 октябргача (Тошкент вақти билан 24:00 гача, UTC + 5:00).

🟢Ўзбекистон Республикаси Инновацион ривожланиш вазирлиги халқаро илмий лабораториялар яратиш ва илмий-тадқиқот ва тажриба-конструкторлик ишларини (ИТТКИ) олиб бориш учун аризаларнинг очиқ халқаро танловини эълон қилади.

🟢Аризалар хорижий ҳамкорларни (илмий лабораториялар, университет марказлари) ва илмий натижаларни Ўзбекистон иқтисодиётининг реал секторларига киритишга қаратилган илмий-тадқиқот ишларни ўз ичига олиши лозим. Аризалар Ўзбекистон Республикасининг Инновацион ривожланиш стратегиясининг мақсадли кўрсаткичларига эришишга қаратилган бўлиши керак.

🟢Батафсил маълумот ва қоидалар билан бу ерда танишишингиз мумкин.
Тўлиқ аризаларни тайёрлаш учун икки ой вақт ажратилади.

🟢Дастлабки аризалар 2021 йил 31 октябргача (Тошкент вақти билан соат 18:00 гача, UTC +5:00) interlabs@mininnovation.uz электрон манзилида “Expression of Interest / International Labs” мавзуси билан қабул қилинади.

▶️Барча саволлар учун interlabs@mininnovation.uz электрон манзилига ёзма равишда мурожаат қилишингиз мумкин.

​​#Diqqat❗️

🌐2021/2022-oʻquv yili uchun respublika oliy ta’lim muassasalarida bakalavriat yoʻnalishlari va magistratura mutaxassisliklari boʻyicha toʻlov-kontrakt qiymati miqdorlari toʻgʻrisida Oliy va oʻrta maxsus ta’lim vazirligining bayonoti

Bunda, bakalavriat va magistratura mutaxassisliklarda kunduzgi ta’lim shaklida tahsil olib, 2021-yil 1-noyabrga qadar koronavirus infeksiyasiga qarshi ixtiyoriy ravishda emlangan (ya’ni vaksina olgan) talabalarga stipendiyasiz bazaviy toʻlov-kontrakt miqdorlariga bir martalik 10 foiz chegirma bonusi berilishi belgilandi.

davomi👉🏻https://www.edu.uz/uz/news/view/2810

https://t.me/Surxondaryoinnovatsiya